സിനിമ തിയേറ്ററുകളിലെ ടിക്കറ്റ്, സ്നാക്സ് ഉൾപ്പെടെയുള്ളവയിലെ വിലക്കയറ്റത്തിനെതിരായ സംവിധായകൻ കരൺ ജോഹറിന്റെ പ്രസ്താവനക്ക് മറുപടിയുമായി മൾട്ടിപ്ലക്‌സ്‌ അസോസിയേഷൻ ഓഫ് ഇന്ത്യ. നാലം​ഗ കുടുംബത്തിന് സിനിമ കണ്ടുവരാൻ 10,000 രൂപ വേണ്ടിവരുമെന്നുളള കരണിന്റെ ആരോപണത്തിലാണ് മറുപടി. ഇതിന്റെ പത്തിലൊന്ന് ചെലവ് മാത്രമേ ഒരു കുടുംബത്തിന് സിനിമ കാണാൻ വേണ്ടി വരുന്നുള്ളൂവെന്നാണ് മൾട്ടിപ്ലക്സ് അസോസിയേഷന്റെ വാദം. 2023 ൽ സിനിമയുടെ ശരാശരി ടിക്കറ്റ് വില എന്നുള്ളത് 132 രൂപയാണെന്നും ഇതിന്റെ അടിസ്ഥാനമാക്കി കണക്ക് കൂട്ടുമ്പോൾ 1560 രൂപയാണ് ഒരു കുടുംബത്തിന് ചെലവാകുന്നതെന്നും വാർത്താ കുറിപ്പിൽ മൾട്ടിപ്ലക്‌സ്‌ അസോസിയേഷൻ പറഞ്ഞു.

‘ഇന്ത്യയിലെ ശരാശരി സിനിമാ ടിക്കറ്റ് നിരക്ക് 130 രൂപയാണ്. ടിക്കറ്റ് നിരക്ക് വ‍ർധിക്കാൻ പണപ്പെരുപ്പം ഉൾപ്പടെ കാരണമായിട്ടുണ്ട്. 2023-2024 കാലയളവിൽ രാജ്യത്തെ ഏറ്റവും വലിയ മൾട്ടിപ്ലക്‌സ്‌ ശൃംഖലയായ പി വി ആർ എൈനോക്സിൻ്റെ ശരാശരി ടിക്കറ്റ് നിരക്ക് 258 രൂപയാണ്. മൾട്ടിപ്ലക്സുകളിൽ ഇതേ കാലയളവിൽ ശരാശരി 132 രൂപ വരെയാണ് ഭക്ഷണവിഭവ നിരക്കിൽ ഒരാളുടെ ചെലവ്. ഒരു നാലം​ഗ കുടുംബത്തിന് ശരാശരി 1560 രൂപയാണ് ചെലവ്. 10,000 അല്ല’, മൾട്ടിപ്ലക്സ് അസോസിയേഷന്റെ പ്രസ്താവനയിൽ പറയുന്നു.

‘നൂറ് വീടുകളിൽ നടത്തിയ സർവേയിൽ 99 വീടുകളിലുള്ളവരും വർഷത്തിലൊരിക്കൽ മാത്രം സിനിമക്ക് പോകുന്നവരാണ്. പ്രേക്ഷകരിലെ ഏറ്റവും വലിയ ഭൂരിഭാ​ഗത്തിന്റെ കാര്യമാണിത്. അവർക്ക് സിനിമ കാണുന്നതിനുള്ള ചെലവ് താങ്ങാൻ കഴിയുന്നില്ല. അവർ ദീപാവലിക്കോ, അല്ലെങ്കിൽ ഏതെങ്കിലും സിനിമകൾ ചർച്ചയാകുമ്പോഴോ പുറത്തിറങ്ങും. പല കുടുംബങ്ങൾക്കും സിനിമാ തിയേറ്ററിൽ പോകാൻ താത്പര്യമില്ലെന്നാണ് പറയുന്നത്. കുട്ടികൾ പോപ്കോണോ ഐസ്ക്രീമോ പോലുള്ളവ വേണമെന്ന് ആവശ്യപ്പെടുമ്പോൾ അത് നിരസിക്കുന്നതിലുള്ള പ്രയാസം മൂലമാണത്. അതിനാൽ ടിക്കറ്റിന് പണം മുടക്കാതെ ഭക്ഷണത്തിന് മാത്രം ചെലവ് വരുന്ന ഹോട്ടലുകളിലേക്ക് അവർ പോകുമെന്നായിരുന്നു കരണിൻ്റെ പ്രതികരണം.

