നീണ്ടനാളത്തെ കാത്തിരിപ്പിനൊടുവില്‍ വിജയ് ചിത്രം മാസ്റ്റര്‍ പൊങ്കല്‍ തിയറ്ററിലേക്ക് എത്തുകയാണ്. പൊങ്കല്‍ റിലീസായി 13നാണ് ചിത്രം പ്രേക്ഷകരിലേക്ക് എത്തുന്നത്. എന്നാല്‍ അതിനിടെ ചിത്രത്തിന്റെ കഥ മോഷ്ടിച്ചതാണെന്ന ആരോപണവുമായി രം​ഗത്തെത്തിയിരിക്കുകയാണ് കെ രം​ഗദാസ് എന്ന വ്യക്തി. 2017 ല്‍ രജിസ്റ്റര്‍ ചെയ്ത തന്റെ കഥ മോഷ്ടിച്ചു എന്നാണ് വാര്‍ത്താസമ്മേളനത്തിലൂടെ രം​ഗദാസ് ആരോപിച്ചത്.

സൗത്ത് ഇന്ത്യന്‍ ഫിലിം റൈറ്റേഴ്സ് അസോസിയേഷനില്‍ 2017 ഏപ്രില്‍ 7 ന് താന്‍ കഥ രജിസ്റ്റര്‍ ചെയ്തത്. എന്നാല്‍ ആ കഥ മറ്റാരോ സിനിമയാക്കിയെന്നും വരും ദിവസങ്ങളില്‍ തെളിവുകള്‍ പുറത്തുവിടുമെന്നും ഇയാള്‍ പറഞ്ഞതായി ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു. ആദ്യമായല്ല വിജയ് ചിത്രം മോഷണ ആരോപണത്തില്‍ വീഴുന്നത്. ഇതിന് മുന്‍പ് എആര്‍ മുരു​ഗദോസിന്റെ സര്‍ക്കാരിനെ എതിരെ ഉയര്‍ന്ന മോഷണ ആരോപണം വലിയ വിവാദമായിരുന്നു. കൂടാതെ ബി​ഗിലും ഇത്തരത്തിലുള്ള ‌വിവാദത്തില്‍പ്പെട്ടു.

ലോകേഷ് കനകരാജ് സംവിധാനം ചെയ്യുന്ന ചിത്രത്തില്‍ വിജയ് സേതുപതിയും പ്രധാന വേഷത്തില്‍ എത്തുന്നുണ്ട്. മാളവിക മോഹന്‍, ആന്‍ഡ്രിയ,ശാന്തനു, ​ഗൗരി കൃഷ്ണ, അര്‍ജുന്‍ ദാസ്, മഹേന്ദ്രന്‍ എന്നിവരാണ് മറ്റു അഭിനേതാക്കള്‍. ലോകേഷ് കനകരാജിന്റേതാണ് മാസ്റ്ററിന്റെ കഥ. സംവിധായകനൊപ്പം രത്നകുമാര്‍, പൊന്‍ പാര്‍ത്ഥിപന്‍ എന്നിവര്‍ ചേര്‍ന്നാണ് തിരക്കഥ എഴുതിയിരിക്കുന്നത്.

മോഹൻ ലാലിനെ നായകനാക്കി പൃഥ്വിരാജ് സുകുമാരൻ സംവിധാനം ചെയ്ത ബ്ലോക്ക് ബസ്റ്റർ ചിത്രം ലുസിഫർ തെലുങ്കിലും റീമേക്ക് ചെയ്യുകയാണ്.

ചിത്രത്തിൻറെ നിർമ്മാണം സംബന്ധിച്ചുള്ള വാർത്തകൾ ഇതിനോടകം പുറത്തുവന്നിരുന്നു. ചിത്രത്തിൽ മോഹൻലാലിൻറെ കഥാപാത്രത്തെ അവതരിപ്പിക്കുന്നത് തെലുങ്കു സൂപ്പർ സ്റ്റാർ ചിരഞ്‍ജീവിയാണെന്ന് വ്യക്തമാക്കിയിരുന്നു. എന്നാൽ, മഞ്ജുവാര്യരുടെ കഥാപാത്രമായ പ്രിയദർശനി രാമദാസിനെ അവതരി പ്പിക്കുന്നത് ആരെന്ന കാര്യത്തിൽ ഇതുവരെ വ്യക്ത ഇല്ലായിരുന്നു. എന്നാൽ, പ്രിയദർശനി രാമദാസിനെ അവതരിപ്പിക്കാൻ പ്രിയാമണി എത്തുന്നതായാണ് റിപ്പോർട്ട്.ഈ വേഷം അഭിനയിക്കാൻ പ്രിയാമണിയെ നിർമ്മാതാക്കൾ സമീപിച്ചിട്ടുണ്ടെന്നാണ് സൂചന.

