മിനിസ്ക്രീന്‍ പ്രേക്ഷകരുടെ പ്രിയപ്പെട്ട താരമാണ് മീര മുരളിധരന്‍. നടിയായും അവതാരകയായും ഒരുപോലെ തിളങ്ങി മീര വിവാഹിതയായിരിക്കുകയാണ്. എറണാകുളം സൗത്ത് ചിറ്റൂര്‍ സ്വദേശിയായ മനുശങ്കറാണ് വരന്‍. കൊവിഡ് മാനദണ്ഡങ്ങള്‍ പാലിച്ച്‌ കലവൂരില്‍ വെച്ചായിരുന്നു വിവാഹം, വിവാഹ ചടങ്ങില്‍ സീരിയല്‍ മേഖലയില്‍ നിന്നിള്ള പ്രമുഖര്‍ പങ്കെടുത്തിരുന്നു. മീരയ്ക്ക് ആശംസയുമായി നടി ഗൗരി കൃഷ്ണ എത്തിയിട്ടുണ്ട്. വിവാഹ ചിത്രങ്ങള്‍ പങ്കുവെച്ച്‌ കൊണ്ടാണ് ഗൗരി മീരയ്ക്ക് ആശംസ നേര്‍ന്നത്. അരവരും ഏടുത്ത സുഹൃത്തുക്കളാണ്.
സീരിയലില്‍ തിളങ്ങി നില്‍ക്കുമ്ബോഴാണ് നടി അഭിനയത്തില്‍ നിന്ന് ചെറിയ ബ്രേക്കെടുക്കുന്നത്. പിന്നീട് സോഷ്യല്‍ മീഡിയയില്‍ കൂടി മാത്രമാണ് മീരയുടെ വിശേഷം പ്രേക്ഷകര്‍ അറിഞ്ഞിരുന്നത്. അഭിനയത്തില്‍ നിന്നും ഇടവേളയെടുത്തതിനെ കുറിച്ച്‌ നടി സമയം മലയാളത്തിന് നല്‍കിയ അഭിമുഖത്തില്‍ പറഞ്ഞിരുന്നു. നടിയുടെ വാക്കുതകള്‍ ഇങ്ങനെ
അഭിനയം വിട്ടു എന്ന് പറയാനാകില്ല. പക്ഷേ ഉടനെ ഒരു മടങ്ങിവരവ് ഇല്ല എന്ന് തന്നെ പറയാം. ഒറ്റ കാരണമാണ് അതിനു പിന്നില്‍ പഠനം. പണ്ട് മുതല്‍ ഉള്ള ആഗ്രഹമാണ് ഫാഷന്‍ ഡിസൈനിങ് പടിക്കണമെന്നുളളത്. അതിപ്പോള്‍ നടന്നു. ഇപ്പോള്‍ പഠന തിരക്കുകളിലാണ് ഞാന്‍. എല്ലാവരും എന്നോട് ചോദിക്കുന്നുണ്ട്, ഇനി അഭിനയത്തിലേക്കില്ലേ എന്ന്, അത് കേള്‍ക്കുമ്ബോള്‍ ഒരുപാട് സന്തോഷം തോന്നാറുണ്ട്. പ്രേക്ഷകര്‍ എന്നെ ഇത്രത്തോളം സ്നേഹിക്കുന്നുണ്ട് എന്ന് അറിയാന്‍ സാധിച്ചതില്‍”, എന്നാണ് സമയം മലയാളത്തോട് മീര പ്രതികരിച്ചത്.
20 ഓളം സിരിയലിലും സിനിമയിലും മീര അഭിനയിച്ചിരുന്നു. ഏറ്റവും ഒടുവില്‍ അരുന്ധതി എന്ന മെഗാ സീരിയലിലാണ് അഭിനയിച്ചത്. ഇതില്‍ കേന്ദ്ര കഥാപാത്രത്തെയാണ് നടി അവതരിപ്പിച്ചത്.
