സോഷ്യല്‍ മീഡിയ ഇൻഫ്ളുവൻസറും ബ്യൂട്ടി വ്‌ളോഗറുമായ ഗ്ലാമി ഗംഗയെ അറിയാത്തവരായി അധികം ആരും തന്നെ മലയാളികളിൽ കാണില്ല പ്രത്യേകിച്ച് യുവാക്കൾക്കിടയിൽ. വളരെ കഷ്ടപാടുള്ള ചുറ്റുപാടുകളിൽ തളരാതെ പൊരുതി സ്വന്തമായൊരു വീട് എന്ന സ്വപ്നത്തിലേക്ക് അടുക്കുകയാണിപ്പോൾ ഗ്ലാമി. അച്ഛന്റെ ക്രൂര പീഡനങ്ങളില്‍ നിന്ന് അമ്മയെ രക്ഷപ്പെടുത്തി വാടക വീട്ടിലേക്ക് മാറിയതും ബ്യൂട്ടി വ്‌ളോഗിങ്ങിലൂടെ വരുമാനമുണ്ടാക്കി വീടും ജീവിത സാഹചര്യങ്ങൾ മെച്ചപ്പെടുത്തിയതുമെല്ലാം പലകുറി താരം തന്നെ തന്റെ വോലോഗ്സിലൂടെ വ്യക്തമാക്കിയിട്ടുണ്ട്.
ഗ്ലാമിയും യുട്യൂബർമാരായ ശരണ്യയും കാര്‍ത്തിക് സൂര്യയും ഷെസാമുമൊക്കെയായുള്ള സൗഹൃദവും സോഷ്യൽ മീഡിയ സ്പേസിൽ വളരെ കൗതുകത്തോടെ ആളുകൾ നോക്കിക്കാണുന്ന കാര്യങ്ങളുമാണ്. ഇതിൽത്തന്നെ കാർത്തിക് സൂര്യ ഗംഗയുടെ വിഡിയോയിൽ പലപ്പോഴും കാർത്തിക്ക് പ്രത്യക്ഷപ്പെടാൻ തുടങ്ങിയതോടെ ഇനി ഇരുവരും തമ്മിൽ പ്രണയത്തിലാണോ എന്ന് സംശയിയിക്കുകയാണ് ആരാധകർ. ഇതോടെ ഇത്തരം പ്രണയ ഗോസിപ്പുകള്‍ മുളയിലേ നുള്ളുന്ന മറുപടിയുമായി എത്തിയിരിക്കുകയാണ് ഗ്ലാമി ഗംഗ.
‘കാര്‍ത്തിക് ഏട്ടന്‍ എനിക്ക് വല്യേട്ടനെ പോലെയാണ്. മലപ്പുറത്ത് വച്ചാണ് ഞങ്ങള്‍ ആദ്യമായി കണ്ടുമുട്ടിയത്. അന്ന് മുതല്‍ കാര്‍ത്തിക്കേട്ടന്‍ എനിക്ക് തരുന്നത് ഒരു സഹോദരി സ്‌നേഹമാണ്. അത് എനിക്ക് ഫീല്‍ ചെയ്യുന്നുണ്ട്. അങ്ങനെ തന്നെയാണ് തിരിച്ചും’ എന്നാണ് താരം പറഞ്ഞത്. കാര്‍ത്തിക് സൂര്യയുമായുള്ള ബന്ധത്തെ കുറിച്ചും, വിവാഹം കഴിക്കുമോ എന്ന ചോദ്യങ്ങൾക്കും മറുപടി പറയുകയായിരുന്നു താരം.