വില കൂടുതലായതിനാൽ മക്കൾ കാരമൽ പോപ്കോൺ വേണമെന്ന് പറയുമ്പോൾ അത് നിരസിക്കേണ്ടി വരാറുണ്ടെന്ന് കുടുംബങ്ങൾ പറയുന്നുണ്ട്. കാരണം നാല് പേരടങ്ങുന്ന കുടുംബത്തിന് ഒരു സിനിമയ്ക്ക പോയി വരാൻ 10000 രൂപ വേണം. ഇത് അവരുടെ സാമ്പത്തിക ആസൂത്രണത്തിൽ ഉണ്ടാകാൻ പോലുമിടയില്ല,’ എന്നും കരൺ ജോഹർ കൂട്ടിച്ചേർത്തിരുന്നു. സോയ അക്തർ, വെട്രിമാരൻ, പാ രഞ്ജിത്ത്, മഹേഷ് നാരായണൻ എന്നിവരെ ഉൾപ്പെടുത്തി ഹോളിവുഡ് റിപ്പോർട്ടർ സംഘടിപ്പിച്ച പാനൽ ചർച്ചയിലായിരുന്നു കരൺ ജോഹറിന്റെ പ്രതികരണം.

രണ്ടുമാസത്തിലധികം എടുത്ത തിരച്ചിലിനൊടുവിൽ ഷിരൂരിലെ ഗംഗാവലി പുഴയിൽ നിന്നും അർജുന്റെ മൃതദേഹം ഇന്നലെയാണ് കണ്ടെടുത്തത്. അർജ്ജുനായുള്ള തിരച്ചിൽ പലതവണ നിർത്തിവച്ചപ്പോൾ ഇത് പുനരാരംഭിക്കണം എന്ന് ആവശ്യപ്പെട്ട് അവസാനം വരെ ഉറച്ചു നിന്ന ആളാണ് ലോറി ഉടമ മനാഫ്. അർജുന്റെ മൃതദേഹം കണ്ടെടുത്തതിന് പിന്നാലെ ‘ഒരു സാധാരണ മനുഷ്യന് എവിടം വരെ പോകാമോ അവിടം വരെ താൻ പോയെന്നും അർജുന്റെ അമ്മയ്ക്ക് കൊടുത്ത വാക്ക് പാലിച്ചു’ എന്നും മനാഫ് പ്രതികരിച്ചിരുന്നു. ഇപ്പോഴിതാ ഇക്കാലയളവിൽ വേദനിപ്പിക്കുന്ന പലതരം ആരോപണങ്ങൾക്ക് താൻ വിധേയനായെന്നും വിഷയത്തിൽ കൃത്യത വേണ്ടവർക്ക് നേരിൽ വന്ന് പരിശോധിക്കാം എന്നും പറയുകയാണ് മനാഫ്.

‘വണ്ടിക്ക് അധികം പരിക്കുണ്ടാവില്ലെന്ന് പറഞ്ഞിരുന്നില്ലേ. അതുതന്നെയാണ് ഈ കാണുന്നത്. ബാറ്ററിയില്‍ നിന്നും ജിപിഎസ് വിട്ടുപോയതുകൊണ്ടാണ് സിഗ്നല്‍ കിട്ടാതിരുന്നത്. രണ്ട് ഫോണ്‍ വാഹനത്തില്‍ നിന്നും കിട്ടി. ഇതിന്റെ ഉള്ളില്‍ എന്തൊക്കെയാണ് സംഭവിച്ചതെന്ന് ദൈവത്തിന് മാത്രമെ അറിയൂ. അസാധ്യമായ കാര്യം സാധിക്കുകയെന്നത് ചില്ലറ മെനക്കേട് ആയിരുന്നില്ല. ഗംഗാവലി പുഴയില്‍ സമാധിയായിടത്ത് നിന്നാണ് തിരിച്ചെടുത്തത്. ഇതൊരു ചരിത്രമാണ്. വണ്ടിയുടെ ഉള്ളിലേക്ക് കയറാനുള്ള കരളുറപ്പ് ഉണ്ടായില്ല. ഗംഗാവലി പുഴയുടെ അരികില്‍ വണ്ടി കിടക്കുന്നുണ്ട്. ആര്‍ക്ക് വേണമെങ്കിലും പരിശോധിക്കാം. കള്ള അറ ഉണ്ടോ. കള്ള അറയില്‍ സ്വര്‍ണ്ണമാണോ ഡ്രഗ്‌സ് ആണോ കള്ളപ്പണം ആണാ എന്ന്’, മനാഫ് പറഞ്ഞു.

