ജമ്മു&കശ്മീരിലെ രണ്ട് പ്രധാന തുരങ്ക പദ്ധതികൾക്കായി സർക്കാർ ആഗോള ടെൻഡറുകൾ ക്ഷണിച്ചു. ഒരു ഇതര ഹൈവെയിലൂടെ ജമ്മുവിനും ശ്രീനഗറിനും ഇടയിൽ എല്ലാ കാലാവസ്ഥയിലും ഗതാഗതം സാധ്യമാക്കുക, പ്രധാനമായും സൈനിക നീക്കത്തെ സഹായിക്കുക എന്നീ ലക്ഷ്യങ്ങളോടെയാണ് തുരങ്ക പദ്ധതികൾ വിഭാവനം ചെയ്തിരിക്കുന്നത്. പദ്ധതിയിൽ ഉൾപ്പെടുന്ന സിങ്‌പോര-വൈലൂ (Singhpora-Vailoo) തുരങ്കത്തിന്റെ നീളം 10.3 കിലോമീറ്റർ ആണ്. അഞ്ച് വർഷം കൊണ്ട് നിർമ്മാണം പൂർത്തീകരിക്കാൻ ലക്ഷ്യമിടുന്ന ഈ തുരങ്കത്തിന് പ്രതീക്ഷിക്കുന്ന നിർമ്മാണ ചെലവ് 3,253 കോടി രൂപയാണ് . അതേസമയം ഏകദേശം 8 കിലോമീറ്റർ നീളമുള്ള സുധ്മഹാദേവ്-ഡ്രംഗ ഇരട്ട തുരങ്കത്തിന്റെ നിർമ്മാണത്തിന് 2,598 കോടി രൂപയണ് ചെലവ് പ്രതീക്ഷിക്കുന്നത്. ആദ്യ തുരങ്കത്തിന് 38 കിലോമീറ്ററും രണ്ടാമത്തെ തുരങ്കത്തിന് അഞ്ച് കിലോമീറ്ററും വീതമുള്ള അപ്രോച്ച് റോഡുകളും നിർമിക്കും.ഒരു ദശാബ്ദത്തിനു മുമ്പ് നിർദ്ദേശിച്ച തുരങ്ക പദ്ധതികളാണ് ഇവ. ചെനാനി മുതൽ ജമ്മു & കാശ്മീരിലെ ഖനാബാൽ വരെ 274 കിലോമീറ്ററോളം ദൈർഘ്യമുള്ള എൻഎച്ച് 244 ജമ്മു& കാശ്മീരിലെ സുപ്രധാന പദ്ധതികളിൽ ഒന്നാണ്.
