തെന്നിന്ത്യൻ സിനിമാലോകം ഉറ്റുനോക്കുന്ന താരവിവാഹങ്ങളിൽ ഒന്നാണ് ശോഭിത ധൂലിപാല-നാഗ ചൈതന്യ വിവാഹം. വിവാഹത്തിന് മുന്നോടിയായുള്ള ചടങ്ങുകളുടെ ചിത്രങ്ങൾ സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു. ഹൈദരാബാദിലെ അന്നപൂര്‍ണ സ്റ്റുഡിയോയിൽ വെച്ച് ഇന്ന് രാത്രി എട്ടേകാലിനാണ് ഇവരുടെ വിവാഹം.
വിവാഹ ചടങ്ങുകള്‍ക്ക് മണിക്കൂറുകള്‍ ശേഷിക്കേ നാഗ ചെെതന്യ ശോഭിതയെ കുറിച്ച് പറഞ്ഞ വാക്കുകളാണ് ഇപ്പോള്‍ ശ്രദ്ധ നേടുന്നത്. വിവാഹശേഷവും ശോഭിത അഭിനയരംഗത്തുണ്ടാകുമെന്ന് നാഗചൈതന്യ ഒരു സ്വകാര്യമാധ്യമത്തിന് നല്‍കിയ അഭിമുഖത്തില്‍ പറഞ്ഞു. ശോഭിതയുടേത് തനി തെലുങ്ക് കുടുംബമാണെന്നും വീട്ടിലുള്ളവര്‍ക്കെല്ലാം തന്നോട് വലിയ സ്നേഹമാണെന്നും നാഗ ചൈതന്യ പറഞ്ഞു. ശോഭിത തീര്‍ത്തും ഒരു ഫാമിലി ഗേള്‍ ആണെന്നും പല ആഘോഷങ്ങളിലും ഒന്നിച്ചുണ്ടായിരുന്നതിനാല്‍ തനിക്കിത് ബോധ്യപ്പെട്ടിട്ടുണ്ടെന്നും ഈ ബന്ധം കൂടുതല്‍ ദൃഢമാകുമെന്നാണ് വിശ്വസിക്കുന്നതെന്നും അദ്ദേഹം അഭിമുഖത്തില്‍ വ്യക്തമാക്കി.
അതേസമയം നാഗ ചൈതന്യയും മുൻഭാര്യ സാമന്തയും പിരിയാൻ കാരണം സാമന്ത കല്യാണത്തിന് ശേഷവും ഫാമിലിയെക്കാൾ അഭിനയത്തിനും കരിയറിനും പ്രാധാന്യം കൊടുത്തത് കൊണ്ടാണെന്നും ഇതാണ് വേർപിരിയലിലേക്ക് ഇരുവരെയും എത്തിച്ചത് എന്നും വാർത്തകൾ ഉണ്ടായിരുന്നു. ഈ ചീത്തപ്പേര് മാറ്റാനും സാമന്തയെ കൊള്ളിക്കാനും വേണ്ടിയാണോ ഇപ്പോൾ ശോഭിത അഭിനയം തുടരുമെന്ന് പറയുന്നത് എന്നാണ് ആരാധകർ ചോദിക്കുന്നത്,
