രണ്ടാമത്തെ കണ്‍മണിക്കായുള്ള കാത്തിരിപ്പിലാണ് ബോളിവുഡ് താരം കരീന കപൂര്‍സെയ്ഫ് അലി ഖാന്‍ ദമ്പതികൾ. ഗര്‍ഭാവസ്ഥയില്‍ ജോലി, ഫാഷന്, ആഘോഷങ്ങള്‍ എല്ലാം ആസ്വദിയ്ക്കുകയാണ് താരം. ഗര്‍ഭാവസ്ഥയിലുള്ള സമയത്തും തന്റെ ഫാഷന് ഒരു രീതിയിലുള്ള വിട്ടു വീഴ്ചകളും താരം നല്‍കാറില്ല. ഇപ്പോള്‍ താരത്തിന്റെ ഏറ്റവും പുതിയ ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്.
ഗര്‍ഭാവസ്ഥയ്ക്ക് അനുയോജ്യമായതും സിംപിളുമായ വസ്ത്രങ്ങളാണ് 40കാരിയായ കരീന ഇപ്പോള്‍ ധരിയ്ക്കുന്നത്. തന്റെ പ്രിയപ്പെട്ട ഔട്ട്ഫിറ്റായ കാഫ്താന്‍ ധരിച്ചെത്തിയ താരത്തിന്റെ ചിത്രങ്ങളാണ് വൈറലാകുന്നത്. പല വര്‍ണ്ണങ്ങളില്‍ പ്രിന്റുകളായ കാഫ്താനാണ് കരീന ധരിച്ചിരിയ്ക്കുന്നത്.
സില്‍ക്ക് ആണ് മെറ്റീരിയല്‍. എന്നാല്‍ കരീനയുടെ ബാഗിലാണ് ചിലരുടെ കണ്ണുടക്കിയത്. ഇറ്റാലിയന്‍ കമ്ബനിയായ ‘Bottega Veneta’ യുടെ ബാഗാണ് കരീനയുടെ കയ്യിലുണ്ടായിരുന്നത്. രണ്ട് ലക്ഷത്തിലധികം (2,20,968) രൂപയാണ് ഈ ബാഗിന്റെ വില. ബഗ്രു കാഫ്താനില്‍ അതിമനോഹരിയായിരിക്കുകയാണ് കരീന.
