മലയാളികളുടെ പ്രിയപ്പെട്ട നടിയാണ് ജൂഹി റുസ്തഗി. ഉപ്പും മുളകും എന്ന ജനപ്രിയ സീരിയലിലെ ലച്ചു എന്ന കഥാപാത്രത്തിലൂടെയാണ് ജൂഹി പ്രേക്ഷക പ്രീതി നേടുന്നത്. പിന്നീട് ഇടയ്ക്ക് നടി സീരയിലില്‍ നിന്നും പിന്മാറിയിരുന്നു. അണിയറ പ്രവര്‍ത്തകര്‍ വമ്പന്‍ യാത്രയയപ്പാണ് ജൂഹിക്ക് നല്‍കിയത്. പിന്നീട് ആര്‍ട്ടിസ്റ്റായ റോവിന്‍ ജോര്‍ജുമായി നടി പ്രണയത്തിലാണെന്നും ഉടന്‍ വിവാഹിതരാകുന്നു എന്നും വാര്‍ത്തകള്‍ എത്തിയിരുന്നു.
എന്നാല്‍ ഇടയ്ക്ക് ജൂഹി റോവിനൊപ്പമുള്ള ചിത്രങ്ങളും വീഡിയോകളും ഡിലീറ്റ് ചെയ്തതോടെ ഇരുവരും പിരിഞ്ഞുവെന്ന വാര്‍ത്തകളും പ്രചരിച്ചു. എന്നാല്‍ ഈ കിംവതന്തികള്‍ ജൂഹി തന്നെ അവസാനിപ്പിച്ചിരിക്കുകയാണ്. ഇരുവരും ഒന്നിച്ചുള്ള പുതിയ വീഡിയോയുമായി ജൂഹി എത്തിയിരിക്കുകയാണ്. തന്റെ യൂട്യൂബ് ചാനലായ പെര്‍ഫെക്ട് സ്‌ട്രേഞ്ചേഴ്‌സിലൂടെയാണ് വീഡിയോ പങ്കുവെച്ചത്. റോവിന്റെ കൂടെ ജൂഹി കുറുമ്പലക്കോട്ടിലേക്കാണ് യാത്ര നടത്തിയത്. ഇതിന്റെ വിശേഷങ്ങളാണ് നടി പങ്കുവെച്ചിരിക്കുന്നത്.
റോവിനൊപ്പമുള്ളല ചിത്രങ്ങള്‍ ജൂഹി തന്റെ ഇന്‍സ്റ്റഗ്രാമില്‍ നിന്നും നീക്കം ചെയ്തിരുന്നു. ഇതോടെയാണ് ജൂഹിയും റോവിനും പിരിഞ്ഞോ എന്ന ചോദ്യം ഉയര്‍ന്നത്. ഇതിനിടെയാണ് ഇരുവരും ഒന്നിച്ചുള്ള യാത്ര വീഡിയോ ജൂഹി തന്റെ യൂട്യൂബ് ചാനലില്‍ പങ്കുവെച്ചിരിക്കുന്നത്. നിരവധി തവണ ജൂഹിയും റോവിനും പ്രണയത്തിലാണെന്ന വാര്‍ത്തകള്‍ പ്രചരിച്ചിരുന്നു. ഇരുവരും തമ്മിലുള്ള ചിത്രങ്ങള്‍ നിമിഷങ്ങള്‍ക്കുള്ളില്‍ തന്നെ വൈറലായി മാറിയിരുന്നു. ഇരുവരുടെയും വിവാഹം വീട്ടുകാര്‍ ഉറപ്പിച്ചെന്നും വാര്‍ത്തകളെത്തി.
