മ‍ഞ്ജുവാര്യർ നായികയായ ‘ചതുർമുഖം’ കൊറിയൻ ചലചിത്ര മേളയിലേക്ക്
മലയാളത്തിലെ ആദ്യ ടെക്നോ ഹൊറർ സിനിമയായ ചതുർമുഖം കൊറിയൻ അന്താരാഷ്ട്ര
ചലചിത്രമേളയിലേക്ക് തെരഞ്ഞെടുക്കപ്പെട്ടു. ഇരുപത്തി അഞ്ചാമത് ബുച്ചണ്‍ ഇന്‍റര്‍നാഷണല്‍
ഫന്‍റാസ്റ്റിക്ക് ഫിലിം ഫെസ്റ്റിവലിലേക്ക് (ബിസാൻ) ആണ് തെരഞ്ഞെടുത്തത്
.മികച്ച ഹൊറര്‍, മിസ്റ്ററി, ഫാന്‍റസി ജോണറിലുള്ള സിനിമകള്‍ക്കായുള്ള ഫെസ്റ്റിവലാണിത്.
വേൾഡ് ഫന്‍റാസ്റ്റിക് റെഡ് കാറ്റഗറിയിലാണ് ചിത്രം ഉൾപ്പെടുത്തിയിരിക്കുന്നത്.
ഇന്ത്യയിൽ നിന്നും മൂന്ന് ചിത്രങ്ങളാണ് ഫെസ്റ്റിവലിലേക്ക് തെരഞ്ഞെടുത്തിരിക്കുന്നത്.
പ്രഭു സോളമന്‍റെ ‘ഹാത്തി മേരാ സാത്തി’, മിഹിര്‍ ഫഡ്‍നാവിസിന്‍റെ ച്യൂയിംഗ് ഗം എന്നിവയാണ്
മറ്റു രണ്ടു ചിത്രങ്ങള്‍. ദി വെയ്‌ലിംഗ്’ എന്ന പ്രസിദ്ധ കൊറിയന്‍ സിനിമയുടെ സംവിധായകനായ നാ ഹോങ്ജിനും
‘ഷട്ടര്‍’ എന്ന ഹൊറര്‍ സിനിമയുടെ സംവിധായകനുമായ ബാഞ്ചോങ് പിസന്‍തനാകുനും ചേര്‍ന്നൊരുക്കിയ
‘ദി മീഡീയം’ ഉള്‍പ്പടെ 258 സിനിമകളാണ് 47 രാജ്യങ്ങളില്‍ നിന്നായി ഫെസ്റ്റിവലില്‍ തിരഞ്ഞെടുക്കപ്പെട്ടിരിക്കുന്നത്.
രഞ്ജിത്ത് കമല ശങ്കര്‍, സലില്‍ വി. എന്നീ നവാഗതര്‍ സംവിധാനം ചെയ്ത ചതുര്‍മുഖം ഏപ്രില്‍ ആദ്യമാണ്
തിയറ്ററുകളില്‍ റിലീസായത്. കൊവിഡ് സാഹചര്യങ്ങളെത്തുടർന്ന് പടം തിയറ്ററുകളിൽ നിന്ന് പിൻവലിക്കുകയായിരുന്നു.
സണ്ണിവെയ്ൻ ആണ് മഞ്ജു വാര്യർക്കൊപ്പം നായകനായി എത്തിയത്. ഓടിടി പ്ലാറ്റ്ഫോമിലും