തന്റെ രണ്ടാമത്തെ മകൾ ദിയ കൃഷ്ണയുടെ വിവാഹത്തിനുശേഷം വരൻ അശ്വിൻ അടക്കം നടൻ കൃഷ്ണകുമാർ കുടുംബം ബാലിയിൽ ഒരുമിച്ച് ചെലവഴിച്ചതിന്റെ ചിത്രങ്ങളാണ് സോഷ്യൽ മീഡിയയിൽ ഇപ്പോൾ വ്യാപകമായി പ്രചരിച്ചു കൊണ്ടിരിക്കുന്നത്. നടി അഹാന കൃഷ്ണ, ദിയ, ഇഷാനി, ഹൻസിക തുടങ്ങിയ മക്കളെയും കൃഷ്ണകുമാറിന്റെ ഭാര്യ സിന്ധു കൃഷ്ണനെയും മലയാളികൾക്ക് മുഖവര ഏതു തന്നെ കൂടാതെ അറിയാം. ഇപ്പോൾ ദിയയുടെ ഭർത്താവ് അശ്വിനും പ്രേക്ഷകർക്ക് ഏറെ പ്രിയങ്കരനാണ്.

ഇത്തരത്തിൽ കുടുംബവുമായി ബാലിയിൽ അവധി ആഘോഷിക്കുന്നതിനിടെ ഇളയ മകൾ ഹൻസിക ഇൻസ്റ്റഗ്രാമിൽ പങ്കുവെച്ച ഫോട്ടോയ്ക്ക് കീഴെ വന്ന കമന്റും അതിന് ഹൻസു കൊടുത്ത മറുപടിയും ആണിപ്പോൾ ശ്രദ്ധേയമാകുന്നത്. കടലിന്റെ പശ്ചാത്തലത്തിൽ ഇളം പിങ്ക് നിറത്തിലുള്ള വസ്ത്രം ധരിച്ച ഹൻസികയുടെ പോസ്റ്റിന് താഴെ ‘ദയവുചെയ്ത് പഠിക്കൂ! സോഷ്യൽ മീഡിയയിൽ ഇങ്ങനെ ഭാവി തുലയ്ക്കരുത്. ഒരു സഹോദരൻ എന്ന നിലയിൽ ഞാൻ ഉപദേശം തരുകയാണ്’ എന്നിങ്ങനെയായിരുന്നു ഒരു ഓൺലൈൻ സഹോദരന്റെ കമന്റ്.

ഇതിനു പിന്നാലെ അതേ വസ്ത്രമുള്ള ചിത്രങ്ങൾ അണിഞ്ഞ് കൂടുതൽ ഫോട്ടോകൾ പങ്കുവെച്ച് തന്നെ ഉപദേശിച്ച സഹോദരന് മറുപടിയുമായി എത്തുകയാണ് താരം ഇപ്പോൾ. അതേ ഔട്ട് ഫിറ്റിൽ ഉള്ള കുറച്ച് ചിത്രങ്ങൾ കൂടി എന്ന അടിക്കുറിപ്പ് പോലെയാണ് പുതിയ ചിത്രങ്ങൾ ഹൻസു പങ്കുവെച്ചിരിക്കുന്നത്. സഹോദരിക്ക് ഉപദേശവുമായി എത്തിയ ഓൺലൈൻ ആങ്ങളയ്ക്കുള്ള മറുപടിയാണ് ഹൻസുവിന്റെ പുതിയ പോസ്റ്റ് എന്നാണ് ആരാധകർ പറയുന്നത്.

അര്‍ജുന്റെ ലോറിയുടെ കാബിനുള്ളില്‍ നിന്ന് കൂടുതല്‍ വസ്തുക്കള്‍ പുറത്തെടുത്തു. അര്‍ജുന്റെ രണ്ട് മൊബൈല്‍ ഫോണുകളും പേഴ്‌സും വാച്ചും മകനുള്ള കളിപ്പാട്ടങ്ങളും അടക്കമാണ് കാബിനില്‍ നിന്നും ലഭിച്ചത്. അര്‍ജുന്റെ വസ്ത്രങ്ങളും നേരത്തെ പുറത്തെടുത്തിരുന്നു. ഇന്ന് രാവിലെ പൂര്‍ണമായും പുറത്തെത്തിച്ച ലോറിയുടെ കാബിനില്‍ പരിശോധന തുടരുകയാണ്.

അസ്ഥിയുടെ കൂടുതല്‍ ഭാഗങ്ങള്‍ കാബിനില്‍ നിന്നും ലഭിച്ചിട്ടുണ്ട്. ലോറി പൊളിച്ച് പരിശോധിക്കാനുള്ള നീക്കമാണ് ഇപ്പോള്‍ പുരോഗമിക്കുന്നത്. ലോറിയുടെ കാബിനുള്ളില്‍ നിന്നും ലഭിച്ച വസ്തുക്കള്‍ അര്‍ജുന്റെ സഹോദരന്‍ അഭിജിത് തിരിച്ചറിഞ്ഞിട്ടുണ്ട്.

