ദൃശ്യം സിനിമയുടെ മൂന്നാം ഭാഗം മൂന്ന് വര്‍ഷത്തിനുള്ളില്‍ ഉണ്ടായേക്കാമെന്ന് സംവിധായകന്‍ ജീത്തു ജോസഫ്. സിനിമയുടെ ക്ലൈമാക്‌സ് ഉണ്ടെന്നും ഇനി ബാക്കി സാഹചര്യങ്ങള്‍ കൂടി വേണമെന്നും അദ്ദേഹം പറഞ്ഞു. മോഹന്‍ലാല്‍, ആന്റണി പെരുമ്ബാവൂര്‍ എന്നിവരുമായി ഇക്കാര്യം സംസാരിച്ചു എന്നും ജീത്തു ജോസഫ് വ്യക്തമാക്കി.

ക്ലൈമാക്‌സ് മോഹന്‍ലാലിന് ഇഷ്ടമായി. എന്നാല്‍ ഈ ക്ലൈമാക്‌സിലേയ്ക്ക് എത്തിച്ചേരാന്‍ ഒരുപാട് സംഭവങ്ങള്‍ വരണം. അതുകൊണ്ട് നടക്കണമെന്ന് നിര്‍ബന്ധമില്ല. സിനിമ യാഥാര്‍ത്ഥ്യമായാലും രണ്ട് മൂന്ന് കൊല്ലം എടുക്കുമെന്ന് ജീത്തു പറഞ്ഞു. കോട്ടയം പ്രസ് ക്ലബ്ബില്‍ നടന്ന മീറ്റ് ദി പ്രസ് പരിപാടിയില്‍ മാദ്ധ്യമപ്രവര്‍ത്തകരുടെ ചോദ്യങ്ങള്‍ക്ക് മറുപടി പറയുകയായിരുന്നു അദ്ദേഹം.

ദൃശ്യം ചെയ്തുകഴിഞ്ഞപ്പോള്‍ രണ്ടാം ഭാഗത്തെക്കുറിച്ച്‌ ഒരു പ്ലാനും ഉണ്ടായിരുന്നില്ലെന്ന് ജീത്തു ജോസഫ് പറഞ്ഞു. കഥ തീര്‍ന്നു, സിനിമ അവസാനിച്ചു എന്നാണ് കരുതിയത്. എന്നാല്‍ 2015ല്‍ പലരും കഥയുണ്ടാക്കാന്‍ തുടങ്ങിയപ്പോള്‍ ആന്റണി പറഞ്ഞതനുസരിച്ച്‌ ഒന്ന് ശ്രമിച്ചുനോക്കിയെന്നും അങ്ങനെയാണ് കഥ കിട്ടിയതെന്നും ജീത്തു പറഞ്ഞു.

ദൃശ്യം രണ്ട് ഹിറ്റായതിന് പിന്നാലെ ദൃശ്യത്തിന്റെ മൂന്നാം ഭാഗം ഉണ്ടാകുമെന്ന സൂചന നൽകി സംവിധായകൻ ജീത്തു ജോസഫ്. ചിത്രത്തിന്റെ ക്ലൈമാക്സ് തന്റെ പക്കലുണ്ട്. മോഹൻലാലുമായി ഇക്കാര്യം സംസാരിച്ചെന്നും ജീത്തു ജോസഫ് പറഞ്ഞു. കോട്ടയം പ്രസ് ക്ലബ്ബിൽ നടന്ന വാർത്ത സമ്മേളനത്തിൽ ജീത്തു ജോസഫ് ഇക്കാര്യം വെളിപ്പെടുത്തിയത്.

മലയാളത്തിലെ ഏറ്റവും മികച്ച ക്രൈം ത്രില്ലറുകളിൽ ഒന്നായിരുന്നു ദൃശ്യം. പ്രേക്ഷകർ ഏറെ നാളായി കാത്തിരുന്ന മോഹൻലാൽ-ജീത്തു ജോസഫ് ചിത്രം വമ്ബൻ ഹിറ്റായതോടെ സിനിമ പ്രേമികൾ ഉറ്റുനോക്കുന്നത് ദൃശ്യത്തിന് ഒരു മൂന്നാം ഭാഗം ഉണ്ടോ എന്നാണ്.

