മലയാള സിനിമയിലെ ഹിറ്റ് സംവിധായകനായിരുന്നു ഭരതൻ.എൺപതുകളിൽ ഭരതന്റേതായി പുറത്തിറങ്ങിയ ചിത്രങ്ങൾ എല്ലാം തന്നെ വളരെ അധികം ശ്രദ്ധിക്ക പെട്ടിരുന്നു.കെപിഎസി ലളിതയെയായിരുന്നു ഭരതൻ വിവാഹം ചെയ്തത്.ഒരു കുടുംബനാഥൻ എന്ന നിലയിലും വേറിട്ട് നിന്ന വ്യക്തിത്വമായിരുന്നു ഭരതൻ. പല വേദികളിൽ ഭരതനിലെ സംവിധായകനെ കുറിച്ച് കെപിഎസി ലളിത തുറന്ന് പറഞ്ഞിട്ടുണ്ട്.ഇപ്പോൾ ഭരതൻ എന്ന അച്ഛനെ കുറിച്ച് ആദ്യമായി തുറന്ന് പറഞ്ഞിരിക്കുകയാണ് അവർ.
മകളുടെ പഠനവുമായി ബന്ധപെട്ട കാര്യം അവൾ സ്വയം തെരഞ്ഞെടുത്തതാണെന്നും തന്റെ മകൾ എന്താകണമെന്ന അച്ഛന്റെ ആഗ്രഹത്തിനൊപ്പം ചേർന്നില്ലെന്നും ഭരതനിലെ അച്ഛനെക്കുറിച്ച് പറയുന്നതിനിടെ കെപിഎസി ലളിത പറഞ്ഞു.’ചേട്ടന് മകളെ ഒരുപാട് ഇഷ്ടമായിരുന്നു.അവളെ അദ്ദേഹം ഒരു ചിത്രകാരിയാക്കാനാണ് ആഗ്രഹിച്ചത്. അവൾ നല്ല പോലെ പെയിന്റ് ചെയ്യുമായിരുന്നു.പക്ഷേ അതൊരു സൈഡ് ബിസിനസിനപ്പുറം ഒരു പ്രൊഫഷനാക്കി മാറ്റാൻ അവൾ ആഗ്രഹിച്ചില്ല. അതിന്റെ പേരിൽ അവർ തമ്മിൽ പിണങ്ങിയിരുന്നു.
ഇവൾ സ്വന്തമായി തീരുമാനിച്ചതാണ് ബിബിഎ എടുക്കാമെന്ന്.അച്ഛന്റെ കാലിൽ തൊട്ട് വന്ദിച്ചിട്ടാണ് അവൾ അതിന് പോകുന്നത്. അന്നാണ് പിന്നെ അവർ തമ്മിൽ മിണ്ടുന്നത്.അച്ഛന് അതിന്റെ പേരിൽ നല്ല വിഷമം ഉണ്ടായിരുന്നു.താൻ പറഞ്ഞത് ചെയ്തിലല്ലോ എന്ന രീതിയിൽ നല്ല വിഷമം പുള്ളിക്ക് തോന്നിയിരുന്നു.അന്ന് രാത്രിയിലാണ് സുഖമില്ലാതെ ആശുപത്രിയിൽ പോകുന്നതൊക്കെ’. കെപിഎസി ലളിത പറയുന്നു.
