സംസ്ഥാനത്തെ സിപിഎമ്മിന്റെ ആദ്യ വനിതാ ഏരിയാ സെക്രട്ടറിയായി എൻപി കുഞ്ഞുമോൾ. വയനാട് മീനങ്ങാടി ഏരിയാ സെക്രട്ടറിയായാണ് കുഞ്ഞുമോൾ തെരഞ്ഞെടുക്കപ്പെട്ടത്. ജനാധിപത്യ മഹിളാ അസോസിയേഷൻ സംസ്ഥാന കമ്മിറ്റി അംഗമാണ് കുഞ്ഞുമോൾ.
അമ്പലവയല് സര്വീസ് സഹകരണ ബാങ്കിന്റെ ആദ്യ വനിതാ പ്രസിഡന്റും കൂടിയാണ് ഈ 54കാരി. ജനാധിപത്യ മഹിളാ അസോസിയേഷന് മുന് ജില്ലാ സെക്രട്ടറിയായിരുന്നു.ബത്തേരി ഏരിയാ സമ്മേളനത്തില് ബത്തേരി ഏരിയാ കമ്മിറ്റി വിഭജിച്ച് ബത്തേരി, മീനങ്ങാടി ഏരിയകള് രൂപവത്ക്കരിക്കുകയായിരുന്നു. അതേ തുടർന്നാണ് കുഞ്ഞുമോൾ സെക്രട്ടറി ആയത്.2001-ല് പാര്ട്ടി അംഗമായ കുഞ്ഞുമോള് സി പി എം അമ്പലവയല് ലോക്കല് കമ്മിറ്റിയംഗം, ബത്തേരി ഏരിയാ കമ്മിറ്റിയംഗം എന്നീ പദവികളും വഹിച്ചിട്ടുണ്ട്.