എന്നാൽ ആ കാത്തിരിപ്പിന് പ്രതീക്ഷ നൽകുകയാണ് ചിത്രത്തിൻരെ മാസ്റ്റർ ബ്രെയിൻ കൂടിയായ ജീത്തു ജോസഫ്. ദൃശ്യം മൂന്നാം ഭാഗം സംഭവിച്ചേക്കാം. ചിത്രത്തിന്റെ ക്ലൈമാക്സ് തന്റെ പക്കകലുണ്ട്. മോഹൻലാലുമായും ആന്റണി പെരുമ്ബാവൂരുമായും ചർച്ച ചെയ്തു. അവർക്കും ഇഷ്ടപ്പെട്ടു. ജീത്തു ജോസഫ് പറഞ്ഞു

ക്ലൈമാക്സിന് ചേരുന്ന കഥ തയ്യാറായാൽ രണ്ട് മൂന്ന് വർഷത്തിനുള്ളിൽ സിനിമ ചിത്രീകണം ഉണ്ടാകാൻ സാധ്യതയുണ്ടെന്നാണ് ജീത്തു ജോസഫ് വ്യക്തമാക്കുന്നത്. ദൃശ്യം മൂന്നാം ഭാഗത്തിൽ എന്ത് സസ്പെൻസായിരിക്കും കാത്തിരിക്കുന്നത് എന്ന ആകാംക്ഷയിലാണ് ഇപ്പോൾ പ്രേക്ഷകർ.

ദൃശ്യം 2 മികച്ച പ്രതികരണവുമായി മുന്നേറുമ്ബോള്‍ മോഹന്‍ലാലിനൊപ്പം വര്‍ക്ക് ചെയ്തതിലെ സന്തോഷം അറിയിച്ച്‌ മുരളി ഗോപി. മോഹന്‍ലാല്‍ എന്ന നടനൊപ്പം പ്രവര്‍ത്തിക്കാന്‍ സാധിച്ചത് ഒരു ബഹുമതിയാണെന്നാണ് മുരളി ഗോപി പറയുന്നത്. താരത്തിനൊപ്പം ഇനിയും വര്‍ക്ക് ചെയ്യാന്‍ സാധിക്കട്ടെ എന്നും മുരളി ഗോപി തന്റെ ഫേസ്ബുക്ക് കുറിപ്പിലൂടെ പറയുന്നു.

ഭ്രമരത്തില്‍ തുടങ്ങി ലൂസിഫറിലൂടെ ദൃശ്യം 2വരെ.. ഒരു നടന്‍ എന്ന നിലയിലും എഴുതിത്തുകാരന്‍ എന്ന നിലയിലും മോഹന്‍ലാല്‍ എന്ന ഇതിഹാസത്തോടൊപ്പം പ്രവര്‍ത്തിക്കാന്‍ സാധിച്ചത് ഒരു ബഹുമതിയായി കാണുന്നു. ഇനിയത്തെ നമുക്കൊന്നിച്ച്‌ ഒരുപാട് കാര്യങ്ങള്‍ ചെയ്യാന്‍ കഴിയട്ടെ എന്ന് ആഗ്രഹിക്കുന്നു ലാലേട്ടാ.

മുരളി ഗോപിയുടെ ഫേസ്ബുക്ക് പോസ്റ്റിന് കീഴില്‍ നിരവധി കമന്റുകളുമായി എത്തിയിരിക്കുകയാണ് ആരാധകര്‍. ‘നിങ്ങള്‍ ഈ സിനിമയില്‍ പൊളിച്ചു’, ‘പൃഥ്വിരാജ് സുകുമാരന്‍, പാവമല്ലേ എമ്ബുരാനില്‍ ഒരു റോള്‍ കൊടുത്തേക്ക്’ എന്നിങ്ങനെ പോകുന്നു കമന്റുകള്‍.

