ദൃശ്യത്തിന്റെ രണ്ടാം ഭാഗത്തിന്റെ ഷൂട്ടിംഗ് തിരക്കുകളിലാണ് മോഹൻലാലിപ്പോൾ. കഴിഞ്ഞ ദിവസം ലൊക്കേഷനിലേക്ക് എത്തുന്ന താരത്തിന്റെ ചിത്രങ്ങൾ സോഷ്യൽ മീഡിയയിൽ വൈറലായിരുന്നു. നടൻ ഫാൻസ് ക്ലബാണ് വീഡിയോയും ചിത്രങ്ങളും പുറത്തുവിട്ടത്.
വെള്ള നിറത്തിലുള്ള ഷർട്ടണിഞ്ഞ്, കാറിൽ നിന്നിറങ്ങുന്ന ‘ലാലേട്ടന്റെ’ ചിത്രം മിനിറ്റുകൾക്കുള്ളിൽ വൈറലായി. ചിലർ ചിത്രത്തിൽ മോഹൻലാൽ മാസ്‌ക് വച്ചിട്ടില്ല എന്ന് പരാതി പറഞ്ഞു. എന്നാൽ മറ്റ് ചിലരുടെ കണ്ണ് ആ ഷർട്ടിലായിരുന്നു. വളരെപ്പെട്ടെന്ന് തന്നെ ഷർട്ടിന്റെ വിലയും, ബ്രാൻഡുമൊക്കെ ആരാധകർ കണ്ടെത്തി. പോൾ ആൻഡ് ഷാർക്കിന്റെ ഈ ഷർട്ടിന് വിവിധ മോഡലുകളുണ്ട്. ഏകദേശം 250 യു.എസ് ഡോളർ, അതായത് 18,300 രൂപയാണ് ഷർട്ടിന്റെ വില.
