നടന് അനില് നെടുമങ്ങാടിന്റെ അപ്രതീക്ഷിത വിയോഗം ഏല്പ്പിച്ച ഞെട്ടലിലാണ് സുഹൃത്തുക്കളും സഹപ്രവര്ത്തകരും. നടി കനി കുസൃതിയോട് രണ്ട് വര്ഷം മുമ്ബ് അനില് പറഞ്ഞ വാക്കുകളാണ് ആരാധകരെ വീണ്ടും വേദനയില് ആഴ്ത്തിയിരിക്കുന്നത്.
2018 ഫെബ്രുവരി 13ന് താനുമായി അനില് നടത്തിയ ചാറ്റിന്റെ സ്ക്രീന് ഷോട്ടാണ് കനി പങ്കുവച്ചിരിക്കുന്നത്.. അനില് മരിച്ചുവെന്ന് കനി സ്വപ്നം കാണുകയും പിറ്റേന്ന് രാവിലെ അദ്ദേഹത്തോട് ഇക്കാര്യം പറയുന്നതുമാണ് ചാറ്റിലുള്ളത്.
“മരണമെത്തുന്ന നേരത്തെങ്കിലും അരികത്ത് വരുമോ പൊന്നേ… പേടിക്കണ്ട നീ വന്നിട്ടേ ചാകു” എന്ന ക്യാപ്ഷനോടെ അന്ന് അനില് ഈ ചാറ്റ് ഫേസ്ബുക്കില് പങ്കുവയ്ക്കുകയും ചെയ്തിരുന്നു.
സുഹൃത്തുക്കള്ക്കൊപ്പം തൊടുപുഴ മലങ്കര ഡാമില് കുളിക്കാനിറങ്ങിയപ്പോള് കയത്തില്പ്പെട്ടാണ് അനിലിന്റെ അന്ത്യം സംഭവിക്കുന്നത്. ഏറെ നേരത്തെ തിരച്ചിലിനൊടുവിലാണ് അനിലിനെ കരയ്ക്ക് എത്തിക്കാനായത്. ജോജു ജോര്ജ്ജ് നായകനായ ‘പീസ്’ സിനിമയുടെ ഷൂട്ടിങ്ങിനായാണ് അനില് തൊടുപുഴയിലെത്തിയത്.