ദുല്‍ഖര്‍ സല്‍മാനൊപ്പം അരങ്ങേറ്റം കുറിച്ച നടി ഗൗതമി നായര്‍ ആറ് വര്‍ഷത്തെ ഇടവേളയ്ക്കു ശേഷം ‌വീണ്ടും ക്യാമറയ്ക്ക് മുന്നില്‍ തിരിച്ചെത്തുന്നു. ജയസൂര്യയും മഞ്ജു വാര്യരും പ്രധാന കഥാപാത്രങ്ങളാകുന്ന മേരി ആവാസ് സുനോ എന്ന ചിത്രത്തിലൂടെയാണ് ​ഗൗതമി അഭിനയത്തിലേക്ക് മടങ്ങിയെത്തുന്നത്. പ്രജീഷ് സെന്‍ ആണ് ചിത്രം സംവിധാനം ചെയ്യുന്നത്. റേഡിയോ ജോക്കിയുടെ കഥ പറയുന്ന ചിത്രമാണ് മേരി ആവാസ് സുനോ

ദുല്‍ഖറിനൊപ്പം ‍സെക്കന്റ് ഷോ എന്ന ചിത്രത്തിലാണ് ​ഗൗതമി ആദ്യമായി അഭിനയിച്ചത്. ലാല്‍ ജോസ് ചിത്രം ഡയമണ്ട് നെ​ഗ്ലസിലും ഒരു ശ്രദ്ധേയ വേഷം അവതരിപ്പിച്ചു. പഠനത്തിനായി സിനിമയില്‍ നിന്ന് ഇടവേളയെടുത്ത താരം സംവിധായികയായി മടങ്ങിയെത്താനാണ് ആദ്യം തയ്യാറെടുത്തത്. വൃത്തം എന്ന് പേരിട്ട ചിത്രം പ്രഖ്യാപിച്ചെങ്കിലും നിര്‍മ്മാണപ്രശ്നങ്ങള്‍ മൂലം സിനിമ പൂര്‍ത്തിയാക്കാനായില്ല.

സംവിധായകന്‍ ശ്രീനാഥ് രാജേന്ദ്രന്‍ ആണ് ​ഗൗതമിയുടെ ഭര്‍ത്താവ്. ശ്രീനാഥ് സംവിധാനം ചെയ്ത കുറുപ്പ് റിലീസിനൊരുങ്ങുകയാണ്.

ആമസോണ്‍ പ്രൈമില്‍ റിലീസ് ചെയ്ത മോഹന്‍ലാല്‍- ജീത്തു ജോസഫ് ടീമിന്റെ രണ്ടാം പതിപ്പ് മികച്ച പ്രതികരണമാണ് പ്രേക്ഷകര്‍ക്കിടയില്‍ ഉണ്ടാക്കിയിരിക്കുന്നത്. ഇതിനിടെ സിനിമ സംബന്ധിച്ചുള്ള പ്രേക്ഷകരുടെ സംശയങ്ങള്‍ക്ക് മറുപടി നല്‍കാന്‍ എത്തുകയാണ് മോഹന്‍ലാലും സംവിധായകന്‍ ജീത്തു ജോസഫും. ആമസോണ്‍ പ്രൈമിന്റെ ഇന്‍സ്റ്റാഗ്രാം പേജിലൂടെ ഇന്ന് വൈകിട്ട് ഏഴ് മണിക്ക് ഇരുവരും പ്രേക്ഷകരുടെ സംശയങ്ങള്‍ക്കും ചോദ്യങ്ങള്‍ക്കും മറുപടി നല്‍കുന്നത്. അതുവരെ സിനിമ കണ്ടവര്‍ രഹസ്യങ്ങള്‍ രഹസ്യമായി തന്നെ സൂക്ഷിക്കണമെന്ന് മോഹന്‍ലാല്‍ വീഡിയോയിലൂടെ ആവശ്യപ്പെടുന്നു.

