അന്തരിച്ച ഗായികയും നര്ത്തകിയുമായ മഞ്ജുഷ മോഹന്ദാസിന്റെ പിതാവ് വളയന്ചിറങ്ങര വിമ്മല നാലുകെട്ടില് മോഹന്ദാസ് റോഡപകടത്തില് മരിച്ചു. പെരുമ്ബാവൂര് പുല്ലുവഴിയില് വെച്ച് ഇന്ന് രാവിലെ 11 മണിക്കാണ് അപകടം. മൂന്ന് വര്ഷം മുന്പ് മഞ്ജുഷയുടെ മരണത്തിനിടയാക്കിയ അതേ സ്കൂട്ടറില് സഞ്ചരിക്കവേയായിരുന്നു അപകടം.
മോഹന്ദാസ് സഞ്ചരിച്ച സ്കൂട്ടറില് ബൊലേറോ പിക്ക് അപ്പ് ഇടിക്കുകയായിരുന്നു. അപകട ശേഷം വാഹനം നിര്ത്താതെ പോയി. വില്ലേജ് ഓഫീസിന് സമീപത്തെ സ്റ്റാളില് നിന്ന് മത്സ്യം വാങ്ങി മടങ്ങുന്നതിനിടെയാണ് അപകടം. ഉടന് തന്നെ ആശുപത്രിയില് എത്തിച്ചെങ്കിലും മരണം സംഭവിച്ചു. 2018 ലായിരുന്നു റിയാലിറ്റി ഷോയിലൂടെ പ്രശസ്തയായ ഗായിക മഞ്ജുഷ മോഹന്ദാസ് സ്കൂട്ടര് അപകടത്തില് മരിച്ചത്. എംസി റോഡില് തന്നെ താന്നിപ്പുഴയില് വെച്ചായിരുന്നു അപകടം. മഞ്ജുഷ സഞ്ചരിച്ച സ്കൂട്ടറില് മിനിലോറിയിടിച്ചാണ് അന്ന് മഞ്ജുഷ അപകടത്തില്പ്പെട്ടത്. മഞ്ജുഷയുടെ പിതാവിനെ ഇടിച്ച ശേഷം നിര്ത്താതെ പോയ വാഹനം പൊലീസ് പിന്നീട് പിടികൂടി.