നടന് ഷൈന് ടോം ചാക്കോയ്ക്കെതിരെ പൊലീസ് കേസെടുത്തു. ലഹരി ഉപയോഗം, ഗൂഢാലോചന അടക്കം ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നത്. NDPC Act 27,29 വകുപ്പുകള് പ്രകാരമാണ് കേസ്. 10 മുതല് 20 വര്ഷം വരെ തടവുകള് ലഭിക്കാവുന്നതാണ് കുറ്റം.
ഷൈൻ്റെ മൊഴികളില് വൈരുധ്യമുണ്ടെന്നാണ് പൊലീസ് പറയുന്നത്. ഷൈൻ്റെ അറസ്റ്റ് ഉടന് ഉണ്ടാകും. വൈദ്യപരിശോധനയ്ക്ക് വിധേയമാക്കിയ ശേഷമായിരിക്കും അറസ്റ്റ്. ഹോട്ടലില് ഡാന്സാഫ് അന്വേഷിച്ചെത്തിയ ലഹരി ഇടപാടുകാരന് സജീറിനെ അറിയാമെന്ന് ഷൈന് മൊഴി നല്കി. ഷൈന് പ്രതികള്ക്ക് സാമ്പത്തിക സഹായം നല്കിയെന്നും പൊലീസ്.
ലഹരി ഇടപാടുകളിൽ തനിക്ക് പങ്കില്ലെന്നാണ് ഷൈനിൻ്റെ വാദം. ഡാൻസാഫ് സംഘത്തെ കണ്ട് ഗുണ്ടകൾ എന്ന് തെറ്റിദ്ധരിച്ചതു കൊണ്ടാണ് ഹോട്ടൽ മുറിയില് നിന്നും ഇറങ്ങി ഓടിയതെന്ന് ഷൈൻ ടോം ചാക്കോ പൊലീസിനോട് പറഞ്ഞിരുന്നു. ചോദ്യം ചെയ്യലിനിടെയാണ് ഷൈൻ ഇക്കാര്യം പൊലീസിനോട് പറഞ്ഞത്.മൂന്ന് എസിപിമാരുടെ നേതൃത്വത്തിലാണ് ചോദ്യം ചെയ്യൽ പുരോഗമിക്കുന്നത്. ലഹരി ഇടപാടുകൾ ഉണ്ടോ എന്നറിയാനായി ഷൈനിൻ്റെ വാട്സ്ആപ്പ് ചാറ്റുകൾ, കോളുകൾ, ഗൂഗിൾ പേ ഇടപാടുകൾ എന്നിവയെല്ലാം പരിശോധിക്കുന്നുണ്ട്.നോര്ത്ത് പൊലീസ് സ്റ്റേഷനിലാണ് ഷൈന് ഹാജരായത്. സ്റ്റേഷനില് ഹാജരായ ഷൈനിനോട് മാധ്യമങ്ങള് പ്രതികരണം തേടിയെങ്കിലും പ്രതികരിച്ചില്ല.