‘ജോര്‍ജുകുട്ടി എങ്ങനെയായിരിക്കും തന്റെ കുടുംബത്തെ രക്ഷിച്ചത്?. ദൃശ്യം 2 കാണാത്തവര്‍ക്കായി ആ രഹസ്യം ഞാന്‍ വെളിപ്പെടുത്തുന്നില്ല. ദൃശ്യം 2 കണ്ടവര്‍ക്കും മനസില്‍ ഒരുപാട് ചോദ്യങ്ങളുണ്ടാകും. അവയ്‌ക്കെല്ലാം ഉത്തരം നല്‍കാനായി ഞാനും സംവിധായകന്‍ ജീത്തു ജോസഫും എത്തുന്നൂ, കഴിയുന്നത്ര ഉത്തരം നല്‍കാം’ – മോഹന്‍ ലാല്‍ വീഡിയോയില്‍ വ്യക്തമാക്കുന്നു. ഫെബ്രുവരി പത്തൊന്‍പതിനാണ് ആമസോണ്‍ പ്രൈം വീഡിയോയില്‍ ദൃശ്യം 2 ലോകമെമ്ബാടും റീലീസ് ആയത്. സിനിമ റിലീസ് ആയി മണിക്കൂറുകള്‍ക്കുള്ളില്‍ തന്നെ പ്രേക്ഷക പ്രതികരണം വന്നു കഴിഞ്ഞിരുന്നു. ‘ട്വിസ്റ്റോട് ട്വിസ്റ്റ്’ എന്ന് ആയിരുന്നു സിനിമ കണ്ടതിനു ശേഷമുള്ള പ്രേക്ഷകരുടെ പ്രതികരണം. പിന്നാലെ സംവിധായകന്‍ ജീത്തു ജോസഫിന് ട്രോളുകളുടെ പ്രവാഹം ആയിരുന്നു.

ഏതായാലും ദൃശ്യം അനുകൂലവും പ്രതികൂലവും ആയ നിരവധി അഭിപ്രായങ്ങള്‍ കേട്ട് മുന്നേറുകയാണ്. ഇതിനിടെ സിനിമയിലെ ക്രിസ്ത്യന്‍ കഥാപാത്രങ്ങളാണ് കൂടുതലുള്ളതെന്നും ആരോപിച്ച്‌ വിദ്വേഷ ട്വീറ്റുകളും പ്രചരിച്ചിരുന്നു. ഏതായാലും പോസിറ്റീവും നെഗറ്റീവും ആയ എല്ലാ കമന്റുകളെയും സ്വാഗതം ചെയ്യുകയാണ് സംവിധായകന്‍ ജീത്തു ജോസഫ്.

രസകരമായ പോസ്റ്റുകളുമായി സോഷ്യല്‍ മീഡിയയില്‍ ആക്ടീവാകാറുളള താരമാണ് ജിഷിന്‍ മോഹന്‍. നടന്റെതായി വരാറുളള പോസ്റ്റുകളെല്ലാം വൈറലാകാറുണ്ട്. അതേസമയം ഇത്തവണയും രസകരമായ ഒരു പോസ്റ്റുമായിട്ടാണ് ജിഷിന്‍ എത്തിയിരിക്കുന്നത്.

