കസിൻസിനൊപ്പം അവധിക്കാലം ആഘോഷിച്ച് ‘മലർ മിസ്’; വൈറലായി സായ് പല്ലവിയുടെ ചിത്രങ്ങൾ
കൊവിഡ് ലോക്ഡൗണിൽ താരങ്ങൾ എന്തു ചെയ്യുന്നു എന്ന് ആരാധകർ ആകാംക്ഷയോടെ ചോദിക്കാറുണ്ട്.
പല താരങ്ങളും സാമൂഹിക മാധ്യമങ്ങളിൽ സജീവവുമാണ്. ഫിറ്റ്നെസ്, കുക്കിങ് വീഡിയോ ആണ് പലരും പോസ്റ്റ്
ചെയ്യുന്നത്. ചിലർ ഫോട്ടോഷൂട്ടിനും സമയം കണ്ടെത്തുന്നു.
തെന്നിന്ത്യൻ സൂപ്പർ നായിക സായി പല്ലവി പങ്കു വച്ച ചില കാൻഡിഡ് ചിത്രങ്ങൾ ആണ് ഇപ്പോൾ വൈറലായിരിക്കുന്നത്.
കസിൻസിനൊപ്പം അവധിക്കാലം ആഘോഷിക്കുകയാണ് സായ് പല്ലവി. നീണ്ട ഇടവേളയ്ക്ക് ശേഷം കണ്ടു മുട്ടിയതിന്‍റെ
സന്തോഷത്തിലാണ് എല്ലാവരും എന്ന് ചിത്രങ്ങളിൽ നിന്ന് വ്യക്തം.
മലയാളത്തിൽ അൽഫോൺസ് പുത്രൻ സംവിധാനം ചെയ്ത പ്രേമത്തിലെ മലർ എന്ന അധ്യാപികയുടെ വേഷത്തിലാണ്
സായ് പല്ലവി ശ്രദ്ധിക്കപ്പെട്ടത്. ഇതിന് പിന്നാലെ തമിഴിലും തെലുങ്കിലും മലയാളത്തിലും ഒരു പിടി ഹിറ്റ് ചിത്രങ്ങൾ. ദുൽഖർ
സൽമാൻ, ധനുഷ് തുടങ്ങിയ സൂപ്പർ താരങ്ങൾക്കൊപ്പം സായ് അഭിനയിച്ചു.
ആന്തോളജി ചിത്രം പാവക്കഥൈകളിൽ, വെട്രിമാരൻ സംവിധാനം ചെയ്ത ഊർ ഇരവ് ആണ് സായ് പല്ലവിയുടെ
അവസാനം പുറത്തിറങ്ങിയ ചിത്രം. ശേഖർ കമുലയുടെ ലവ് സ്റ്റോറി, വേണു ഉദുഗുലയുടെ വിരാട പർവം എന്നീ ചിത്രങ്ങളാണ് ഇനി
റിലീസ് ചെയ്യാനുള്ളത്. അടുത്തിടെ പുറത്തിറങ്ങിയ ലവ് സ്റ്റോറിയിലെ ഗാനം സായ് പല്ലവിയുടെ ചടുലമായ നൃത്തരംഗങ്ങൾ
കൊണ്ട് ഏറെ ശ്രദ്ധിക്കപ്പെട്ടിരുന്നു.
