ദൃശ്യം 2 മികച്ച പ്രതികരണവുമായി മുന്നേറുമ്ബോള് മോഹന്ലാലിനൊപ്പം വര്ക്ക് ചെയ്തതിലെ സന്തോഷം അറിയിച്ച് മുരളി ഗോപി. മോഹന്ലാല് എന്ന നടനൊപ്പം പ്രവര്ത്തിക്കാന് സാധിച്ചത് ഒരു ബഹുമതിയാണെന്നാണ് മുരളി ഗോപി പറയുന്നത്. താരത്തിനൊപ്പം ഇനിയും വര്ക്ക് ചെയ്യാന് സാധിക്കട്ടെ എന്നും മുരളി ഗോപി തന്റെ ഫേസ്ബുക്ക് കുറിപ്പിലൂടെ പറയുന്നു.
ഭ്രമരത്തില് തുടങ്ങി ലൂസിഫറിലൂടെ ദൃശ്യം 2വരെ.. ഒരു നടന് എന്ന നിലയിലും എഴുതിത്തുകാരന് എന്ന നിലയിലും മോഹന്ലാല് എന്ന ഇതിഹാസത്തോടൊപ്പം പ്രവര്ത്തിക്കാന് സാധിച്ചത് ഒരു ബഹുമതിയായി കാണുന്നു. ഇനിയത്തെ നമുക്കൊന്നിച്ച് ഒരുപാട് കാര്യങ്ങള് ചെയ്യാന് കഴിയട്ടെ എന്ന് ആഗ്രഹിക്കുന്നു ലാലേട്ടാ.
മുരളി ഗോപിയുടെ ഫേസ്ബുക്ക് പോസ്റ്റിന് കീഴില് നിരവധി കമന്റുകളുമായി എത്തിയിരിക്കുകയാണ് ആരാധകര്. ‘നിങ്ങള് ഈ സിനിമയില് പൊളിച്ചു’, ‘പൃഥ്വിരാജ് സുകുമാരന്, പാവമല്ലേ എമ്ബുരാനില് ഒരു റോള് കൊടുത്തേക്ക്’ എന്നിങ്ങനെ പോകുന്നു കമന്റുകള്.
ദൃശ്യം 2ല് തോമസ് ബാസ്റ്റിന് എന്ന ഐപിഎസ് ഉദ്യോഗസ്ഥനായാണ് മുരളി ഗോപി എത്തിയത്. നടന്റെ ചിത്രത്തിലെ പ്രകടനത്തിന് മികച്ച പ്രതികരണമാണ് പ്രേക്ഷകരില് നിന്ന് ലഭിക്കുന്നത്.