ജിഷിന്റെ വാക്കുകള്‍

ജിമ്മില്‍ പോകണം, നടക്കാന്‍ പോകണം എന്നെല്ലാം കരുതുമെങ്കിലും ഒന്നും നടക്കാറില്ല. കഴിഞ്ഞ ദിവസം വീടിന്റെ ബാല്‍ക്കെണിയിലേക്ക് ചെന്നപ്പോള്‍ മകന്‍ ജിയാന്‍ ഒരേ പുഷ്‌അപ്പ് എടുക്കലായിരുന്നു. അത് കണ്ട് തന്റെ പഴയ അലാറംകാലം ഓര്‍മ്മ വന്നു. ഒരു ദിവസം ബാല്‍ക്കണിയില്‍ വന്നു നോക്കുമ്ബോഴുണ്ട് ചെറുക്കന്‍ ഭയങ്കര പുഷ് അപ്പ്. ഇവനിതൊക്കെ ആര് പഠിപ്പിച്ചു കൊടുത്തെന്ന് അത്ഭുതപ്പെട്ടു നിന്നപ്പോഴുണ്ട് അവന്‍ ദാണ്ടേ ഒരു കൈ കൊണ്ട് പുഷ് അപ്പ് ചെയ്യുന്നു. അതും കാലൊക്കെ കറക്റ്റ് പൊസിഷനില്‍ വച്ചിട്ട്. ഞെട്ടല്‍ അവിടം കൊണ്ടും തീര്‍ന്നില്ല. അവനു രണ്ടു കയ്യും ഇല്ലാതെ പുഷ് അപ്പ് ചെയ്യണമത്രേ. കാലം പോയൊരു പോക്കേ.. ഇവന്‍ വ്യായാമം ചെയ്യാന്‍ കാണിക്കുന്ന ശുഷ്‌കാന്തിയുടെ പകുതി കാണിച്ചിരുന്നേല്‍ എന്റെ വയറ് എന്നേ കുറഞ്ഞേനെ. എന്ത് ചെയ്യാനാ.. ദിവസവും വിചാരിക്കും, നാളെ മുതല്‍ രാവിലെ എഴുന്നേറ്റ് നടക്കാന്‍ പോണം, ജിമ്മില്‍ പോണം എന്നൊക്കെ. വലിയ കാര്യത്തില്‍ അലാറം ഒക്കെ വെയ്ക്കും. എന്നിട്ട് അലാറം അടിക്കുന്ന സൗണ്ട് കേട്ടാസ്വദിച്ച്‌ ഉറങ്ങും.
അവള് ഉറക്കം ഞെട്ടി വന്ന് അലാറം ഓഫാക്കും. രണ്ടുമൂന്നു ദിവസം ഇത് പതിവായപ്പോള്‍ നാലാം ദിവസം ഗതികെട്ടിട്ട്, അവള് നടുപ്പുറത്തിനിട്ടൊരു ചവിട്ട് തന്നു. ദേ കിടക്കുന്നു കട്ടിലിനു താഴെ. എന്നാലെങ്കിലും എഴുന്നേറ്റ് ജിമ്മില്‍ പോകും എന്ന് വിചാരിച്ചു കാണും പാവം. പിന്നേ.. എന്റെ പട്ടി പോകും. വീണിടത്തു തന്നെ കിടന്നുറങ്ങി. അല്ലാതെന്ത് ചെയ്യാനാ… ഇനിയിപ്പോ ഈ ചെറുക്കന്റെ പ്രവൃത്തിയില്‍ ഇന്‍സ്പിരേഷന്‍ ഉള്‍ക്കൊണ്ട് വീണ്ടും അലാറം വച്ച്‌ തുടങ്ങണം. ചവിട്ട് കൊള്ളാന്‍ എന്റെ ജീവിതം ഇനിയും ബാക്കി.