യൂട്യൂബ് വ്‌ളോഗുകളിലൂടെ പ്രേക്ഷകര്‍ക്ക് പ്രിയങ്കരനായ താരമാണ്കാര്‍ത്തിക് സൂര്യ. അവതരണം കൊണ്ടും സംസാര രീതി കൊണ്ടും വളരെ പെട്ടന്ന് സോഷ്യല്‍ മീഡിയ കീഴടക്കാന്‍ താരത്തിന് സാധിച്ചു. അതുവഴിയാണ് ഒരുചിരി ഇരുചിരി ബംബര്‍ ചിരി എന്ന ഷോയുടെ ആങ്കറാവാനുള്ള അവസരവും കിട്ടിയത്. അപ്പോഴും യൂട്യൂബ് വീഡിയോകളുമായി കാര്‍ത്തിക് സൂര്യ പഴയതിലും അധികം സജീവമാണ്.

കാര്‍ത്തിക് സൂര്യയുടെ കല്യാണമാണ് ഇപ്പോഴത്തെ പുതിയ ചര്‍ച്ച. ഒരിക്കല്‍ പെണ്ണുകാണല്‍ വരെ കഴിഞ്ഞ് മുടങ്ങിപ്പോയ കല്യാണമാണ്. അത് താരത്തിന് വലിയൊരു ഹാര്‍ട്ട്‌ബ്രേക്ക് ആയിരുന്നു. ഇപ്പോള്‍ അമ്മാവന്റെ മകള്‍ വര്‍ഷയുമായുള്ള വിവാഹ നിശ്ചയം കഴിഞ്ഞു. സര്‍പ്രൈസ് ആയി ആ വാര്‍ത്ത പുറത്തുവിട്ടതൊക്കെ ആരാധകര്‍ക്കും ആഘോഷമായിരുന്നു.കഴിഞ്ഞ ദിവസം നടത്തിയ ഒരു ലൈവ് വീഡിയോ ചാറ്റില്‍ വര്‍ഷയെ കുറിച്ചും വിവാഹത്തെ കുറിച്ചുമൊക്കെ കാര്‍ത്തിക് സൂര്യ വാചാലനായി.

കാര്‍ത്തിക് സൂര്യയുടെ ലൈവൊക്കെ വര്‍ഷ കാണാറുണ്ടോ എന്ന് ഒരു ആരാധിക ചോദിച്ചു, കാണുന്നുണ്ടെങ്കില്‍ അവള്‍ വിളിക്കട്ടെ എന്നായി കാര്‍ത്തിക്. അധികം വൈകാതെ വിളിക്കുകയും ചെയ്തു. കാണുന്നുണ്ട്, എല്ലാവര്‍ക്കും ഹായി, ബായ് എന്ന് പറഞ്ഞ് വര്‍ഷ പോകുകയും ചെയ്തു.കാര്‍ത്തിക്കേട്ടന്റെ വീഡിയോയ്‌ക്കൊക്കെ ഫുള്‍ സപ്പോര്‍ട്ടാണെങ്കിലും വീഡിയോയില്‍ വരാന്‍ താത്പര്യമില്ല എന്ന് നിശ്ചയത്തിന്റെ അന്ന് തന്നെ വര്‍ഷ പറഞ്ഞിരുന്നു. അനാവശ്യമായി വര്‍ഷയെ വലിച്ചിഴയ്ക്കില്ലെന്നും, അച്ഛനും അമ്മയും ഇടയ്ക്ക് വീഡിയോയില്‍ പ്രത്യക്ഷപ്പെടുന്നതു പോലെ വര്‍ഷയും വന്നു പോകുക മാത്രമേയുള്ളൂ എന്നും കാര്‍ത്തിക് പറഞ്ഞിരുന്നു.

കാര്‍ത്തിക് സൂര്യ ഹാപ്പിയാണോ എന്ന് ചോദിച്ചപ്പോള്‍, നിശ്ചയമൊക്കെ കഴിഞ്ഞു, ശരിക്കും ഇപ്പോഴാണ് ഞാന്‍ ഹാപ്പി എന്ന് താരം പറയുന്നു. വീടു പണി എവിടെ വരെ എത്തി എന്ന ചോദ്യവും ഒരുപാട് വന്നു. വീടു പണി നടന്നുകൊണ്ടിരിയ്ക്കുകയാണ്. ഇപ്പോള്‍ പൂശ് നടക്കുന്നു. പുതിയ വീടിന്റെ പണി തീര്‍ന്നതിന് ശേഷമായിരിക്കും വിവാഹം. മഹാലക്ഷ്മിയെ പോലെ ആ വീട്ടിലേക്ക് വര്‍ഷയെ കൊണ്ടു പോകും എന്നും കാര്‍ത്തിക് സൂര്യ പറയുന്നു.