കൊച്ചി മെട്രോ എം.ജി റോഡ് സ്റ്റേഷനില്‍ മ്യൂസിക്കല്‍ സ്റ്റെയര്‍ ഏര്‍പ്പെടുത്തുന്നു. പടികളിലൂടെ നടക്കുമ്പോള്‍ സംഗീതം പൊഴിക്കുന്ന സംസ്ഥാനത്തെ ആദ്യത്തെ മ്യൂസിക്കല്‍ സ്റ്റെയര്‍ ആണിത്. ഗായിക ആര്യ ദയാല്‍ ബുധനാഴ്ച വൈകിട്ട് 5 മണിക്ക് ഉദ്ഘാടനം ചെയ്യും. വിവിധ കംപ്യൂട്ടര്‍ പ്രോഗ്രാംസ് ഉപയോഗിച്ച് ട്രിയാക്‌സിയ ഇന്‍ഫോടെക് പ്രൈവറ്റ് ലിമിറ്റഡിലെ ((Triaxia Infotech Pvt Ltd) അഖില്‍, സ്മൃതി, ആനന്ദ്, ഹെന എന്നിവരാണ് കെ.എം.ആര്‍.എല്‍ സീനിയര്‍ ഡെപ്യൂട്ടി ജനറല്‍ മാനേജര്‍ സുമി നടരാജന്റെ ഏകോപനത്തില്‍ കൊച്ചി മെട്രോയ്ക്കുവേണ്ടി ഈ മ്യൂസിക്കല്‍ സ്റ്റെയര്‍ തയ്യാറാക്കിയിരിക്കുന്നത്. പിയാനോ, കീ ബോര്‍ഡ് എന്നിവ വായിക്കാനറിയാവുന്നവര്‍ക്ക് കാല്‍പ്പാദം ഉപയോഗിച്ച് സംഗീതം കമ്പോസ് ചെയ്യാവുന്ന വിധത്തില്‍ മ്യൂസിക് നോട്ടുകളും കീയും പടികളില്‍ ആലേഖനം ചെയ്തിട്ടുണ്ട്. ഇതുപയോഗിച്ച് പുതിയ സംഗീതം കംപോസ് ചെയ്യാന്‍ വരെ കഴിയും.
