രാഷ്ട്രീയത്തിലേക്ക് പ്രവേശിക്കുമെന്ന് വാര്‍ത്തകളുണ്ടായിരുന്നു എങ്കിലും സംവിധായകന്‍ രഞ്ജിത് തന്റെ വഴി സിനിമയാണെന്ന് ചൂണ്ടിക്കാണിച്ച്‌ രംഗത്ത്. പുതിയ ചിത്രത്തിന്റെ ചര്‍ച്ചകളിലാണെന്ന് രഞ്ജിത് തന്നെയാണ് മാധ്യമങ്ങളോട് പ്രതികരിച്ചത്.

കേരളത്തെ തന്നെ തലകുനിപ്പിച്ച പാലക്കാട് അട്ടപ്പാടിയില്‍ ഭക്ഷണം മോഷ്ടിച്ചെന്ന് ആരോപിച്ച്‌ ആള്‍ക്കൂട്ടം മര്‍ദ്ദിച്ച്‌ കൊലപ്പെടുത്തിയ മധുവിന്റെ ജീവിതമാണ് ചിത്രത്തിന്റെ പ്രമേയം. മധുവായി ഫഹദ് ഫാസില്‍ എത്തുമെന്നാണ് റിപ്പോര്‍ട്ട്.

ഇതാദ്യമായാണ് ഫഹദ് ഫാസില്‍-രഞ്ജിത്ത് കൂട്ടുകെട്ടില്‍ സിനിമയൊരുങ്ങുന്നത്. സിനിമയുടെ ആദ്യ ഘട്ട ചര്‍ച്ച പൂര്‍ത്തിയായതായി രഞ്ജിത്ത് ഓണ്‍ലൈന്‍ മാധ്യമത്തോട് പറഞ്ഞു.അട്ടപ്പാടിയിലെ നിഷ്‌കളങ്കനായ മധുവിന്റെ നിസഹായാവസ്ഥ ഫഹദ് വെള്ളിത്തിരയില്‍ അവതരിപ്പിക്കുന്നത് കാണാനുള്ള കാത്തിരിപ്പിലാണ് ആരാധകര്‍ ഇപ്പോള്‍ തന്നെ.

വിനോദ് ഗുരുവായൂർ സംവിധാനം ചെയ്യുന്ന ആദ്യത്തെ തമിഴ് ചിത്രത്തിൽ നടൻ അപ്പാനി ശരത് നായകനാവുന്നു. രാവും പകലും കാളകൾക്കൊപ്പം കഴിയുന്ന തനി കാളയുടെ സ്വഭാവമുള്ള മാട എന്ന കഥാപാത്രത്തെയാണ് അപ്പാനി ശരത് ഈ ചിത്രത്തിൽ അവതരിപ്പിക്കുന്നത്. ഒപ്പം തമിഴ് മലയാള ചലച്ചിത്ര രംഗത്തെ പ്രമുഖരും അഭിനയിക്കുന്നുണ്ട്.

‘വളരെ അപ്രതീക്ഷിതമായിട്ടാണ് ഈ സിനിമയിലേക്ക് എത്തിയതെങ്കിലും തന്റെ വളരെ കാലത്തെ സ്വപ്നമായിരുന്നു തമിഴ് സിനിമയിലേക്കുള്ള രംഗപ്രവേശം.

മൂന്നു വർഷങ്ങൾക്കു മുമ്പുണ്ടായ ജല്ലിക്കട്ട് നിരോധനവും തുടർന്നുണ്ടായ സമരവും പ്രത്യേക ഓർഡിനൻസിലൂടെ നിരോധനം നീക്കലുമൊക്കെ ലോക ശ്രദ്ധയാകർഷിച്ച സംഭവങ്ങളാണ്.പഴനിയിലെ റിച്ച്‌ മൾട്ടി മീഡിയയുടെ ഡയറക്ടർ ഡോക്ടർ ജയറാം ശിവറാം ജല്ലിക്കട്ട് പ്രമേയമാക്കി ഒരു സിനിമ ചെയ്യണമെന്ന ആഗ്രഹവുമായി എത്തിയപ്പോൾ വലിയ സന്തോഷത്തോടെ ഞാനത് ഏറ്റെടുക്കുകയായിരുന്നു’.സംവിധായകൻ വിനോദ് ഗുരുവായൂർ പറഞ്ഞു.