മലയാളികളുടെ പ്രിയപ്പെട്ട സോഷ്യൽ മീഡിയ ഇൻഫ്ലുവൻസറിൽ ഒരാളും നടൻ കൃഷ്ണകുമാറിന്റെ മകൾ കൂടിയായ ദിയകൃഷ്ണയിപ്പോൾ കല്യാണ തിരക്കിലാണ്. ലൈഫ് സ്റ്റൈൽ വ്ലോഗർ കൂടിയായ ദിയ കൃഷ്ണ തന്റെ ജീവിതത്തിലെ ഒട്ടുമിക്ക കാര്യങ്ങളും പ്രേക്ഷകരുമായി പങ്കുവയ്ക്കാറുണ്ട്. സോഷ്യൽ മീഡിയയിലെ വലിയൊരു വിഭാഗത്തെ കുടുംബമായി കാണുന്ന താരം തന്റെ വിവാഹത്തെക്കുറിച്ചും മുൻ പ്രണയബന്ധങ്ങളെ കുറിച്ചും തന്റെ കുടുംബത്തെക്കുറിച്ചുമെല്ലാം പലപ്പോഴും പ്രേക്ഷകരോട് പങ്കുവെച്ചിട്ടുമുണ്ട്.
ഇത്തരത്തിൽ ആരാധകരുടെ പല ചോദ്യങ്ങൾക്ക് മറുപടി നൽകുന്ന ഒരു സെഷനിൽ ദിയയും ഭാവിവരൻ അശ്വിൻ ഗണേഷും ഒന്നിച്ച് എത്തിയിരുന്നു. ‘മോശം ഭൂതകാലത്തിനുശേഷം എങ്ങനെയാണ് വീണ്ടും ട്രസ്റ്റ് നേടിയെടുക്കാൻ സാധിക്കുക എന്ന ചോദ്യം’ സേഷനിൽ ദിയയോട് ഒരാൾ ഉന്നയിക്കുകയായിരുന്നു. തുടർന്ന് തന്റെ മുൻകാല പ്രണയങ്ങളെ കുറിച്ചും പ്രണയ തകർച്ചകളെ കുറിച്ചും ഭാവി വരൻ കൂടിയായ അശ്വിൻ വന്നതോടെ ജീവിതത്തിൽ ഉണ്ടായ വിവിധ മാറ്റങ്ങളെ കുറിച്ചും മനസ്സുതുറന്ന് സംസാരിക്കുകയായിരുന്നു ദിയ.
‘താനൊരു പ്രേമ രോഗിയാണ്. മൂന്നോ നാലോ റിലേഷൻഷിപ്പുകൾ ഉണ്ടായിട്ടുണ്ട്. മോശം പാസ്റ്റാണ് തനിക്കുള്ളത്. ആരെയും ടാർഗറ്റ് ചെയ്തു പറയുന്നതല്ല. തന്റെ മുൻ കാമുകന്മാരിൽ മറ്റൊരു പെണ്ണുമായി റിലേഷൻഷിപ്പ് ഇല്ലാതിരുന്ന ആരും തന്നെ ഉണ്ടായിരുന്നില്ലെന്നും പലരെയും മറ്റൊരു പെണ്ണുമായി കയ്യോടെ പിടിച്ചിട്ടുണ്ടെന്നും ദിയ പറയുന്നു. പലരും സോഷ്യൽ മീഡിയ പ്ലാറ്റ്ഫോമുകളിൽ ഡീസെന്റായി അഭിനയിക്കുകയാണ്. എന്നാൽ അവർക്കൊക്കെ രഹസ്യ ബന്ധങ്ങൾ ഉണ്ടായിരുന്നു. ഇത്തരത്തിൽ ഒരു മോശം പാസ്റ്റ് ആണ് തനിക്കുള്ളതെന്നും അതുകൊണ്ടാണ് എളുപ്പം മൂവ് ഓൺ ചെയ്യാൻ പറ്റുന്നതെന്നും അല്ലാതിരുന്നെങ്കിൽ ബുദ്ധിമുട്ടായേനെ എന്നും ദിയ പറയുന്നു.
ഇപ്പോൾ താൻ വളരെയധികം സന്തുഷ്ടയാണെന്നും തന്റെ പ്രസന്റും ഫ്യൂച്ചറുമെല്ലാം ഇപ്പോൾ അശ്വിൻ ആണെന്നും ദിയ പറയുന്നു. മുൻപ് തനിക്ക് മറ്റാരെക്കാളും വിശ്വാസം തന്നെ മാത്രമായിരുന്നു. എന്നാൽ ഇപ്പോൾ അത് അശ്വിനെ ആണെന്നും ഒരുപക്ഷേ തന്റെ മുൻ പങ്കാളികൾക്ക് യോജ്യമായ ഒരു ആളായിരിക്കില്ല താനെന്നും അവരും സന്തോഷമായി ഇരിക്കട്ടെ എന്നും ദിയ പറയുന്നു.
