ന്യൂഡൽഹി:സംസ്ഥാനങ്ങൾക്കകത്തും പുറത്തുമായി കൂടുതൽ തീവണ്ടിസർവീസുകൾ അനുവദിക്കാൻ തീരുമാനം.കൂടാതെ മലബാർ, മാവേലി എക്സ്പ്രസുകളുൾപ്പെടെയുള്ള 13 തീവണ്ടികളുടെ സർവീസ് പുനരാരംഭിക്കാനും റെയിൽവേ ബോർഡ് അനുമതി നൽകി.മംഗളൂരു-തിരുവനന്തപുരം മലബാർ എക്സ്പ്രസ്,മധുര-പുനലൂർ എക്സ്പ്രസ് ഈ വെള്ളിയാഴ്ച മുതലും
ചെന്നൈ-തിരുവനന്തപുരം, ചെന്നൈ-മംഗളൂരു, ചെന്നൈ-പാലക്കാട്, ചെന്നൈ-ഗുരുവായൂർ (തിരുവനന്തപുരം വഴി) എന്നീ വണ്ടികൾ ഈ മാസം എട്ടിനും
മംഗളൂരു-തിരുവനന്തപുരം മാവേലി എക്സ്പ്രസ് ഈ മാസം പത്തിനും സർവീസുകൾ നടത്തും.ദിവസേനയുള്ള വണ്ടികളാണ് എല്ലാം. കോവിഡ്കാല സ്പെഷ്യൽ ആയതിനാൽ ഇവയിൽ ജനറൽ കമ്പാർട്ട്മെന്റുകളുണ്ടാവില്ല. എല്ലാം റിസർവേഷൻ കോച്ചുകളായിരിക്കും.
