കൊച്ചി∙ മാത്യു കുഴൽനാടന്റെ സ്വത്തിനെ കുറിച്ചും വരുമാനത്തെ സംബന്ധിച്ചും ഉന്നയിച്ച ആരോപണം ആവർത്തിച്ച് സിപിഎം എറണാകുളം ജില്ലാസെക്രട്ടറി സി.എൻ. മോഹനൻ. ചിന്നക്കനാലിൽ മാത്യു കുഴൽനാടനുള്ളത് റിസോർട്ട് തന്നെയാണ്. മാത്യു കുഴൽനാടന് വിദേശ നിക്ഷേപത്തിന് അനുമതിയുണ്ടോ എന്ന് സി.എൻ മോഹനൻ ചോദിച്ചു. വസ്തുതാപരമായി മറുപടി നൽ‌കാൻ കുഴൽനാടന് കഴിഞ്ഞില്ല. മാത്യു കുഴൽനാടൻ വെളിപ്പെടുത്തിയ വരുമാനത്തിന്റെ 30 മടങ്ങ് സമ്പാദിച്ചെന്നും സി.എൻ. മോഹനൻ പറഞ്ഞു.കുഴൽനാടനൊപ്പം റിസോർട്ട് വാങ്ങിയത് ബെനാമികളാണ്. ആധാരത്തിൽ പേരുള്ള മറ്റുരണ്ടുപേരും പണം മുടക്കിയിട്ടില്ല. വസ്തു പേരിലാകുന്നതിനു മുൻപ് സത്യവാങ്മൂലത്തിൽ ഉൾപ്പെടുത്തി. വീടുവയ്ക്കാൻ മാത്രം അനുവാദമുള്ള ചിന്നക്കനാലിലെ സ്ഥലത്ത് റിസോർട്ട് പണിതു. റിസോർട്ടിൽ ഇപ്പോഴും ബുക്കിങ് തുടരുന്നതായും സി.എൻ. മോഹനൻ ആരോപിച്ചു.
