ഓഗസ്റ്റ് 9ന് റിലീസ് ചെയ്യാനിരിക്കുന്ന സർവൈവർ ത്രില്ലർ ചിത്രം സിക്കാഡ ഇതിനോടകം വലിയ പ്രേക്ഷക പ്രതീക്ഷ നേടിയെടുത്ത ചിത്രമാണ്. ചിത്രത്തിന്റെതായി പുറത്തിറങ്ങുന്ന പാട്ടുകളും മറ്റു വീഡിയോകളുമെല്ലാം നിമിഷങ്ങൾക്കകം വൈറലാകുന്നതാണ് രീതി. ട്രെയിലർ അടക്കമുള്ള വീഡിയോകൾക്ക് പ്രേക്ഷരിൽ നിന്നും ലഭിച്ച സ്വീകാര്യത തിയേറ്ററിലും ആവർത്തിക്കുമെന്ന ആത്മവിശ്വാസത്തിലാണ് അണിയറ പ്രവർത്തകരും.
‘ കൊടുത്താൽ കിട്ടും’ ഇങ്ങനെ ഒരു ടാഗ്‌ലൈൻ ആണ് പ്രമോഷന്റെ ഭാഗമായി ഇപ്പോൾ പ്രചരിക്കുന്നത്. ‘റിയാലിറ്റിയും മിത്തും കൂടി കലർന്നിരിക്കുന്ന സസ്പെൻസ് നിറഞ്ഞ ട്രെയിലർ ഡീ കോഡ് ചെയ്യാൻ തന്നെ ഒരുപാട് സമയം എടുത്തണ്ണാ! ഇനിയും വയ്യേ’ എന്നാണ് പഞ്ച് ലൈൻ പുറത്തുവന്നതോടെ സോഷ്യൽ മീഡിയയിലെ കമന്റ്. ‘എന്നടാ പണ്ണി വച്ചിറുക്ക്, ഇനി റിലീസ് വരെ ത്രില്ലടിക്കണമല്ലോ’ എന്നായിരുന്നു ട്രെയിലറിനടിയിലെ മറ്റൊരു കമന്റ്.
എന്തായാലും പതിവ് രീതിയിൽ നിന്നും വ്യത്യസ്തമായി ടാഗ്‌ലൈൻ കമന്റിൽ അണിയറക്കാർ പ്രതികരിച്ചിട്ടുണ്ട്. ‘പ്രകൃതിയും ലോകവും അങ്ങനെയാണ്!. നമ്മൾ എന്തു കൊടുക്കുന്നു, നൽകുന്നു എന്നത് അനുസരിച്ച് അത് തിരിച്ചു നൽകും. നന്മ ചെയ്താൽ നന്മ വന്നുഭവിക്കും മറിച്ചാണെങ്കിൽ അതും സംഭവിക്കും. അതുപോലെ നിങ്ങൾ അധ്വാനിച്ച് ഉണ്ടാക്കിയ കാശു മുടക്കി ടിക്കറ്റ് എടുത്താൽ തക്കതായ കാര്യം നിങ്ങൾക്ക് കിട്ടും. ഇത് ഞങ്ങളുടെ ഉറപ്പ്’- അണിയറ പ്രവർത്തകർ പറയുന്നു.
മലയാളം, തമിഴ്, കന്നഡ, തെലുങ്കു ഭാഷകളിലാണ് ചിത്രം പുറത്തിറങ്ങുന്നത്. 4 ഭാഷകളിലും ഒന്നിനോടൊന്ന് ഈണങ്ങളും വരികളും വ്യത്യസ്തപ്പെട്ട 24 പാട്ടുകളുമായാണ് ചിത്രം പുറത്തിറങ്ങുക. സംവിധായകൻ ശ്രീജിത്ത് തന്നെയാണ് 4 ഭാഷകളിലേയും പാട്ടുകളും ചിത്രത്തിന്റെ രചനയും നിർവഹിച്ചിരിക്കുന്നത്.