പ്രേഷകരുടെ പ്രിയപ്പെട്ട നടിയാണ് പ്രിയാമണി. മലയാളത്തിൽ ഉൾപ്പടെ നിരവധി ഭാഷകളിൽ തിളങ്ങിയ നടി വിവാഹ ശേഷം സിനിമയിൽ നിന്ന് വിട്ടു നിന്നെങ്കിലും ഇപ്പോൾ കൈനിറയെ ചിത്രങ്ങളുമായി ഗംഭീര തിരിച്ചുവരവ് നടത്തിയിരിക്കുകയാണ് താരം.

ധനുഷ് നായകനായ സൂപ്പർ ഹിറ്റ് ചിത്രം അസുരൻ, നാരപ്പ എന്ന പേരിൽ തെലുങ്കിലേക്ക് റീമേക്ക് ചെയ്യുന്നതിൽ നടൻ വെങ്കടേഷ് ദഗുബാടിയുടെ നായികയായി പ്രിയാമണി ആണ് എത്തുന്നത്.നെയ്യാറ്റിൻകര ഗോപൻറെ ആറാട്ട്; പുതിയ പോസ്റ്റർ പുറത്തുവിട്ട് മോഹൻലാൽ, ആവേശത്തിൽ ആരാധകർ

ലൂസിഫറിൻറെ തെലുങ്ക് റീമേക്ക് ഉടൻ ചിത്രീകരണം ആരംഭിക്കും. മോഹൻരാജയാണ് ചിത്രം സംവിധാനം ചെയ്യുന്നത്. സത്യദേവ് സിനിമയിൽ ഒരു പ്രധാന കഥാപാത്രമായി എത്തും.പ്രിയാമണിയും ചിരഞ്ജീവിയും ഇതുവരെ ഒന്നിച്ച്‌ അഭിനയിച്ചിട്ടില്ല. ലൂസിഫർ ആയിരിക്കാം ഇരുവരുടെയും ഒന്നിച്ചുള്ള സുപ്പർ ഹിറ്റ്‌ ചിത്രം…!!

മലയാള സിനിമ പ്രേക്ഷകര്‍ക്ക് ഏറെ പ്രിയങ്കരിയായ താരമാണ് രജനി ചാണ്ടി. ഇപ്പോള്‍ സോഷ്യല്‍ മീഡിയയെ ആകെ ഞെട്ടിച്ചിരിക്കുന്നത് താരത്തിന്റെ പുതിയ മേക്ക് ഓവര്‍ ചിത്രങ്ങളാണ്. ചിത്രത്തെ അനുകൂലിച്ചും പ്രതികൂലിച്ചും നിരവധിപ്പേരാണ് എത്തുന്നത്. എന്നാല്‍ ഇപ്പോള്‍ സ്ത്രീയായി പോയതിന്റെ പേരില്‍ രാജിനിക്കു നേരെ വരുന്ന വിമര്‍ശനങ്ങള്‍ ദുഖകരമാണെന്ന് കുറിക്കുകയാണ് നിഖില്‍ നരേന്ദ്രന്‍. രാജിനി ചാണ്ടിയുടെ ചിത്രങ്ങള്‍ മമ്മൂട്ടിയില്‍ തുടങ്ങി മാമുക്കോയ വരെയുള്ള താരങ്ങളുടെ സ്റ്റൈലിഷ് ചിത്രങ്ങള്‍ കണ്ട് പുളകിതരാകുന്നവര്‍ കണ്ട് അസ്ഥരാകുന്നതെന്തിനാണെന്ന് നിഖില്‍ ചോദ്യമുയര്‍ത്തുകയാണ്.
ഫെയ്സ്ബുക്ക് കുറിപ്പ് വായിക്കാം:

