മിക്കപ്പോഴും ഹിറ്റുകളും ഭൂരിഭാഗം പ്രേക്ഷകർക്കും ഇഷ്ടപ്പെടുന്ന സിനിമകളും മലയാളികൾക്ക് സമ്മാനിച്ച സംവിധായകനുമാണ് ജീത്തു ജോസഫ്. മോഹൻലാലിന്റെ നോട്ടബിൾ ഹിറ്റായ ജീത്തു ജോസഫ് സംവിധാനത്തിൽ പിറന്ന ‘ദൃശ്യ’ത്തെ മറന്നൊരു ചർച്ച മലയാള സിനിമയുടെ ദേശീയ-അന്തർദേശീയ സ്വീകാര്യതയെ കുറിച്ച് നടത്തുമ്പോൾ ഒരിക്കലും വയ്യെന്നതാണ് സത്യം. ഇത്തരത്തിൽ ദൃശ്യത്തിനു ശേഷം ജീത്തു ജോസഫ് സംവിധാനം ചെയ്ത ചിത്രം ലൈഫ് ഓഫ് ജോസൂട്ടിയെ കുറിച്ച് പറഞ്ഞ അദ്ദേഹത്തിന്റെ വാക്കുകളാണിപ്പോൾ കൗതുകത്തോടെ സിനിമാപ്രേമികൾ ശ്രദ്ധിക്കുന്നത്.
ചിത്രത്തിന്റെ ക്ലൈമാക്സ് ദിലീപിന്റെ ജീവിതത്തിൽ അടുത്ത പങ്കാളിയായ് തെന്നിന്ത്യൻ ലേഡി സൂപ്പർ സ്റ്റാർ നയൻ‌താര വരുന്നു എന്ന രീതിയിലാണ്. ഈ ക്ലൈമാക്സ് വലിയ രീതിയിൽ പ്രേക്ഷകർ ഏറ്റെടുക്കുകയും ചെയ്തിരുന്നു. എന്നാൽ താൻ ഉദ്ദേശിച്ച ക്ലൈമാക്സ് ശെരിക്കും ഇതല്ലെന്ന വെളിപ്പെടുത്തലാണ് സംവിധായകൻ നടത്തിയിരിക്കുന്നത്. ക്ലൈമാക്സിൽ നയൻതാരയെ കൊണ്ടുവന്ന ബുദ്ധി ചർച്ചയിൽ ഉരുത്തിരിഞ്ഞ് വന്നതാണെന്നും അദ്ദേഹം പറയുന്നു.
ദുരന്തങ്ങളുടെ ഘോഷയാത്രയാണ് ചിത്രത്തിൽ ഉടനീളം ദിലീപ് അവതരിപ്പിച്ച ജോസൂട്ടിയുടെ ലൈഫ്. അതുകൊണ്ട് തന്നെ ജോസൂട്ടിക്ക് നല്ലൊരു പെൺകുട്ടിയെ കിട്ടണമെന്ന സാറ്റിസ്ഫാക്ഷനിൽ ഓഡിയൻസിനെ ഇറക്കിവിടണമെന്ന ചിന്ത മറ്റുള്ളവരുമായി നടത്തിയ ചർച്ചയിൽ വന്നു. അങ്ങനെയാണ് നയൻതാരയുടെ ഗസ്റ്റ് റോൾ സിനിമയിൽ ഉൾപ്പെടുത്തുന്നത്. അതേസമയം തന്റെ മനസ്സിൽ ക്ലൈമാക്സിൽ ജോസൂട്ടി പത്ര പരസ്യം വായിച്ചിരിക്കുന്നിടത്ത് അവസാനിപ്പിക്കാം എന്ന രീതിയിലായിരുന്നു ചിന്ത. പക്ഷെ അതൊന്നും ആളുകൾക്ക് അത്ര സുഖിച്ചില്ല. ജീത്തു ജോസഫ് പറഞ്ഞു.
