തെന്നിന്ത്യയുടെ പ്രിയപ്പെട്ട നായികയാണ് നയൻതാര. ആരാധകർ കൊണ്ടും പ്രതിഫലം കൊണ്ടും നായകന്മാരുടെ ഒപ്പം നിൽകുന്ന നടിയാണ് നയൻസ്. മലയാളി ആണെങ്കിലും നയൻസ് തെന്നിന്ത്യയുടെ മുഴുവൻ സൂപ്പർ താരമാണ്. ചിമ്പുവുമായുള്ള പ്രണയവുമായി ബന്ധപ്പെട്ട് നയൻതാര ഗോസിപ്പ് കോളങ്ങളിൽ ഇടം പിടിച്ചിരുന്നു. പിന്നീട് പ്രഭുദേവയുമായി നടി പ്രണയത്തിലാണെന്നും വിവാഹം വരെ എത്തുമെന്നും വിവരങ്ങൾ എത്തിയെങ്കിലും ഇരുവരും പിരിഞ്ഞു. ഇപ്പോൾ സംവിധായകൻ വിഘ്‌നേഷ് ശിവയും നയൻതാരയും തമ്മിൽ അടുപ്പത്തിലാണ്. ഇരുവരുടെയും വിവാഹം ഉടൻ ഉണ്ടാകുമെന്നും വാർത്തകൾ വന്നിരുന്നു.

ഇപ്പോഴിതാ തങ്ങളുടെ വിവാഹവുമായി ബന്ധപ്പെട്ട റിപ്പോർട്ടുകളിൽ വിഘ്നേശ് തന്റെ പ്രതികരണം നടത്തിയിരിക്കുകയാണ്.കല്യാണത്തിന് മുമ്പ് തന്നെ തങ്ങൾക്ക് നേടേണ്ട ലക്ഷ്യങ്ങളുണ്ടെന്നാണ് വിഘ്നേശ് പറയുന്നത്. പ്രൊഫഷണലി നയൻതാരയ്ക്കും ചില ലക്ഷ്യങ്ങളുണ്ട്. അത് നേടിയ ശേഷമായിരിക്കും വിവാഹത്തെ കുറിച്ച്‌ ചിന്തിക്കുയുള്ളൂവെന്നാണ് വിഘ്നേശ് പറയുന്നത്. ഒരു ഓൺലെെനിന് നൽകിയ അഭിമുഖത്തിലാണ് വിഘ്നേശ് മനസ് തുറന്നത്.മാധ്യമങ്ങളിലെ വാർത്തകൾ അനുസരിച്ച്‌ താനും നയൻതാരയും 22 തവണയെങ്കിലും വിവാഹം കഴിച്ചിട്ടുണ്ടെന്നാണ് വിഘ്നേശ് പറയുന്നത്. പ്രണയത്തിന് ഇപ്പോഴും കുറവ് സംഭവിച്ചിട്ടില്ല. നിലവിലെ അവസ്ഥയിൽ തങ്ങൾക്ക് ബോറടിക്കുമ്ബോൾ വിവാഹത്തെ കുറിച്ച്‌ ചിന്തിക്കാമെന്നാണ് വിഘ്നേശ് പറയുന്നത്.

നിരവധി ചിത്രങ്ങളാണ് നയൻതാരയുടേതായി പുറത്തിറങ്ങാനുള്ളത്. നെട്രിക്കൻ, മൂക്കുത്തി അമ്മൻ, അണ്ണാത്തെ തുടങ്ങിയ ചിത്രങ്ങളാണ് പുറത്തിറങ്ങാനുള്ളത്. വിജയ് സേതുപതിയും നയൻതാരയും സമാന്തയും അഭിനയിക്കുന്ന കാത്തു വാക്കിലെ രണ്ടു കദെെ എന്ന ചിത്രം നിർമ്മിക്കുന്നത് വിഘ്നേശാണ്.

മലയാള സിനിമയിൽ ഒരിക്കലും പുരുഷാധിപത്യം ഉണ്ടെന്ന് തോന്നിയിട്ടില്ലെന്ന് തുറന്നു പറയുകയാണ് മലയാളത്തിന്റെ അമ്മ നടി കവിയൂർ പൊന്നമ്മ. തന്റെ അമ്മ സ്നേഹം മമ്മൂട്ടി മോഹൻലാൽ എന്നിവരിൽ മാത്രമല്ല തങ്ങി നിൽക്കുന്നതെന്നും മലയാള സിനിമയിൽ പുതു തലമുറയിൽപ്പെട്ടവർക്കും ആ സ്നേഹം പകുത്തു നൽകാറുണ്ട് എന്ന് തുറന്നു പറയുകയാണ് കവിയൂർ പൊന്നമ്മ.

സിനിമയിൽ നായികമാർക്ക് വലിയ പ്രാധാന്യം ഒന്നും ഇല്ലല്ലോ. അങ്ങനെ സ്ത്രീ കഥാപാത്രങ്ങൾക്ക് പ്രാധാന്യമുള്ള സിനിമകൾ കുറവാണ്. നായിക വന്നാലും രണ്ട് പാട്ടും പാടി പോകുകയാണ് ചെയ്യുന്നത്. മലയാള സിനിമയിൽ പുരുഷാധിപത്യം ഉണ്ടെന്ന് പറയില്ല. കാരണം ജനങ്ങൾക്ക് അത് കാണാനാണ് ഇഷ്ടം. എന്ത് കൊണ്ട് ഒരു കാലത്ത് മലയാള സിനിമയിൽ പുതിയ താരങ്ങൾ ഉണ്ടായില്ല. അന്ന് മമ്മൂട്ടിയെയും മോഹൻലാലിനെയും കാണാനായിരുന്നു പ്രേക്ഷകർക്ക് കൂടുതൽ ഇഷ്ടം. പുതിയ ആളുകൾ ഇനിയും വരണം. എല്ലാവരും അഭിനയിച്ചു മുന്നോട്ടു വരട്ടെ.

മമ്മൂട്ടി മോഹൻലാലിൽ മാത്രമല്ല എന്റെ അമ്മ സ്നേഹമുള്ളത്. ഇപ്പോഴത്തെ കുട്ടികളൊക്കെ എന്നെ പേരാണ് വിളിക്കുന്നത്. ഒരിക്കലും ബഹുമാനമില്ലാത്തത് കൊണ്ടല്ല അങ്ങനെ വിളിക്കുന്നത്. അവരുടെ സ്നേഹത്തിന്റെ പാരമ്യത കൊണ്ട് വിളിക്കുന്നതാണ്’. കവിയൂർ പൊന്നമ്മ പറയുന്നു.