മലയാളത്തിന്റെ മെഗാസ്റ്റാർ ആണ് മമ്മൂട്ടി. ഇപ്പോളിതാ താൻ തന്റെ കൗമാരകാലത്ത് ആരാധിച്ചിരുന്ന താരത്തെക്കുറിച്ച് തുറന്നു സംസാരിക്കുകയാണ്. സിനിമ ഹരമായിരുന്ന കൗമാരകാലത്ത് പ്രേംനസീറിനേക്കാളും, സത്യനേക്കാളും തനിക്ക് ആരാധന തോന്നിയത് മധുവിനോടാണെന്നും മമ്മൂട്ടി പറയുന്നു.
വാക്കുകൾ ഇങ്ങനെ
‘ഞാൻ മധു സാറുമായി നിരവധി സിനിമകളിൽ അഭിനയിച്ചിട്ടുണ്ട്. എന്റെ കൗമാര കാലത്ത് ഞാൻ പ്രേം നസീറിനേക്കാളും സത്യനേക്കാളും ഇഷ്ടപ്പെട്ടിരുന്നത് മധു സാറിനെയാണ്. ഞാൻ അദ്ദേഹത്തിന്റെ വലിയ ആരാധകനായിരുന്നു. ഒന്നിച്ച് അഭിനയിക്കുന്നതിന് മുൻപേ ഞാൻ അദ്ദേഹത്തിന്റെ ആരാധകനായിരിക്കുമ്പോൾ തന്നെ നേരിൽ കണ്ടിട്ടുണ്ട്. അത് എന്റെ ഏറ്റവും വലിയ ഭാഗ്യമായി കാണുന്നു. അദ്ദേഹം എന്നെ ഇഷ്ടപ്പെടുന്നതിനേക്കാൾ എത്രയോ ഇരട്ടിയിലേറേ ഞാൻ അദ്ദേഹത്തെ ഇഷ്ടപ്പെടുന്നു. അത് ഏറ്റവും നന്നായി അറിയാവുന്നത് മധു സാറിന് തന്നെയാണ്. മധു സാർ എപ്പോഴും അത് പറയാറുണ്ട്’.