തീര്‍ണ ഫിലിംസ് ആന്റ് എന്‍റര്‍ടൈന്‍മെന്റിന്റെ ബാനറില്‍ വന്ദന മേനോന്‍, പി ഗോപകുമാര്‍ എന്നിവര്‍ ചേര്‍ന്നാണ്ചിത്രം നിര്‍മിക്കുന്നത്. ഗോൾ, ജനകൻ, സെവൻസ് തുടങ്ങിയ ചിത്രങ്ങളിലൂടെ ശ്രദ്ധേയനായ യുവ നടന്‍ രജിത് പത്തുവര്‍ഷത്തിനുശേഷം പുതിയ ഗെറ്റപ്പില്‍ തിരിച്ചെത്തുന്നു എന്ന പ്രത്യേകതയും ചിത്രത്തിനുണ്ട്. 2018, തലൈനഗരം 2, ലൂസിഫർ,കടുവ ഉള്‍പ്പെടെ തെന്നിന്ത്യന്‍ സിനിമയില്‍ സ്വഭാവവേഷങ്ങളിലൂടെ തിളങ്ങുന്ന ജെയ്സ് ജോസ് പള്ളിപ്പാടനും ചിത്രത്തിൽ കരുത്തുറ്റ വേഷത്തിലുണ്ട്. ഗായത്രി മയൂരയാണ് നായിക.
മറ്റു പ്രമുഖതാരങ്ങളും അണിനിരക്കുന്ന ചിത്രത്തിന്റെ ലൊക്കേഷന്‍ ബാംഗ്ലൂര്‍, കൊച്ചി, അട്ടപ്പാടി എന്നിവിടങ്ങളാണ്. നവീന്‍ രാജ് ആണ് ഛായാഗ്രഹണം നിര്‍വഹിക്കുന്നത്. എഡിറ്റിങ് ഷൈജിത്ത് കുമരന്‍. ഗാനരചന– വിവേക് മുഴക്കുന്ന്. പ്രൊഡക്ഷന്‍ കണ്‍ട്രോളര്‍ രാജേഷ് കെ മത്തായി. ഓഡിയോഗ്രാഫി– ആഡ് ലിന്‍ സൈമണ്‍ ചിറ്റിലപ്പിള്ളി, സൗണ്ട് എഡിറ്റര്‍– സുജിത് സുരേന്ദ്രന്‍. ശബ്ദമിശ്രണം– ഫസല്‍ എ ബക്കര്‍ സ്റ്റുഡിയോ– എസ്.എ. സ്റ്റുഡിയോ, പിആര്‍ഒ– എ.എസ്. ദിനേശ്, പ്രമോഷൻ& മാർക്കറ്റിംങ് –മൂവി ഗാങ്, കലാസംവിധാനം –ഉണ്ണി എല്‍ദോ, കോസ്റ്റ്യൂം–ജെസിയ ജോര്‍ജ്, നൃത്തസംവിധാനം–റ്റീഷ്യ , മേക്കപ്പ് ജീവ, കോ–പ്രൊഡ്യൂസര്‍– ശ്രീനാഥ് രാമചന്ദ്രന്‍, കെവിന്‍ ഫെര്‍ണാണ്ടസ്, സല്‍മാന്‍ ഫാരിസ്, ഗൗരി ടിംബല്‍, പ്രവീണ്‍ രവീന്ദ്രന്‍. ലൈന്‍ പ്രൊഡ്യൂസര്‍– ദീപക് വേണുഗോപാല്‍, അനീഷ് അട്ടപ്പാടി, പ്രജിത്ത് നമ്പ്യാര്‍, ഉണ്ണി എല്‍ദോ. സ്റ്റില്‍സ്– അലന്‍ മിഥുന്‍, പോസ്റ്റര്‍ ഡിസൈന്‍–മഡ് ഹൗസ്