ഇന്ത്യയുടെ ഔദ്യോഗിക എന്‍ട്രി ആയിരുന്ന ജെല്ലിക്കെട്ട് ഓസ്കാറില്‍ നിന്ന് പുറത്തായപ്പോള്‍ നിരാശരായ ഇന്ത്യന്‍ സിനിമാ ലോകം വീണ്ടും ഓസ്കാര്‍ പ്രതീക്ഷയില്‍. കുറുമ്ബ ഭാഷയിലുള്ള ഇന്ത്യയില്‍നിന്നുള്ള ആദ്യസിനിമയായ ‘മ്..'( സൗണ്ട് ഓഫ് പെയിന്‍ ) ആണ് സ്ക്രീനിങ്ങില്‍ മികച്ച പ്രകടനം കാഴ്ച്ച വെച്ച്‌ മുന്നേറുന്നത്. ലോകത്തെവിടെ നിന്നും പൊതുജനങ്ങള്‍ക്ക് കൂടി കാണാന്‍ സാധിക്കുന്ന രീതിയില്‍ വെര്‍ച്വല്‍ പ്ലാറ്റ്ഫോമിലൂടെയാണ് ഇത്തവണ സ്ക്രീനിങ് നടക്കുന്നത്. കാഴ്ചക്കാരുടെ എണ്ണം സാധ്യതകള്‍ കൂട്ടുമെന്നതിനാല്‍ രാജ്യത്തിന്റെ അഭിമാനം കാത്തുസൂക്ഷിക്കാനുള്ള ഈ അവസരം പരമാവധി പ്രയോജനപ്പെടുത്തണമെന്ന് ചിത്രത്തിന്റെ നിര്‍മ്മാതാവ് ഡോ.സോഹന്‍ റോയ് അഭ്യര്‍ത്ഥിച്ചു.

ലോസ് എഞ്ചല്‍സില്‍ ചിത്രത്തിന്റെ വിതരണം ഏറ്റെടുത്തിരിക്കുന്ന ഗാതര്‍ ഫിലിംസ് അവരുടെ വെര്‍ച്വല്‍ പ്ലാറ്റ്ഫോമിലൂടെ ഫെബ്രുവരി 21 മുതല്‍ 27 വരെ നടത്തുന്ന പ്രദര്‍ശനമാണ് പൊതുജനങ്ങള്‍ക്ക് കാണാന്‍ കഴിയുക. https://gathr.us/screening/31737 എന്ന ലിങ്ക് വഴി പുലര്‍ച്ചെ 7:30, 5:00, 2:30 എന്നീ സമയങ്ങളില്‍ ഉള്ള പ്രദര്‍ശനങ്ങള്‍ ഓണ്‍ലൈന്‍ വഴി ബുക്ക് ചെയ്ത് കാണുവാനുള്ള സൗകര്യമാണ് ഒരുക്കിയിരിക്കുന്നത്. മെയിന്‍ സ്ട്രീം കാറ്റഗറിയില്‍ ‘ ഏറ്റവും മികച്ച ചിത്രം ‘ എന്ന വിഭാഗത്തിലാണ് ഈ ചിത്രം പ്രധാനമായും മത്സരിക്കുന്നത്.

സുഹൃത്ത് ബന്ധങ്ങള്‍ എന്നും നിലനിര്‍ത്തുന്ന ഒരു താരമാണ് നസ്രിയ നാസിം.താരത്തിന് നിരവധി സുഹൃത്തുക്കളും ഉണ്ട് . ദുല്‍ഖര്‍ സല്‍മാന്റെ ഭാര്യ അമാല്‍ സൂഫിയ, അല്‍ഫോണ്‍സ് പുത്രന്റെ ഭാര്യ അലീന എന്നിവരുടെയും അടുത്ത സുഹൃത്താണ് നസ്രിയ നസിം. ഇവര്‍ ഒന്നിച്ചുള്ള ഒട്ടേറെ പോസ്റ്റുകള്‍ നസ്രിയയുടെ ഇന്‍സ്റ്റഗ്രാം പേജില്‍ നിറയാറുണ്ട്. അലീന പകര്‍ത്തിയ തന്റെ ചില ഫോട്ടോകള്‍ ഇതിനു മുന്‍പ് നസ്രിയ പോസ്റ്റ് ചെയ്തിരുന്നു. നസ്രിയയുടെ കുട്ടിത്തമുള്ള പ്രകൃതത്തിന് എന്തുകൊണ്ടും ഈ കൂട്ടുകാര്‍ അനുയോജ്യരാണ് താനും.

