ഡൽഹി : രാജ്യവ്യാപകമായി 448 ട്രെയിനുകൾ റദ്ധാക്കി ഇന്ത്യൻ റെയിൽവേ.ഇന്ന് പുറപ്പെടാനിരുന്ന 97 ട്രെയിനുകൾ റദ്ധാക്കി. 12 ട്രെയിനുകൾ റീ ഷെഡ്യൂൾ ചെയ്യുകയും 19 സർവീസുകൾ വഴി തിരിച്ചു വിടുകയും ചെയ്തിട്ടുണ്ട്. റെയിവേ ലൈനുകളിൽ അറ്റകുറ്റ പണികൾ നടക്കുന്നതിനാലാണ് ട്രെയിനുകൾ കൂട്ടത്തോടെ റദ്ധാക്കിയത്.
12416 ഇൻഡോർ ഇന്റർസിറ്റി സൂപ്പർ ഫാസ്റ്റ് എക്സ്പ്രസ്സ്,13430 മാൾഡാ ടൗൺ വീക്കിലി എക്സ്പ്രസ്സ്, 12963 മേവാർ സൂപ്പർ ഫാസ്റ്റ് എക്സ്പ്രസ്സ്, 20806 ആന്ധ്രപ്രദേശ് എക്സ്പ്രസ്സ് എന്നീ ട്രെയിൻ സർവീസുകൾ പുനർക്രെമീകരിച്ചിട്ടുണ്ട്. കൊച്ചുവേളി ഇൻഡോർ സൂപ്പർഫാസ്റ് എക്സ്പ്രസ്സ് ഉജ്ജയിൻ വഴിയും കന്യാകുമാരി -ഹൗറ ജംഗ്ഷൻ കേപ്പ് സൂപ്പർ ഫാസ്റ്റ് എക്സ്പ്രസ്സ് വിരുത് നഗർ വഴിയും തിരിച്ചു വിടും.
12034 കാൺപൂർ സെൻട്രൽ ശതാപ്തി എക്സ്പ്രസ്സ്, നിസാമുദ്ധീൻ -എറണാകുളം തുരന്തോ എക്സ്പ്രസ്സ്, കാരക്കുടി -ചെന്നൈ എഗ്മോർ എക്സ്പ്രസ്സ്, രാമേശ്വരം -കന്യാകുമാരി കേപ്പ് സൂപ്പർ ഫാസ്റ്റ് എക്സ്പ്രസ്സ്, മധുര ജംഗ്ഷൻ -ചെന്നൈ എഗ്മോർ സൂപ്പർഫാസ്റ് എക്സ്പ്രസ്സ് എന്നിവ അടക്കമുള്ള സർവീസുകളാണ് റദ്ദാക്കിയിട്ടുള്ളത്.
കേരളത്തിലും ട്രെയിൻ സെർവീസുകൾക്ക് മാറ്റം വന്നിട്ടുണ്ട് 25 മുതൽ 27 വരെയാണ് നിയന്ത്രണം ഏർപ്പെടുത്തിയിരിക്കുന്നത്. പുതുക്കാടിനും -തൃശൂരിനും ഇടയിൽ അറ്റകുറ്റപണികൾ നടക്കുന്നതിനാലാണ് നിയന്ത്രണം. ജനശതാപ്തി ഉൾപ്പടെ 4 ട്രെയിനുകൾ പൂർണമായും 3 ട്രെയിനുകൾ ഭാഗികമായും റദ്ദാക്കി. എറണാകുളം -ഷൊർണുർ മെമു, തിരുവനന്തപുരം -കണ്ണൂർ ശതാപ്തി എക്സ്പ്രസ്സ്, എറണാകുളം-ഗുരുവായൂർ എക്സ്പ്രസ്സ് എന്നീ ട്രെയിനുകൾ 26 നും കണ്ണൂർ-തിരുവനന്തപുരം ജനശതാപ്തി 27 നും പൂർണമായും റദ്ദാക്കി.
25 നു ചെന്നൈ-തിരുവനന്തപുരം മെയിൽ തൃശൂരിൽ യാത്ര അവസാനിപ്പിക്കും. തിരുവനന്തപുരം-ചെന്നൈ മെയിൽ 26 നു രാത്രി 8. 43 നു തൃശൂരിൽ നിന്നും യാത്ര തുടങ്ങും. കണ്ണൂർ-എറണാകുളം എക്സ്പ്രസ്സ് 26 നു തൃശൂരിൽ യാത്ര അവസാനിപ്പിക്കും. 26 നു കന്യാകുമാരി -ബെംഗളൂരു എസ്സ്പ്രെസ്സ് കന്യാകുമാരിയിൽ നിന്ന് 2 മണിക്കൂർ വൈകി മാത്രമേ പുറപ്പെടുകയുള്ളു.
