മലയാള സിനിമയുടെ ഹാസ്യ സാമ്രാട്ടാണ് ജഗതി ശ്രീകുമാർ. അദ്ദേഹത്തിന് പകരംവെക്കാൻ മറ്റൊരാളില്ല എന്നുള്ളതുകൊണ്ട തന്നെ മലയാള സിനിമയുടെ ചിരി തമ്പൂരാന്റെ സിംഹാംസനം ഇന്നും ഒഴിഞ്ഞു തന്നെ കിടക്കുന്നു. ഇപ്പോളിതാ അദ്ദേഹം അഭിനയത്തിലേക്ക് മടങ്ങിയെത്തുന്ന വാർത്തയാണ് പുറത്തുവരുന്നത്.
‘തേൻ മഴ തേൻ മഴ’ എന്ന ചിത്രത്തിലൂടെയാണ് ജഗതി അഭിനയത്തിലേക്ക് തിരിച്ചു വരുന്നത്. കുഞ്ഞുമോൻ താഹയാണ് ചിത്രം കഥയെഴുതി സംവിധാനം ചെയ്യുന്നത്. ജഗതിയുടെ വീട്ടിൽ വെച്ച് ചിത്രത്തിന്റെ പ്രധാന ഭാഗങ്ങൾ സംവിധായകൻ കഴിഞ്ഞ ദിവസം ചിത്രീകരിച്ചു. കറിയാച്ചൻ എന്ന ശക്തമായ കഥാപാത്രത്തെയാണ് ചിത്രത്തിൽ ജഗതിയുടേത്. ശരീരഭാഷ കൊണ്ട് ശക്തമായി തന്നെ കറിയാച്ചൻ എന്ന കഥാപാത്രത്തെ ജഗതി അവതരിപ്പിച്ചിട്ടുണ്ടെന്നാണ് സംവിധായകൻ പറയുന്നത്.
കൊല്ലം വയനാട് തിരുവനന്തപുരം എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകൾ. ഗലീഫ കൊടിയിൽ നിർമിക്കുന്ന ചിത്രത്തിന് തിരക്കഥ, സംഭാഷണം കുഞ്ഞു മോഹൻ താഹ, എ വി ശ്രീകുമാർ എന്നിവർ ചേർന്നാണ് ഒരുക്കിയിരിക്കുന്നത്. ജഗതി ശ്രീകുമാർ, കോബ്ര രാജേഷ്, മാള ബാലകൃഷ്ണൻ, പി ജെ ഉണ്ണികൃഷ്ണൻ, സൂരജ് സാജൻ, ആദർശ്, ലക്ഷ്മി പ്രിയ, സ്‌നേഹ അനിൽ, ലക്ഷ്മി അശോകൻ, സൈഫുദ്ദീൻ, ഡോക്ടർ മായ, സജിപതി, കബീർദാസ്, ഷറഫ് ഓയൂർ, അശോകൻ ശക്തികുളങ്ങര കണ്ണൻ സുരേഷ്, രാജി തിരുവാതിര, പ്രീത പനയം, ശ്യാം, രാജേഷ് പിള്ള, സുരേഷ് പുതുവൽ, ബദർ കൊല്ലം ഉണ്ണി സ്വാമി പുഷ്പ ലതിക ബേബി സ്‌നേഹം ബേബി പാർവതി എന്നിവരാണ് ചിത്രത്തിലെ അഭിനേതാക്കൾ.
