ബി. ഉണ്ണികൃഷ്ണന്‍ സംവിധാനം ചെയ്യുന്ന ‘ആറാട്ട്’ആണ് മോഹന്‍ലാലിന്റെ അടുത്ത ചിത്രം. ഉദയ കൃഷ്ണയാണ് ചിത്രത്തിന്റെ തിരക്കഥ നിര്‍വ്വഹിച്ചിരിക്കുന്നത്. ചിത്രത്തിന്റെ ഒറ്റപ്പാലം ഷെഡ്യുള്‍ പൂര്‍ത്തിയായി. ചിത്രത്തിന്റെ അടുത്ത ഷെഡ്യുള്‍ ഊട്ടിയില്‍ ജനുവരി 23 ന് ആരംഭിക്കും. നെയ്യാറ്റിന്‍കര ഗോപന്‍ എന്നാണ് ‘ആറാട്ടില്‍’ മോഹന്‍ലാല്‍ അവതരിപ്പിക്കുന്ന കഥാപാത്രത്തിനിട്ടിരിക്കുന്ന പേര്.
കോമഡിക്ക് പ്രാധാന്യം നല്‍കുന്ന ഒരു ആക്ഷന്‍ ഡ്രാമയായിട്ടാണ് ചിത്രം ഒരുക്കിയിരിക്കുന്നത്. ഒരു തികഞ്ഞ മാസ് മസാല പടമായിരിക്കും ‘ആറാട്ടെന്ന്’ ബി ഉണ്ണികൃഷ്ണന്‍ പറഞ്ഞു. ചിത്രത്തില്‍ മോഹന്‍ലാലിന്റെ കഥാപാത്രം കറുത്ത ബെന്‍സ് കാറാണ് ഉപയോഗിക്കുന്നത്. ‘രാജാവിന്റെ മകന്‍’ എന്ന മാസ് മോഹന്‍ലാല്‍ ചിത്രത്തിലെ ‘മൈ ഫോണ്‍നമ്ബര്‍ ഈസ് 2255’ എന്ന ഡയലോഗ് ഓര്‍മ്മിപ്പിക്കുന്നതിന് കാറിനും അതേ നമ്ബറാണ് സംവിധായകന്‍ നല്‍കിയിരിക്കുന്നത്. ശ്രദ്ധ ശ്രീനാഥ് ആണ് ചിത്രത്തിലെ നായിക.