ഇവര്‍ക്ക് ഒത്തുകൂടാന്‍ അങ്ങനെ വിശേഷ ദിവസങ്ങളുടെ കാര്യമൊന്നുമില്ല. ഏതു നേരം വേണമെങ്കിലും ഈ കൂട്ടുകാരികളെ ഇന്‍സ്റ്റഗ്രാമില്‍ കണ്ടേക്കാം.ഇപ്പോഴിതാ മാസ്റ്റര്‍ സിനിമയിലെ വാത്തി കമിംഗ് എന്ന ഗാനവുമായി നസ്രിയയും അലീനയും എത്തുന്നു. വിജയ് ചിത്രത്തിലെ ഈ ഗാനം പുറത്തിറങ്ങയത് മുതല്‍ വമ്ബന്‍ ഹിറ്റാണ്. ഒട്ടേറെപ്പേര്‍ ഇതിനു സമാനമായ ചുവടുകള്‍ തീര്‍ത്തുകൊണ്ടു മറ്റൊരു വാത്തി കമിംഗുമായി സോഷ്യല്‍ മീഡിയ വൈറലാവുകയാണ്

ദൃശ്യം രണ്ടാം ഭാഗം ചര്‍ച്ചകളില്‍ നിറഞ്ഞ നില്‍ക്കുകയാണ്. കഥയിലെ സംശയങ്ങളും പുതിയ സാധ്യതകളും തുറന്നെഴുതി ഒട്ടേറെ പോസ്റ്റുകളും ഫെയ്സ്ബുക്കില്‍ കാണാം. അക്കൂട്ടത്തില്‍ ഏറെ ചര്‍ച്ചയായ ഒന്നാണ് ദൃശ്യം ഒന്നാം ഭാഗത്ത് അജിത്ത് കൂത്താട്ടുകുളം എന്ന നടന്‍ ഉണ്ട് എന്നത്. രണ്ടാം ഭാഗത്തില്‍ സാക്ഷി പറയുന്ന ആളാണ് അജിത് കൂത്താട്ടുകുളം.

ആദ്യ ഭാഗത്ത് പശുക്കുട്ടിയുടെ ജഡം പുറത്തെടുമ്പോൾ മൂക്ക് െപാത്തി നില്‍ക്കുന്ന ജനക്കൂട്ടത്തില്‍ അജിത്ത് ഉണ്ട് എന്നായിരുന്നു ആ കണ്ടെത്തല്‍.

അജിത്തിന്റെ വാക്കുകള്‍

അങ്ങനെ ഞാനും കേട്ടു. പക്ഷേ അത് ഞാന്‍ അല്ല. ദൃശ്യം തിയറ്ററില്‍ കണ്ട പരിചയമേ എനിക്കുള്ളൂ. ഞാന്‍ ആ ഷൂട്ടിങ് പരിസരത്തുപോലും പോയിട്ടില്ല. ദൃശ്യത്തിന്റെ മാത്രമല്ല മറ്റ് സിനിമകളുടെ ലൊക്കേഷനുകളില്‍ ഒന്നും പോയി ഇങ്ങനെ നിന്നിട്ടില്ല. എന്നെപ്പോലെയുള്ള വേറെ ആരെയോ കണ്ടിട്ട് ആളുകള്‍ വെറുതെ പറയുന്നതാണ്. ഞാന്‍ ആദ്യമായാണ് ജീത്തു സാറിന്റെ സിനിമയില്‍ അഭിനയിക്കുന്നത്. ദൃശ്യത്തില്‍ കണ്ടത് മറ്റാരെയോ ആണ്.