മമ്മൂട്ടി, ഇന്ദ്രന്‍സ് മുതല്‍ മാമുക്കോയയുടെ വരെയുള്ള സ്റ്റൈലിഷ് ഫോട്ടോ ഷൂട്ടുകള്‍ക്ക് താഴെയുള്ള കമന്റുകള്‍ Age is Just a number, attitude is everything, ഇജ്ജാതി പവര്‍ , ഇജ്ജാതി എനര്‍ജി.ഈയിടെ മുത്തശ്ശിഗഥ ഫെയിം രജനി ചാണ്ടിയുടെ ഫോട്ടോഷൂട്ടിനു താഴെ വന്ന കമന്റുകള്‍ തള്ളക്ക് വയസ്സാം കാലത്ത് എന്തിന്റെ സൂക്കെട്ടാ , ബൈബിളും വായിച്ച്‌ വീട്ടിലിരുന്നുകൂടെ . ഇത് ഏറ്റവും മാന്യമായ കമന്റുകളില്‍ ഒന്നാണ് , ബാക്കി കമന്റ്സ് ഇതിലും പുരോഗമനപരമായവ ആണ്.And they said എന്തിനാണ് ഫെമിനിസം, Equality വരട്ടെ

ജൂഡ് ആന്തണി ജോസഫ് ഒരുക്കിയ ഒരു മുത്തശ്ശി ഗദ എന്ന ചിത്രത്തിലൂടെ മലയാള സിനിമയിലേക്ക് ചേക്കേറിയ താരമാണ് രജനി ചാണ്ടി. ചിത്രത്തിലെ മുത്തശ്ശി കഥാപാത്രം പ്രേക്ഷകര്‍ക്ക് ഇടയില്‍ താരത്തെ ഏറെ ശ്രദ്ധേയമാക്കി. പിന്നാലെ ബിഗ്‌ബോസ് മലയാളം സീസണ്‍ രണ്ടിലെ മത്സരാര്‍ത്ഥി കൂടി ആയി എത്തിയതോടെ നിരവധി ആരാധകരും താരത്തിന് ഉണ്ടായിരുന്നു. രജനി ചാണ്ടി തന്നെ ആയിരുന്നു ബിഗ്‌ബോസിലെ മലയാളം രണ്ടാം സീസണില്‍ ഏറ്റവും പ്രായം ഏറിയ മത്സരാര്‍ത്ഥിയും.

തമിഴ് നടി ആനന്ദി വിവാഹിതയായി. സോക്രട്ടീസ് ആണ് വരന്‍. വാരങ്കലില്‍വച്ച്‌ അടുത്ത ബന്ധുക്കളും സുഹൃത്തുക്കളും പങ്കെടുത്ത ചടങ്ങിലായിരുന്നു വിവാഹം.

സഹ സംവിധായകന്‍ കൂടിയാണ് സോക്രട്ടീസ്. അഗ്നി സിറഗുകള്‍, അലീദ്ദീനിന്‍ അര്‍പുത കാമറ എന്നീ ചിത്രങ്ങളിലെ സഹസംവിധായകനായിരുന്നു. ഹിന്ദു ആചാര പ്രകാരമായിരുന്നു വിവാഹം. നിര്‍മാതാവും നടനുമായ ജെഎസ്‌കെ സതീഷ് കുമാറാണ് വിവാഹ ചിത്രം പങ്കുവെച്ചത്.

കായല്‍ എന്ന സൂപ്പര്‍ഹിറ്റ് ചിത്രത്തിലൂടെയാണ് ആനന്ദി ശ്രദ്ധേയയാകുന്നത്. തുടര്‍ന്ന് കായല്‍ ആനന്ദി എന്ന പേരിലാണ് താരം അറിയപ്പെടുന്നത്. മാരി സെല്‍വരാജിന്റെ പരിയേറും പെരുമാള്‍ എന്ന ചിത്രത്തിലെ നായികാ വേഷവും ശ്രദ്ധിക്കപ്പെട്ടിരുന്നു.

