അഭിനയ ജീവിതത്തിലേക്ക് തിരിച്ചെത്തി മേഘന രാജ്
ഭർത്താവ് ചിരഞ്ജീവി സർജയുടെ മരണശേഷം ഇടവേളയെടുത്ത നടി മേഘന അഭിനയ ജീവിതത്തിലേക്ക് തിരിച്ചെത്തിയിരിക്കുകയാണ്.
ഒരു പരസ്യചിത്രത്തിലാണ് താരം അഭിനിയിച്ചത്. ഇൻസ്റ്റഗ്രാമിൽ മേഘ്ന തന്നെയാണ് ഫോട്ടോ പങ്കുവച്ചത്. ക്യാമറക്ക് മുന്നിൽ
നിന്ന് സ്ക്രിപ്റ്റ് വായിക്കുന്ന മേഘനയെ ഫോട്ടോയിൽ കാണാം.’ജൂനിയ‍ർ ചിരുവിന് ഒമ്പത് മാസം പ്രായമായി.
ഒരു വർഷത്തിന് ശേഷം ക്യാമറക്ക് മുന്നിൽ എത്തിയിരിക്കുന്നു”-മേഘ്ന കുറിച്ചു.
മേഘ്നയെ പിന്തുണച്ചും അഭിനന്ദിച്ചും നിരവധി പേർ കമന്‍റുകളുമായി എത്തി. മലയാളി താരവും മേഘ്നയുടെ സുഹൃത്തുമായ
നസ്രിയയുടെ കമന്‍റാണ് അതിൽ ശ്രദ്ധേയം. മേഘ്നയെ പ്രോത്സാഹിപ്പിച്ച് എന്‍റെ ചേച്ചി എന്നാണ് നസ്രിയ കുറിച്ചത്.
ഭർത്താവ് ആഗ്രഹിച്ചത് പോലെ താൻ സിനിമയിലേക്ക് തിരിച്ചെത്തുമെന്ന് താരം നേരത്തെ തന്നെ അറിയിച്ചിരുന്നു.
എന്നാണ് സിനിമയിൽ അഭിനയിക്കുന്നതെന്ന് ആരാധകർ ചോദിക്കുന്നു.
മേഘ്ന ഗർഭിണിയായിരിക്കുമ്പോൾ ഭർത്താവ് ചിരഞ്ജീവി സർജയുടെ മരണം ഏവരെയും ദുഖത്തിലാഴ്ത്തിയിരുന്നു.
പിന്നാലെ മകൻ ജനിച്ചത് സാമൂഹികമാധ്യമങ്ങളിൽ ആരാധകർ സന്തോഷത്തോടെ ഏറ്റെടുത്തു. മകനെ സർജയുടെ
കൂറ്റൻ ചിത്രത്തിന് മുന്നിൽ പിടിച്ചാണ് മേഘ്നയും കുടുംബവും സ്വീകരിച്ചത്. മലയാളത്തിൽ യക്ഷിയും ഞാനും
ഉൾപ്പെടെയുള്ള ചിത്രങ്ങളിലൂടെ ശ്രദ്ധേയയായിരുന്നു മേഘ്ന.
