നേപ്പാൾ :നേപ്പാളിൽ ഇന്ന് പ്രധാനമന്ത്രി കെ.പി.ശർമ ഓലി പാർലമെൻറിൽ വിശ്വാസവോട്ട് തേടും. പുഷ്പകർമൻ ദഹൽ നേതൃത്വം നൽകുന്ന
സിപിഎൻ (മാവോയിസ്റ്റ് സെൻറർ) കഴിഞ്ഞദിവസം സർക്കാരിനുള്ള പിന്തുണ പിൻവലിക്കുന്നു.
275 അംഗ പാർലമെന്റിൽ ഓലിയുടെ സിപിഎൻയുഎംഎ ൽ ന് 121 അംഗങ്ങളാണുള്ളത്. ഇതിൽ മാധവ്നേപ്പാളിന്റെ നേതൃത്വത്തിലുള്ള പാർട്ടിയിലെ വിമത വിഭാഗത്തിന് 21 പേരുടെ പിന്തുണയുണ്ട്. ഇവർ വിശ്വാസം വോട്ടിനു മുൻപ് രാജിവെക്കാനുള്ള സാധ്യതയുമുണ്ട്. കെ. പി.ശർമ ഓലിയുടെ നിർദ്ദേശപ്രകാരം പ്രസിഡൻറ് കഴിഞ്ഞ ഡിസംബറിൽ പാർലമെൻറ് പിരിച്ചുവിട്ടിരുന്നു.
എന്നാൽ ഫെബ്രുവരിയിൽ സുപ്രീംകോടതി ഇടപെട്ട് അത് റദ്ദാക്കുകയും പാർലമെൻറ് പുനഃസ്ഥാപിക്കുകയും ചെയ്തിരുന്നു. ചെറുകക്ഷികളുടെ പിന്തുണയിൽ വിശ്വാസവോട്ട് നേടാം എന്നുള്ള പ്രതീക്ഷയിലാണ് ഓലി.