ഫെബ്രുവരി 14 ന് പ്രണയദിനത്തിലാണ് മോഹന്‍ലാലിന്റെ മകള്‍ വിസ്മയയുടെ കവിതാ സമാഹാരമായ ഗ്രെയ്ന്‍സ് ഓഫ് സ്റ്റാര്‍ഡസ്റ്റ് പുറത്തിറങ്ങിയത്. വിസ്മയ എഴുതിയ കവിതകളും വരച്ച ചിത്രങ്ങളും ചേര്‍ത്തുളളതാണ് പുസ്തകം. വിസ്മയയെ അഭിനന്ദിച്ച്‌ അമിതാഭ് ബച്ചനും, ദുല്‍ഖര്‍ സല്‍മാനും അടക്കമുളളവര്‍ രംഗത്തുവന്നിരുന്നു.

പൃഥ്വിരാജിന്റെ ഭാര്യ സുപ്രിയയും വിസ്മയയെ അഭിനന്ദിച്ച്‌ ഇന്‍സ്റ്റഗ്രാമില്‍ കുറിപ്പ് എഴുതിയിരിക്കുകയാണ്. “ഇത്രയും ചെറിയ പ്രായത്തില്‍ തന്നെ പുസ്തകം പ്രസിദ്ധീകരിക്കാന്‍ കഴിഞ്ഞ എഴുത്തുകാരിയായതില്‍ അഭിനന്ദിക്കുന്നു മായാ! എന്നെ സംബന്ധിച്ച്‌ ഗ്രെയിന്‍സ് ഓഫ് സ്റ്റാര്‍ഡസ്റ്റ് സ്പര്‍ശിക്കുന്നതും തെളിമയാര്‍ന്നതുമായ തരത്തിലുള്ള ഒരു യുവ എഴുത്തുകാരിയുടെ മുതിര്‍ന്ന അന്തരാത്മാവിന്റെ ആവിഷ്കാരമാണ്. കുറച്ച്‌ തവണയെ ഞാന്‍ നിന്നെ കണ്ടിട്ടുള്ളൂ, പക്ഷേ സ്വന്തം മനസ്സറിയുന്ന, സ്വന്തം ജീവിതവഴി കെട്ടിപ്പടുക്കാന്‍ തീരുമാനിച്ചിറങ്ങിയ ഒരു പെണ്‍കുട്ടിയെന്ന നിലയില്‍ ഞങ്ങളെ നീ ഇംപ്രസ് ചെയ്തിരുന്നു.

അതിപ്രശസ്തവ്യക്തിത്വങ്ങളായ, മോഹന്‍ലാലിനെയും സുചിത്രയെയും പോലുള്ള ബ്രില്യന്റ് ആയ മാതാപിതാക്കളുണ്ടായിരിക്കെ, അതത്ര എളുപ്പമല്ല. പക്ഷേ നീ സ്വന്തം പാത കെട്ടിപ്പടുക്കുന്നത് കാണുമ്ബോള്‍ അഭിമാനിക്കാതിരിക്കാനാവുന്നില്ല. ചിലതിന്റെ ക്രെഡിറ്റ് കുടുംബമെന്ന നിലയില്‍ സ്നേഹിക്കുകയും അറിയുകയും ചെയ്ത അത്ഭുതകരമായ മാതാപിതാക്കള്‍ക്ക് ലഭിക്കും. ഇത്രയും അത്ഭുതകരമായി നില്‍ക്കുന്ന കുട്ടികളെ വളര്‍ത്തിയതില്‍ സുചിത്രയ്ക്ക് വലിയ അഭിനന്ദനങ്ങള്‍. പോകൂ, ആ സ്‌പോട്‌ലൈറ്റില്‍ നില്‍ക്കൂ മായാ. ഈ ലോകം സ്റ്റാര്‍ഡസ്റ്റുകളുടെ ഗ്രെയിനുകളാല്‍ നിര്‍മിക്കപ്പെട്ടതാണ്. ഒപ്പം സ്‌പോട്‌ലൈറ്റുകള്‍ നിങ്ങളിലാണ്. ഇതാണ് നമ്മളെക്കുറിച്ച്‌ മനസ്സില്‍ വരുന്ന ചിത്രം. ആ കൈയെഴുത്ത് നോട്ടിന് നന്ദി.”

