ജസ്പ്രീത് ബുംറ വിവാഹിതനായി. ഗോവയിൽ വെച്ചായിരുന്നു വിവാഹം. സഞ്ജന ഗണേശൻ ആണ് വധു. കഴിഞ്ഞ കുറേ ദിവസങ്ങളായി ഇതിനെ സംബന്ധിച്ച അഭ്യൂഹങ്ങൾ നിലനിന്നിരുന്നു. ഇപ്പോൾ ആണ് ഔദ്യോഗിക വാർത്ത പുറത്തുവന്നത്.
ബുംറ തന്നെയാണ് ഈ വിവരം തൻറെ ഔദ്യോഗിക ഇൻസ്റ്റഗ്രാം അക്കൗണ്ട് വഴി അറിയിച്ചത്. തൻെറയും സഞ്ജനയുടെയും ജിവിതത്തിലെ ഏറ്റവും സന്തോഷകരമായ ദിനമാണിതെന്ന് ബുംറ ഇൻസ്റ്റഗ്രാമിൽ കുറിച്ചു. ഞങ്ങളൊരുമിച്ച് പുതിയ യാത്ര തുടങ്ങുന്ന ദിവസമാണിന്ന്. “നിങ്ങളുടെ എല്ലാവരുടെയും ആശംശയും അനുഗ്രഹവും ഒപ്പം വേണം,” ബുംറ കൂട്ടിച്ചേർത്തു.
ധാരാളം ആളുകൾ ആണ് ആശംസകളുമായി രംഗത്ത് എത്തുന്നത്. വെറും 20 പേർ മാത്രമായിരുന്നു വിവാഹത്തിന് അതിഥികളായി എത്തിയത് എന്നാണ് റിപ്പോർട്ടുകൾ സൂചിപ്പിക്കുന്നത്. അടുത്ത കുടുംബക്കാർ മാത്രമായിരുന്നു വിവാഹത്തിൽ പങ്കെടുത്തത്. View this post on Instagram
A post shared by jasprit bumrah (@jaspritb1)
2014ൽ മിസ് ഇന്ത്യ കിരീടം ചൂടിയ ആളാണ് സഞ്ജന ഗണേശൻ. എംടിവി റിയാലിറ്റി ഷോ ആയ സ്പ്ലിറ്റ്സ്‌വില്ലയുടെ ഏഴാം സീസണിൽ സഞ്ജന പങ്കെടുത്തിരുന്നു.
