ന്യൂഡൽഹി∙ സീറ്റ് വിഭജനം ഉൾപ്പെടെയുള്ള കാര്യങ്ങൾ ചർച്ച ചെയ്യപ്പെടുന്ന ഇന്ത്യാ മുന്നണിയുടെ ഓൺലൈൻ യോഗത്തിൽനിന്ന് വിട്ടുനിന്ന് ബംഗാൾ മുഖ്യമന്ത്രി മമത ബാനർജി. മുൻകൂട്ടി നിശ്ചയിച്ച മറ്റുപരിപാടികളെ തുടർന്നാണ് മമത വിട്ടുനിന്നതെന്നാണ് റിപ്പോർട്ട്.
സീറ്റ് വിഭജനത്തിലെ ആശയക്കുഴപ്പം പരിഹരിക്കുക, ഭാരത് ജോഡോ ന്യായ് യാത്രയില്‍ മറ്റു പാർട്ടി നേതാക്കൾ പങ്കെടുക്കുന്നത് അടക്കമുള്ള കാര്യങ്ങൾ തീരുമാനിക്കുന്നതിനായിരുന്നു യോഗം. ഈ യോഗത്തിൽ മല്ലികാർജുൻ ഖർഗെയെ ഇന്ത്യാ മുന്നണിയുടെ ചെയർമാൻ ആയി തെരഞ്ഞെടുക്കപ്പെട്ടിരുന്നു .
ഇതിനിടെ ലോക്‌സഭാ തിരഞ്ഞെടുപ്പിൽ ബംഗാളിൽ കോൺഗ്രസിന് രണ്ടുസീറ്റ് നൽകാമെന്ന് പറഞ്ഞ മമത പിന്നീടിത് മൂന്നായി വർധിപ്പിച്ചിരുന്നു.
