തിരുവനന്തപുരം: സംസ്ഥാനത്ത് ജനറൽ വിഭാഗത്തിൽ പ്രവർത്തിക്കുന്ന സ്കൂളുകളുടെ പേരിനോടൊപ്പം ഇനിമുതൽ
ബോയ്സ്, ഗേൾസ് എന്നീ തരംതിരിവ് പാടില്ല. ഇതുമായി ബന്ധപ്പെട്ട് പൊതുവിദ്യാഭ്യാസ വകുപ്പ് ഉത്തരവ് പുറത്തിറക്കി. ആൺകുട്ടികൾക്കും പെൺകുട്ടികൾക്കും പ്രവേശനം
നൽകുന്ന സ്കൂളുകളിൽ പേരിനൊപ്പം ബോയ്സ് എന്നും ഗേൾസ് എന്നും നിലനിർത്തുന്നത് കുട്ടികൾക്ക്
കടുത്ത മാനസിക വിഷമതകൾ സൃഷ്ടിക്കുന്നു എന്നും അത് പരിഹരിക്കണമെന്നുമാവശ്യപ്പെട്ട് ബാലാവകാശ കമ്മീഷൻ നൽകിയ നിർദേശത്തെ തുടർന്നാണ് നടപടി.