ദൃശ്യം 2ല്‍ തോമസ് ബാസ്റ്റിന്‍ എന്ന ഐപിഎസ് ഉദ്യോഗസ്ഥനായാണ് മുരളി ഗോപി എത്തിയത്. നടന്റെ ചിത്രത്തിലെ പ്രകടനത്തിന് മികച്ച പ്രതികരണമാണ് പ്രേക്ഷകരില്‍ നിന്ന് ലഭിക്കുന്നത്.

മലയാള സിനിമയിലെ ശ്രദ്ധേയനായ യുവതാരമാണ് നീരജ് മാധവ്. നിരവധി സിനിമകളില്‍ ശ്രദ്ധേയമായ കഥാപാത്രങ്ങളെ അവതരിപ്പിച്ച താരം മലയാള സിനിമാ മേഖലയില്‍ ഗൂഢസംഘമുണ്ടെന്ന വെളിപ്പെടുത്തലും നടത്തിയിരുന്നു. എന്നാല്‍ ഇതിനെല്ലാം പിന്നാലെ ഒരു അടിപൊളി റാപ്പ് സോങുമായി നടന്‍ നീരജ് മാധവ് എത്തിയിരുന്നു. എന്നാല്‍ ഇപ്പോള്‍ നടന്‍ നീരജ് ഒരു അച്ഛനായി എന്നുള്ള വാര്‍ത്തയാണ് പുറത്ത് വരുന്നത്.

നീരജിന്റെ തന്നെ പുതിയ ഫേസ്ബുക്ക് പോസ്റ്റ് ആണ് ഇപ്പോള്‍ വൈറലായി മാറുന്നത്. തന്റെ ജീവിതത്തിലെ പുതിയ സന്തോഷം പങ്കുവെച്ചുകൊണ്ടുളള പോസ്റ്റാണ് അത്. നീരജ് സമൂഹമാധ്യമങ്ങളിലൂടെ തനിക്കും ഭാര്യ ദീപ്തിക്കും ആദ്യത്തെ കണ്‍മണി പിറന്ന സന്തോഷമാണ് അറിയിച്ചിരിക്കുന്നത്. പെണ്‍കുഞ്ഞ് ജനിച്ച വിവരം ഒരു ഫോട്ടോ പങ്കുവെച്ചാണ് നീരജ് കുറിച്ചത്. അതോടൊപ്പം തന്നെ ദീപ്തിയും കുഞ്ഞും സുഖമായിരിക്കുന്നു എന്നും നീരജ് അറിയിച്ചു.

അച്ഛനായ സന്തോഷത്തില്‍ നടന് ആശംസകളുമായി ആരാധകരും സഹതാരങ്ങളുമെല്ലാം രംഗത്ത് എത്തിയിരിക്കുകയാണ്. നീരജ് മാധവും ദീപ്തിയും 2018ലാണ് വിവാഹിതരായത്. ഇവരുടെ വിവാഹം ഏറെക്കാലത്തെ പ്രണയത്തിനൊടുവിലായിരുന്നു. മുന്‍പ് സോഷ്യല്‍ മീഡിയയില്‍ ഇതിന്റെ ചിത്രങ്ങളും വീഡിയോസുമെല്ലാം തരംഗമായിരുന്നു. സ്‌കൂള്‍ ഓഫ് ഡ്രാമയില്‍ നിന്ന് നീരജ് ബിരുദാനന്തര ബിരുദം നേടിയിട്ടുളള താരമാണ്. നീരജിന്‌റെ സിനിമാ അരങ്ങേറ്റം 2013ല്‍ പുറത്തിറങ്ങിയ ബഡ്ഡി എന്ന ചിത്രത്തിലൂടെയായിരുന്നു. പിന്നാലെ മെമ്മറീസ്, ദൃശ്യം, സപ്തമശ്രീ തസ്‌കരഹ പോലുളള സിനിമകളിലെ താരത്തിന്റെ ശ്രദ്ധേയമായ പ്രകടനവും ഏറെ ശ്രദ്ധ നേടി.