തമിഴ്, തെലുങ്ക് സിനിമ മേഖലയില്‍ സജീവമായി നില്‍ക്കുന്നതിനിടയിലായിരുന്നു വിവാഹം. സോമ്ബി റെഡ്ഡിയാണ് റിലീസിന് ഒരുങ്ങുന്ന ചിത്രം. കൂടാതെ അഞ്ച് സിനിമകള്‍ കൂടി തിയറ്ററില്‍ എത്താനുണ്ട്. ബസ് സ്റ്റോപ്പ് എന്ന തെലുങ്ക് ചിത്രത്തിലൂടെ സിനിമയില്‍ അരങ്ങേറിയ ആനന്ദി തമിഴ് സിനിമകളിലൂടെ തിരക്കേറിയ നായികയായി മാറി.

ചണ്ടി വീരന്‍, തൃഷ ഇലാന നയന്‍താര, വിസാരണൈ, എനക്ക് ഇന്നൊരു പേര് ഇറുക്ക്, കടവുള്‍ ഇരുക്കാന്‍ കുമരാ തുടങ്ങിയവയാണ് പ്രധാന സിനിമകള്‍

സോഷ്യല്‍ മീഡിയയിലൂടെ അശ്ലീലം പറഞ്ഞയാള്‍ക്ക് മറുപടിയുമായി നടി നീലിമ റാണി. ഇന്‍സ്റ്റ​ഗ്രാമിലൂടെ ആരാധകരുടെ ചോദ്യത്തിന് മറുപടി പറയുന്നതിനിടെയാണ് മോശം സന്ദേശം എത്തിയത്. എന്നാല്‍ ഇത് അവ​ഗണിക്കുകയോ അയാളെ ബ്ലോക്ക് ചെയ്യുന്നതിനും പകരമായി മികച്ച മറുപടിയാണ് താരം നല്‍കിയത്. ഇന്‍സ്റ്റ​ഗ്രാം സ്റ്റോറിയിലൂടെയായിരുന്നു പ്രതികരണം.

‘ഒരു രാത്രിയ്ക്ക് എത്ര വേണം’ എന്നായിരുന്നു ചോദ്യം. ഇതിന് നീലിമ നല്‍കിയ മറുപടി ഇങ്ങനെ; അല്‍പ്പം മാന്യത ഞാന്‍ പ്രതീക്ഷിക്കുന്നു സഹോദരാ. ദൈവം നിങ്ങളെ അനുഗ്രഹിക്കട്ടെ. അക്രമികള്‍ക്കാണ് അശ്ലീലമായ മനസുണ്ടാകുക. ദയവ് ചെയ്ത് നിങ്ങള്‍ ഒരു മനശാസ്ത്ര വിദഗ്ധനെ കാണണം. നിങ്ങള്‍ക്ക് വിദഗ്ധരുടെ സഹായം ആവശ്യമാണ്.’

എന്തായാലും ആരാധകര്‍ക്കിടയില്‍ വൈറലാവുകയാണ് നിലിമയുടെ മറുപടി. ഇത്തരത്തിലുള്ളവരോട് നിശബ്ദത പാലിക്കരുതെന്നും തുറന്നു കാട്ടണമെന്നും ആരാധകര്‍ പറയുന്നു. മാത്രമല്ല കുറച്ചു കൂടി രൂക്ഷമായ മറുപടി നല്‍കാമെന്ന് പറയുന്നവരും നിരവധിയാണ്.

സിനിമ സീരിയല്‍് രം​ഗത്ത് സജീവ സാന്നിധ്യമാണ് നീലിമ റാണി. മൊഴി, നാന്‍ മഹാന്‍ അല്ലെ, സന്തോഷ് സുബ്രഹ്മണ്യം തുടങ്ങിയ നിരവധി ചിത്രങ്ങളില്‍ അഭിനയിച്ചിട്ടുണ്ട്. വിശാല്‍ നായകനായ ചക്രയാണ് റിലീസിനൊരുങ്ങുന്ന നീലിമയുടെ പുതിയ ചിത്രം. സോഷ്യല്‍ മീഡിയയിലും ആക്റ്റീവാണ് താരം.