ബാലതാരമായി സിനിമയിലെത്തി പിന്നീട് നായികയായി മാറിയ താരമാണ് അനു ഇമ്മാനുവല്‍. മലയാളത്തിലൂടെ അരങ്ങേറിയ അനു പിന്നീട് തെലുങ്ക് സിനിമയിലെ മുന്‍നിര നായികയായി മാറുകയായിരുന്നു. ജയറാം ചിത്രം സ്വപ്‌ന സഞ്ചാരിയിലൂടെയായിരുന്നു അനുവിന്റെ അരങ്ങേറ്റം. പിന്നീട് നിവിന്‍ പോളിയുടെ ആക്ഷന്‍ ഹീറോ ബിജുവിലൂടെ അനു നായികയായി മാറുകയായിരുന്നു.

മലയാളത്തിന്റെ അതിരുകള്‍ കടന്ന് തെലുങ്കിലേക്ക് ചേക്കേറുകയായിരുന്നു അനു പിന്നീട്. മജ്‌നു ആയിരുന്നു ആദ്യ തെലുങ്ക് ചിത്രം. പിന്നീട് കിറ്റു ഉന്നദു ജാഗ്രത, ഓക്‌സിജന്‍ തുടങ്ങി നിരവധി ചിത്രങ്ങളില്‍ അഭിനയിച്ചു. തുപ്പരിവാളനിലൂടെ അനു തമിഴിലുമെത്തി. തെലുങ്കില്‍ കൈനിറയെ സിനിമകളുമായി മുന്നേറുകയാണ് അനു. അനു ഇമ്മാലുവലിനെ കുറിച്ചുള്ള വാര്‍ത്തകളാണ് ഇപ്പോള്‍ ഗോസിപ്പ് കോളങ്ങളില്‍ നിറയുന്നത്. അനു ഇമ്മാനുവല്‍ പ്രണയത്തിലാണെന്നാണ് റിപ്പോര്‍ട്ടുകള്‍ പറയുന്നത്. സംവിധായകന്‍ എംഎം ജ്യോതികൃഷ്ണയുമായി അനു പ്രണയത്തിലാണെന്ന് തെലുങ്ക് മാധ്യമങ്ങളാണ് റിപ്പോര്‍ട്ട് ചെയ്യുന്നത്. ഇരുവരും ഒക്‌സിജന്‍ എന്ന സിനിമയില്‍ ഒരുമിച്ച്‌ പ്രവര്‍ത്തിച്ചിരുന്നു.

2017 മുതല്‍ അനുവും ജ്യോതി കൃഷ്ണയും സുഹൃത്തുക്കളാണ്. പിന്നീട് ഇത് പ്രണയമായി മാറുകയായിരുന്നുവെന്നാണ് റിപ്പോര്‍ട്ടുകള്‍ പറയുന്നത്. അതേസമയം ഇരുവരും വിവാഹിതരാകാന്‍ പോവുകയാണെന്നും ചില റിപ്പോര്‍ട്ടുകള്‍ പറയുന്നുണ്ട്. എന്നാല്‍ വാര്‍ത്തകളോട് താരമോ സംവിധായകനോ ഇതുവരേയും പ്രതികരിച്ചിട്ടില്ല. മറ്റൊരു വ്യാജ വാര്‍ത്തയാകുമോ എന്നാണ് സോഷ്യല്‍ മീഡിയ ചോദിക്കുന്നത്.

നിരവധി സിനിമകളാണ് അനുവിന്റേതായി പുറത്തിറങ്ങാനുള്ളത്. ഈ സിനിമകള്‍ പൂര്‍ത്തിയാക്കിയ ശേഷം താരം വിവാഹത്തിന്റെ തിരക്കുകളിലേക്ക് കടക്കുമെന്നാണ് റിപ്പോര്‍ട്ടുകള്‍ പറയുന്നത്.