IIT JAM 2022: ഓഗസ്റ്റ് 30 മുതൽ അപേക്ഷിക്കാം; പരീക്ഷ ഫെബ്രുവരി 13ന്
ഐ.ഐ.ടി ജാം 2022 തീയതി വന്നു
റൂർക്കി ഐ.ഐ.ടി നടത്തുന്ന ജോയിന്റ് അഡ്മിഷൻ ടെസ്റ്റ് ഫോർ മാസ്റ്റേഴ്സ് പരീക്ഷ 2022 ഫെബ്രുവരി 13ന് നടക്കും. ഓൺലൈൻ അപേക്ഷ ഓഗസ്റ്റ് 30ന് ആരംഭിക്കും. ഒക്ടോബർ 11 വരെ ഓൺലൈനായി അപക്ഷ സമർപ്പിക്കാൻ സമയമുണ്ട്.
ജാം 2022 പരീക്ഷ ഓൺലൈനായി നടക്കും. 2022 ജനുവരി 4 മുതൽ അഡ്മിറ്റ് കാർഡ് ലഭ്യമാകും. പരീക്ഷയുടെ ഫലം മാർച്ച് 22ന് പ്രഖ്യാപിക്കും.
കംപ്യൂട്ടർ അധിഷ്ഠിതമായിട്ടായിരിക്കും പരീക്ഷ നടക്കുക. 7 പേപ്പറുകളുണ്ടാകും. ബയോടെക്നോളജി, കെമിസ്ട്രി, എക്കണോമിക്സ്, ജിയോളജി, മാത്തമാറ്റിക്സ്, മാത്തമാറ്റിക്കൽ സ്റ്റാറ്റിസ്റ്റിക്സ്, ഫിസിക്സ് എന്നീ പേപ്പറുകളാണുണ്ടാവുക.
മൾട്ടിപ്പിൾ ചോയ്സ്, മൾട്ടിപ്പിൾ സെലക്ട്, ന്യൂമറിക്കൽ ആൻസർ ടൈപ് എന്നിങ്ങനെ മൂന്ന് തരം ചോദ്യങ്ങളുണ്ടാകും.