ദൃശ്യം 2 ന് ശേഷം മോഹൻലാലിന്റേതായി പുറത്തിറങ്ങാൻ പോകുന്ന ‘ആറാട്ട്’ന്റെ ചിത്രീകരണം 23നു പാലക്കാട്ട് ആരംഭിക്കും.ബി.ഉണ്ണിക്കൃഷ്ണൻ സംവിധാനം ചെയ്യുന്ന ചിത്രത്തിൽ നെയ്യാറ്റിൻകര ഗോപൻ എന്ന കഥാപാത്രമായാണ് താരം എത്തുന്നത്.
കോമഡിക്കു പ്രാധാന്യം നൽകി ഒരുക്കുന്ന ഒരു മാസ് ആക്ഷൻ ചിത്രമാണ് ആറാട്ട് എന്നാണ് സൂചന. സ്വന്തം നാടായ നെയ്യാറ്റിങ്കരയിൽ നിന്നും ഗോപൻ പാലക്കാട് എത്തുകയും തുടർന്നുണ്ടാകുന്ന സംഭവ വികാസങ്ങളുമാണ് ചിത്രത്തിന്റെ പ്രമേയം.
പുലിമുരുകന് ശേഷം ഉദയ്‌കൃഷ്ണയുടെ തിരക്കഥയിൽ ഒരുങ്ങുന്ന ചിത്രത്തിൽ ശ്രദ്ധ ശ്രീനാഥാണു നായിക. മോഹൻലാൽ ഉപയോഗിക്കുന്ന കറുത്ത ബെൻസ് കാറും ചിത്രത്തിലെ മറ്റൊരു പ്രത്യേകതയാണ്. ”മൈ ഫോൺ നമ്പർ ഈസ് 2255” എന്ന ‘രാജാവിന്റെ മകനി’ലെ ഡയലോഗ് ഓർമിപ്പിക്കുന്നതിനായി കാറിനും 2255 എന്ന നമ്പറാണു നൽകിയിരിക്കുന്നത്.
ചിത്രീകരണം 23നു പാലക്കാട്ട് ആരംഭിക്കും. നെടുമുടി വേണു, സായ്കുമാർ, സിദ്ദിഖ്, വിജയരാഘവൻ, ജോണി ആന്റണി, ഇന്ദ്രൻസ്, രാഘവൻ, നന്ദു, ബിജു പപ്പൻ, ഷീല, സ്വാസിക, മാളവിക, രചന നാരായണൻകുട്ടി തുടങ്ങിയവരാണ് മറ്റു താരങ്ങൾ.
ക്യാമറ: വിജയ് ഉലകനാഥ്, എഡിറ്റർ: സമീർ മുഹമ്മദ്. സംഗീതം: രാഹുൽ രാജ്. കലാസംവിധാനം: ജോസഫ് നെല്ലിക്കൽ. വസ്ത്രാലങ്കാരം: സ്റ്റെഫി സേവ്യർ.
