മലപ്പുറം: ജില്ലയിലെ സ്കൂൾ കുട്ടികൾ നിർബന്ധമായും മാസ്ക് ധരിക്കണമെന്ന സുപ്രധാന നിർദ്ദേശം നൽകി ആരോഗ്യവകുപ്പ്. മലപ്പുറത്ത് എച്ച്1എൻ1 പനിമൂലം മരിച്ച 4 പേരിൽ 3 പേരും കുട്ടികളായതിനെ തുടർന്നാണ് നിർദ്ദേശം. 2009ന് ശേഷം ജില്ലയിൽ കൂടുതൽ എച്ച്1എൻ1 രോഗം റിപ്പോർട്ട് ചെയ്തത് ഇപ്പോഴാണ്.
ആരോഗ്യ വകുപ്പിൻ്റെ നിർദ്ദേശങ്ങൾ പ്രകാരം കൊച്ചു കുട്ടികളിലാണ് രോഗം കണ്ടുവരുന്നത്. പനി, ചുമ, ശ്വാസംമുട്ട് തുടങ്ങിയവയാണ് പ്രധാന ലക്ഷണങ്ങൾ. മാസ്കിൻ്റെ ഉപയോഗത്തിലൂടെ രോഗവ്യാപനം തടയാനാകുമെന്നാണ് ആരോഗ്യവകുപ്പ് ചൂണ്ടിക്കാട്ടുന്നത്. അതേസമയം, ജില്ലയിൽ എലിപ്പനി, ഡെങ്കിപ്പനി ബാധിതരുടെ എണ്ണവും വർധിച്ചുവരുന്നതായി റിപ്പോർട്ടുകളുണ്ട്.
