സിനിമ മേഖലയില് ദിവസ കൂലിക്ക് ജോലി ചെയ്യുന്ന ജീവനക്കാരന്റെ കുഞ്ഞിനായി സഹായം തേടി മീനാക്ഷി കഴിഞ്ഞ ദിവസം ഒരു പോസ്റ്റിട്ടിരുന്നു. ഈ പോസ്റ്റില് മോശമായി കമന്റ് ചെയ്ത യുവാവിന് തക്ക മറുപടി നല്കിയിരിക്കുകായണ് താരം.
‘കോടികള് പ്രതിഫലം പറ്റുന്നവര് നിറഞ്ഞു വിലസുന്ന സിനിമാ മേഖലയില് ഉള്ളവര് വിചാരിച്ചാല് പോരെ? അതോ മലയാളികള് ചാരിറ്റിയിലൂടെ മാത്രം ചികിത്സിക്കുകയൊള്ളുയെന്നുണ്ടോ? ജനങ്ങളുടെ മുന്നില് ഇങ്ങനെ പോസ്റ്റിടാന് അത്യാവശ്യത്തിലധികം തൊലിക്കട്ടി വേണം?’ എന്നാണ് ഒരാളുടെ കമന്റ്. ഇതിന് താഴെ മീനാക്ഷി കുറിച്ച മറുപടി ഇങ്ങനെ.
‘അങ്കിളേ, എന്നെ കൊണ്ട് കഴിയുന്ന ഒരു കുഞ്ഞു സഹായമാണെങ്കിലും ഞാന് ചെയ്തിട്ടുണ്ട്..വലിയ വലിയ സിനിമക്കാരുടെ മുന്പിലൊക്കെ എത്തിക്കാന് കാത്തിരുന്നാല് സമയം കടന്ന് പോകുമെന്ന് ഉള്ളതു കൊണ്ടാണ് ഇങ്ങനെയൊരു പോസ്റ്റിട്ടത്..അങ്കിളിനു പറ്റുമെങ്കില് മാത്രം സഹായിച്ചാല് മതി. ഇങ്ങനെയൊരു സാഹചര്യത്തില് ഇത് പോലെയൊരു കമന്റിടാന് കഴിഞ്ഞെങ്കില് അങ്കിളിന്റെ തൊലിക്കട്ടിയും മോശമാണെന്നു ഞാന് കരുതുന്നില്ല.’ മീനാക്ഷി മറുപടി നല്കി.