വെബ് സീരിസിന് പിന്നാലെ ആന്തോളജി; ബോളിവുഡിൽ ചുവടുറപ്പിക്കാൻ നീരജ് മാധവൻ
ബോളിവുഡിൽ തിളങ്ങാൻ മലയാളികളുടെ പ്രിയ യുവതാരം നീരജ് മാധവൻ. ഫാമിലി മാൻ എന്ന വെബ് സീരീസിന് ശേഷം,
ആന്തോളജി ചിത്രത്തിലാണ് നീരജ് എത്തുന്നത്. ഫീൽസ് ലൈക്ക് ഇഷ്ക് എന്ന ചിത്രം നെറ്റ് ഫ്ലിക്സിലാണ് റിലീസ് ചെയ്യുന്നത്.
ട്രെയിലർ ഇതിനോടകം ശ്രദ്ധ നേടിക്കഴിഞ്ഞു.
ആറ് ചെറിയ ചിത്രങ്ങളാണ് ഈ ആന്തോളജിയാണ്. ഇതിൽ ഇന്‍റർവ്യൂ എന്ന ചിത്രത്തിലെ പ്രധാന കഥാപാത്രമായാണ്
നീരജ് അഭിനയിച്ചത്. മുംബൈയിൽ താമസിക്കുന്ന മലയാളി പശ്ചാത്തലമുള്ള കഥാപാത്രമാണ് നീരജിന്‍റേത്.
അയ്യ, കൊബാൾട്ട് ബ്ലൂ എന്നിവയുടെ സംവിധായകൻ സച്ചിൻ കുന്ദൽക്കർ ആണ് സംവിധാനം. ഒരു പ്രണയകഥയാണ്
ചിത്രം.
രോഹിത് സരഫ്, രാധിക മധൻ, ടാനിയ, അമോൽ പരാഷാർ, സിമ്രാൻ ജെഹാനി, കജോൾ ചഗ്, സൻജീത ഭട്ടാചാര്യ,
സ്കന്ദ് ഠാക്കൂർ, സബ ആസാദ്, മിഹിൻ അഹുജ എന്നിവരാണ് സിനിമയിലെ മറ്റ് താരങ്ങൾ. ചിത്രം ജൂലൈ 23നാണ് റിലീസ്
ചെയ്യുന്നത്. ഇതിന് പിന്നാലെ കൂടുതൽ അവസരങ്ങൾ നീരജിനെ തേടിയെത്തിയുണ്ടെന്നാണ് സൂചന.
ആമസോൺ പ്രൈം സീരിസ് ഫാമിലിമാനിൽ നീരജിന്‍റെ പ്രകടനം ഏറെ ശ്രദ്ധിക്കപ്പെട്ടിരുന്നു. മനോജ് ബാജ്പേയി നായകനായ
സീരീസിൽ മൂസ റഹ്മാൻ എന്ന തീവ്രവാദിയായാണ് നീരജ് അഭിനയിച്ചത്. സീരിസിന്‍റെ രണ്ടാം ഭാഗത്തിൽ
മൂസയെന്ന കഥാപാത്രം ഇല്ലായിരുന്നെങ്കിലും നീരജ് അഭിനയിച്ച ടീസർ ചർച്ചയായിരുന്നു. മലയാളത്തിൽ
സജീവമായ താരത്തിന്‍റെ ലോക്ഡൗൺ കാലത്തിറങ്ങിയ റാപ്പ് സോങ്ങും ഹിറ്റായിരുന്നു.
