അടുത്ത മൂന്ന് വര്‍ഷത്തിനുള്ളില്‍ 100 ലധികം കാര്‍ഗോ ടെര്‍മിനലുകള്‍ വികസിപ്പിക്കുമെന്ന് റെയില്‍വേ മന്ത്രാലയം. വ്യവസായ കേന്ദ്രങ്ങളില്‍ നിന്നുള്ള ആവശ്യവും ചരക്ക് ഗതാഗതത്തിന്റെ ശേഷിയും കണക്കിലെടുത്താണ് ജിസിടിയുടെ സ്ഥാനം തീരുമാനിക്കുന്നതെന്ന് റെയില്‍വേ മന്ത്രാലയം അറിയിച്ചു. ‘ഇതുവരെ 15 ജിസിടികള്‍ (ഗതി ശക്തി മള്‍ട്ടി-മോഡല്‍ കാര്‍ഗോ ടെര്‍മിനല്‍) കമ്മീഷന്‍ ചെയ്തിട്ടുണ്ട്. ജിസിടികളുടെ വികസനത്തിനായി 96 ഓളം സ്ഥലങ്ങള്‍ കൂടി കണ്ടെത്തിയിട്ടുണ്ട്.”- മന്ത്രാലയം പ്രസ്താവനയില്‍ പറഞ്ഞു.റെയില്‍ ചരക്ക് കൈകാര്യം ചെയ്യുന്നതിനുള്ള അധിക ടെര്‍മിനലുകളുടെ വികസനത്തില്‍ വ്യവസായത്തില്‍ നിന്നുള്ള നിക്ഷേപം പ്രോത്സാഹിപ്പിക്കുന്നതിനായി, ഒരു പുതിയ ‘ഗതി ശക്തി മള്‍ട്ടി-മോഡല്‍ കാര്‍ഗോ ടെര്‍മിനല്‍ (GCT)’ നയം 2021 ഡിസംബര്‍ 15-ന് ആരംഭിച്ചു. ഈ പദ്ധതിയിലൂടെ വികസനം ത്വരിതപ്പെടുത്തുകയും എല്ലാം കൃത്യസമയത്ത് പൂര്‍ത്തിയാക്കുകയും ചെയ്യും.
