ന്യൂഡൽഹി:വ്യാഴാഴ്ച വൈകിട്ട് നാവിക സേനയുടെ യുദ്ധവിമാനം പരിശീലനത്തിനിടെ അറബിക്കടലിൽ തകർന്ന് വീണ് ഒരു പൈലറ്റിനെ കാണാതായി. അറബിക്കടലില് ഐഎന്എസ് വിക്രമാദിത്യ വിമാനവാഹിനി കപ്പലില് നിന്ന് പറന്നുയര്ന്ന മിഗ് 29 കെ യുദ്ധവിമാനമാണ് അപകടത്തില്പ്പെട്ടത്. ഇതിനോടകം കാണാതായ പൈലറ്റിനായുള്ള തിരച്ചിൽ തുടരുകയാണെന്നും സംഭവത്തിൽ ഉന്നതതല അന്വേഷണത്തിന് ഉത്തരവിട്ടതായും നാവിക സേന അറിയിച്ചു.
