ഇന്ദ്രൻസ് നായകനായ ശ്രദ്ധേയ ചിത്രം വാമനന് ശേഷം 2 പുതിയ സിനിമകളുമായി മൂവി ഗാങ് പ്രൊഡക്ഷൻസ്. അരുൺ ബാബുവാണ് ചിത്രങ്ങളുടെ നിർമാണം. കടത്തനാടൻ സിനിമാസുമായി സഹകരിച്ചാണ് ചിത്രങ്ങളുടെ നിർമാണം. ഉത്രാട ദിനത്തിൽ പുറത്തുവിട്ട അനൗൺസ്മെന്റ് പോസ്റ്ററിൽ ആദ്യ ചിത്രം എം. എസ് ബുബേഷിന്റെ രചനയിൽ റാം നിധിയും ഡുഡു ഭരത്, സനീഷ് ഭഗവതികാവിൽ എന്നിവർ ചേർന്ന് സ്ക്രിപ്റ്റ് ഒരുക്കുന്ന രണ്ടാമത്തെ ചിത്രം മുസ്തഫയും സംവിധാനം നിർവഹിക്കുന്നു.
ജ്വാല ജോസഫ് വാത്തിക്കുളം, അശോകൻ കരുമത്തിൽ, റഫീഖ് തച്ചവള്ളത്ത് തുടങ്ങിയവരാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസർമാർ. നൗഫൽ നിസാം മൂവി ഗാങ് ആണ് ലൈൻ പ്രൊഡ്യൂസർ.
അതേസമയം കൂടുതൽ വിവരങ്ങൾ പുറത്തുവിടാത്ത ചിത്രത്തിന്റെ പോസ്റ്ററിൽ കാണുന്ന ചിത്രങ്ങളിൽ ഒളിപ്പിച്ചിരിക്കുന്ന സിനിമയെ കുറിച്ചുള്ള സൂചനകൾക്കും ഒരേസമയം രണ്ട് പ്രൊജക്റ്റുകൾ എന്തുകൊണ്ടെന്ന കൗതുകത്തിലുമാണ് സിനിമ പ്രേമികൾ.