മോഹന്‍ലാല്‍ ആദ്യമായി സംവിധാനം ചെയ്യുന്ന ചിത്രം ബറോസിന്റെ കലാ സംവിധാന പ്രവര്‍ത്തനങ്ങള്‍ക്ക് തുടക്കം. ചിത്രത്തിന്റെ പ്രൊഡക്ഷന്‍ വര്‍ക്കുകള്‍ ആരംഭിച്ചു. നിര്‍മ്മാതാക്കളായ ആശിര്‍വാദ് സിനിമാസാണ് ഇക്കാര്യം ഫേസ്ബുക്കിലൂടെ അറിയിച്ചത്. സിനിമയുടെ ചിത്രീകരണം മാര്‍ച്ചില്‍ ആരംഭിക്കും.

ചിത്രത്തിന്റെ പൂജയുടെ ചിത്രങ്ങളും സോഷ്യല്‍ മീഡിയയില്‍ പങ്കുവച്ചിട്ടുണ്ട്. സന്തോഷ് ശിവനാണ് സിനിമയുടെ ഛായാഗ്രാഹകന്‍. ഇന്ത്യയിലെ ആദ്യ ത്രിഡി സിനിമയായിരുന്ന മൈഡിയര്‍ കുട്ടിച്ചാത്തന്‍ സംവിധാനം ചെയ്ത ജിജോയുടെ കഥയെ ആസ്പദമാക്കിയാണ് മോഹന്‍ലാല്‍ ബറോസ് ഒരുക്കുന്നത്. പൃഥ്വിരാജും ചിത്രത്തില്‍ പ്രധാന വേഷത്തില്‍ എത്തുന്നുണ്ടെന്നാണ് വിവരം.

പോര്‍ച്ചുഗീസ് പശ്ചാത്തലത്തിലുള്ള പിരീഡ് സിനിമയാണ് ബറോസ്. വാസ്‌കോ ഡ ഗാമയുടെ നിധി സൂക്ഷിപ്പുകാരനായ ഒരു ഭൂതമാണ് ബറോസ്. 400 വര്‍ഷങ്ങളായി നിധിക്ക് കാവലിരുന്ന ബറോസ് യഥാര്‍ത്ഥ അവകാശിയെ കാത്തിരിക്കുകയാണ്. നിധി തേടി ഒരു കുട്ടി ബറോസിന് മുന്നിലെത്തുന്നതാണ് സിനിമയുടെ പ്രമേയം.

സ്പാനിഷ് അഭിനേത്രി പാസ് വേദ, നടന്‍ റഫേല്‍ അമാര്‍ഗോ എന്നിവര്‍ ചിത്രത്തിലുണ്ട്. വാസ്‌കോ ഡഗാമയുടെ റോളിലാണ് റഫേലെത്തുന്നത്. വാസ്‌കോ ഡാ ഗാമയുടെ ഭാര്യയുടെ റോളിലാണ് പാസ് വേഗ എത്തുന്നത്. മോഹന്‍ലാലും ചിത്രത്തില്‍ പ്രധാനവേഷത്തില്‍ എത്തുന്നുണ്ട്. ഗോവയാണ് സിനിമയുടെ പ്രധാന ലൊക്കേഷന്‍.

ഛായാഗ്രഹകനും സംവിധായകനുമായ പി എസ് നിവാസ് (73) അന്തരിച്ചു. ഒരുമാസത്തിലേറെയായി കോഴിക്കോട് മെഡിക്കല്‍ കോളേജില്‍ ചികിത്സയിലായിരുന്നു. മലയാളം, തമിഴ്, തെലുങ്ക് ഭാഷകളിലായി നിരവധി സിനിമകള്‍ക്ക് ഛായാഗ്രഹണം നിര്‍വഹിച്ചിട്ടുണ്ട്.

