വടക്കന്‍ പാകിസ്ഥാന്‍ നഗരമായ സിയാല്‍കോട്ടില്‍ വന്‍ സ്ഫോടനം. പഞ്ചാബ് പ്രവിശ്യയിലെ കന്റോൺമെന്റ് ഏരിയയ്ക്ക് സമീപമാണ് സ്ഫോടനത്തിന്റെ ഉഗ്ര ശബ്ദം കേട്ടതെന്ന് റിപ്പോര്‍ട്ടില്‍ പറയുന്നു. പാക് സൈന്യത്തി്ന‍റെ വെടിമരുന്ന് അടക്കം സൂക്ഷിക്കുന്ന ആയുധപ്പുരയിലാണ് സ്ഫോടനം നടന്നതെന്നാണ് പ്രാഥമിക സൂചന. സ്ഥലത്ത് വന്‍ തോതില്‍ തീ പടരുകയാണ്. നിരവധി പ്രദേശവാസികൾ സ്ഫോടനത്തിന്റെ വീഡിയോ സോഷ്യൽ മീഡിയയിൽ പങ്കുവെച്ചു, ചിലർ പ്രദേശത്ത് ഒന്നിലധികം സ്ഫോടനങ്ങൾ കേട്ടതായി അവകാശപ്പെട്ടു. ഷോർട്ട് സർക്യൂട്ടിംഗ് മൂലം സിയാൽകോട്ട് ഗാരിസണിനടുത്തുള്ള ആയുധപ്പുരയിൽ അബദ്ധത്തിൽ തീപിടിത്തമുണ്ടായതായി ഇന്റർ-സർവീസസ് പബ്ലിക് റിലേഷൻസ് (ഐഎസ്പിആർ)യെ ഉദ്ധരിച്ച് ആരി ന്യൂസ് റിപ്പോർട്ട് ചെയ്തു. “ഫലപ്രദവും സമയോചിതവുമായ പ്രതികരണം കാരണം, നാശനഷ്ടങ്ങൾ ഉടനടി നിയന്ത്രിക്കുകയും തീ അണയ്ക്കുകയും ചെയ്തു. സ്വത്തിനോ ജീവഹാനിയോ ഉണ്ടായിട്ടില്ല,” പാകിസ്ഥാൻ മിലിട്ടറിയുടെ മീഡിയ വിംഗ് പറഞ്ഞു.
