ഗ്രീന്‍ ഇന്ത്യ ചലഞ്ച് ഏറ്റെടുത്ത് നമ്മുടെ പ്രിയ താരം മീന. ദേവി നാഗവല്ലിയുടെ വെല്ലുവിളി ഏറ്റെടുത്താണ് മീന വൃക്ഷതൈകള്‍ നട്ടത്. ഒന്നും രണ്ടുമല്ല മൂന്ന് തൈകളാണ് താരം നട്ടത്.
തൈകള്‍ നട്ടത് മാത്രമല്ല മറ്റ് താരങ്ങളെയും വെല്ലുവിളിച്ചിട്ടുമുണ്ട്. വെങ്കടേഷ് ദഗ്ഗുബാട്ടി, കിച്ച സുധീപ്, കീര്‍ത്തി സുരേഷ് ഒപ്പം മലയാളത്തിന്റെ ലേഡി സൂപ്പര്‍ സ്റ്റാര്‍ മഞ്ജു വാര്യറിനേയും താരം ഈ വെല്ലുവിളി ഏറ്റെടുക്കുവാന്‍ ക്ഷണിച്ചിട്ടുണ്ട്.
ജീവന്‍ നിലനിര്‍ത്താന്‍ അത്യന്താപേക്ഷിതമായ പച്ചപ്പ് എങ്ങും നിലനിര്‍ത്തുവാനും ശുദ്ധമായ വായുവിന്റെ അളവ് കൂട്ടുവാനും ലക്ഷ്യമിട്ടുള്ളതാണ് ഈ ഗ്രീന്‍ ഇന്ത്യ ചലഞ്ച്. ഈ ചലഞ്ചില്‍ താരങ്ങളുടെ പങ്കാളിത്തം വഴി കോടിക്കണക്കിന് വരുന്ന അവരുടെ ആരാധകരിലൂടെ ഈ ചലഞ്ച് സൗത്ത് ഇന്ത്യ മുഴുവന്‍ നിറയും. നേരത്തെ മഹേഷ് ബാബു , വിജയ് തുടങ്ങിയവരെല്ലാം ഈ ചലഞ്ച് ഏറ്റെടുത്തിരുന്നു.