1977ല്‍ മോഹിനിയാട്ടം എന്ന ചിത്രത്തിലൂടെ മികച്ച ഛായാഗ്രാഹകനുള്ള ദേശീ പുരസ്കാരവും കേരള ഫിലിം അസോസിയേഷന്‍ പുരസ്കാരവും നേടി. ആന്ധ്രാപ്രദേശ് സംസ്ഥാന സര്‍ക്കാരിന്റെ നന്ദി പുരസ്കാരവും 1979ല്‍ ലഭിച്ചു. കിഴക്കെ നടക്കാവ് പനയം പറമ്പിലാണ് ജനിച്ചു വളര്‍ന്നത്. ദേവഗിരി സെന്റ് ജോസഫ് കോളേജില്‍ നിന്നും ബിരുദം നേടി. മദ്രാസിലെ അടയാര്‍ ഇന്‍സ്റ്റിറ്റ്യൂട്ട് ഓഫ് ഫിലിം ടെക്നോളജിയില്‍ നിന്നും ഫിലിം ടെക്നോളജിയില്‍ ബിരുദം നേടി. സത്യത്തിന്റെ നിഴലില്‍ ആണ് ആദ്യ ചിത്രം.

ഓപ്പറേറ്റിവ് ക്യാമറാമാനായി കുട്ടിയേടത്തി, മാപ്പുസാക്ഷി, ചെമ്പരത്തി, സ്വപ്നം എന്നീ സിനിമകള്‍ ചെയ്തു. മലയാളത്തില്‍ സത്യത്തിന്റെ നിഴലില്‍, മധുരം തിരുമധുരം, മോഹിനിയാട്ടം, സിന്ദൂരം, ശംഖുപുഷ്പം, രാജപരമ്പര, സൂര്യകാന്തി, പല്ലവി, രാജന്‍ പറഞ്ഞ കഥ, വെല്ലുവിളി, ലിസ, സര്‍പ്പം എന്നിവയാണ് പ്രധാന ചിത്രങ്ങള്‍. തമിഴില്‍ പതിനാറു വയതിനിലേ, കിഴക്കേ പോകും റെയില്‍, സികപ്പു റോജാക്കള്‍, ഇളമൈ ഊഞ്ചല്‍ ആടുകിറത്, നിറം മാറാത പൂക്കള്‍, തനിക്കാട്ട് രാജ, കൊക്കരക്കോ, സെലങ്കെ ഒലി, മൈ ഡിയര്‍ ലിസ, ചെമ്പകമേ ചെമ്പകമേ, പാസ് മാര്‍ക്ക്, കല്ലുക്കുള്‍ ഈറം, സെവന്തി എന്നീ ചിത്രങ്ങള്‍ക്ക് ഛായാഗ്രഹണം നിര്‍വഹിച്ചു.

 അന്തരിച്ച ബോളിവുഡ് നടന്‍ സുശാന്ത് സിങ് രജപുത്തിന്റെ ബന്ധു അടക്കം രണ്ടുപേര്‍ വെടിയേറ്റു. രാജ്കുമാര്‍ സിങ്ങും സഹായി അലി ഹസ്സനുമാണ് വെടിയേറ്റത്. ഇവരില്‍ ഒരാളുടെ നില ഗുരുതരമാണ്.

ബിഹാറിലെ സഹര്‍സ ജില്ലയില്‍ ശനിയാഴ്ച രാവിലെയാണ് ആക്രമണമുണ്ടായത്. മൂന്നുപേരടങ്ങുന്ന സംഘമാണ് ആക്രമണത്തിനു പിന്നില്‍. പ്രതികളെ സംബന്ധിച്ച സൂചനകള്‍ ലഭ്യമായെന്നും ഉടന്‍ പിടിയിലാവുമെന്നും പൊലീസ് പറഞ്ഞു.

ശനിയാഴ്ച രാവിലെ പതിനൊന്നരയോടെ മധേപുര ജില്ലയിലേക്കുള്ള യാത്രക്കിടെ സഹര്‍സ കോളജിനു സമീപത്തുവെച്ച്‌ അക്രമിസംഘം രാജ്കുമാറിന്റെ കാര്‍ തടയുകയായിരുന്നു. വഴിയാത്രക്കാരാണ് ഇരുവരെയും ആശുപത്രിയില്‍ എത്തിച്ചത്. അലി ഹസന്റെ അവസ്ഥ ഗുരുതരമാണ്.