മലയാളികളുടെ പ്രിയ നടിയാണ് ഇനിയ. നിരവധി സിനിമകളിലൂടെ നടി പ്രേക്ഷക ശ്രദ്ധ നേടി. ഗ്ലാമര്‍ വേഷങ്ങളിലും നടി തിളങ്ങിയിട്ടുണ്ട്. ഇപ്പോള്‍ നടി നടത്തിയ വെളിപ്പെടുത്തലുകളാണ് വാര്‍ത്തയാകുന്നത്. താന്‍ നേരത്തെ പ്രണയത്തിലായിരുന്നെന്നും ഇപ്പോള്‍ സിംഗിള്‍ ആണെന്നും നടി പറയുന്നു. മാത്രമല്ല ഭാവി വരനെ കുറിച്ചുള്ള സങ്കല്‍പ്പങ്ങളും നടി പറയുന്നു.

ഇനിയയുടെ വാക്കുകള്‍;

ഇപ്പോള്‍ സിംഗിളാണ്, മിംഗിളാവാന്‍ റെഡിയായിരിക്കുകയാണ് ‘എന്നെ സന്തോഷപ്പെടുത്തുന്ന ഒരാളായിരിക്കണം. സംസാരം ഭയങ്കര ഇഷ്ടമുള്ള ആളാണ് ഞാന്‍. അതുകൊണ്ട് നന്നായി സംസാരിച്ച്‌ എനിക്ക് കമ്ബനി തരുന്ന ആളാവണം. ഹെല്‍ത്തി സംഭാഷണമാണ് ഏറെ ഇഷ്ടം.

ആദ്യമായി ക്രഷ് തോന്നിയത് ഡാന്‍സ് ക്ലാസില്‍ ഒപ്പം പഠിച്ച പയ്യനോടായിരുന്നു. ക്രഷ് ഒന്നുമല്ല, യഥാര്‍ഥ പ്രേമമായിരുന്നു. എനിക്ക് ഒരു സീരിയസ് റിലേഷന്‍ഷിപ്പ് ഉണ്ടായിരുന്നു. 2014 ല്‍ അത് ബ്രേക്കപ്പായി. വീട്ടുകാര്‍ക്കെല്ലാവര്‍ക്കും അതറിയാമായിരുന്നു. സിനിമയില്‍ നിന്നുള്ള ആളായിരുന്നില്ല അത്.

മലയാളത്തിനെക്കാളും തമിഴിലാണ് എനിക്ക് കൂടുതല്‍ ഫാന്‍സ് ഉള്ളത്. താന്‍ കൂടുതല്‍ സമയവും തമിഴ്‌നാട്ടിലാണ്. കൂടുതല്‍ പ്രതിഫലം കിട്ടുന്നത് തമിഴിലാണ്. പ്രതിഫലത്തിന്റെ കാര്യത്തില്‍ തര്‍ക്കിക്കേണ്ടി വരുന്നത് കേരളത്തിലാണ്. എപ്പോഴും ഒരു വിലപേശല്‍ ഉണ്ടാവാറുണ്ട്. ഇത്ര കഴിവുള്ള താരമാണെന്ന് പറഞ്ഞാലും പിറകേട്ട് ഒരു വലിക്കലുണ്ടാവും.

മലയാളികളുടെ പ്രിയ താരങ്ങളായ മോഹന്‍ലാലിന്റേയും മമ്മൂട്ടിയുടേയും ചിത്രങ്ങള്‍ വളരെവേഗം സമൂഹ മാദ്ധ്യമങ്ങളില്‍ ശ്രദ്ധ നേടാറുണ്ട്. ഇരുവരും ഒന്നിച്ചുള്ള ചിത്രങ്ങളാണെങ്കില്‍ അതിന് സ്വീകാര്യതയേറും. അത്തരത്തിലൊരു ചിത്രമാണ് ഇപ്പോള്‍ സമൂഹ മാദ്ധ്യമങ്ങളില്‍ വൈറലാവുന്നത്. നിര്‍മ്മാതാവ് ആന്റണി പെരുമ്പാവൂരിന്റെ മകളുടെ വിവാഹ സല്‍ക്കാരത്തിനെത്തിയതായിരുന്നു ഇരുവരും.

കറുത്ത കുര്‍ത്തയും മുണ്ടും ഉടുത്ത് സ്റ്റൈലില്‍ മീശപിരിച്ച മമ്മൂട്ടിയെയാണ് ചിത്രങ്ങളില്‍ കാണാനാവുക. കറുത്ത സ്യൂട്ടണിഞ്ഞാണ് മോഹന്‍ലാല്‍ എത്തിയത്. രമേശ് പിഷാരഡി ഇരുവര്‍ക്കുമൊപ്പമുള്ള ചിത്രം പങ്കുവച്ചിട്ടുണ്ട്. നിര്‍മ്മാതാവ് ആന്റോ ജോസഫും താരങ്ങള്‍ക്കൊപ്പമുണ്ട്. ആന്റോ ജോസഫും കറുത്ത വസ്ത്രമാണ് ധരിച്ചത്. സ്ഥിരമായി വെള്ള വസ്ത്രം ധരിക്കുന്നയാളാണ് ആന്റോ ജോസഫ്.

ഇന്നലെയാണ് ആന്റണി പെരുമ്പാവൂരിന്റെ മകള്‍ അനിഷയും പെരുമ്പാവൂര്‍ ചക്കിയത്ത് ഡോ. വിന്‍സന്റിന്റേയും സിന്ധുവിന്റേയും മകന്‍ എമിലും തമ്മിലുള്ള വിവാഹം നടന്നത്. പള്ളിയില്‍ നടന്ന ചടങ്ങിലും പിന്നീട് നടന്ന റിസപ്ഷനിലും ആദ്യാവസാനം വരെ മോഹന്‍ലാലും കുടുംബവും പങ്കെടുത്തിരുന്നു. കല്യാണത്തിന്റെ ചിത്രങ്ങളെല്ലാം സമൂഹ മാദ്ധ്യമങ്ങളില്‍ വൈറലാവുകയാണ്.

കോവിഡ് ബാധിച്ച്‌ ചികിത്സയില്‍ കഴിയുന്ന സംവിധായകന്‍ സംഗീത് ശിവന്റെ ആരോഗ്യനിലയില്‍ പുരോഗതിയെന്ന് സഹോദരന്‍ സന്തോഷ് ശിവന്‍. സംഗീതിനെ വെന്റിലേറ്ററില്‍ നിന്നും മാറ്റിയെന്നും സുഖം പ്രാപിക്കുകയാണെന്നും സന്തോഷ് ശിവന്‍ വ്യക്തമാക്കി.

തിരുവനന്തപുരത്തെ സ്വകാര്യ ആശുപത്രിയിലാണ് സംഗീത് ശിവന്‍ ചികിത്സയില്‍ കഴിയുന്നത്. നാല് ദിവസം മുമ്ബാണ് സംഗീതിനെ ആശുപത്രിയില്‍ പ്രവേശിപ്പിച്ചത്. സംവിധായകന്റെ ആരോഗ്യനില ഗുരുതരമായി തുടരുന്നു എന്ന റിപ്പോര്‍ട്ടുകള്‍ക്ക് പിന്നാലെയാണ് സന്തോഷ് ശിവന്റെ പ്രതികരണം.

വെന്റിലേറ്ററില്‍ നിന്നും മാറ്റിയെന്നും സന്തോഷ് ശിവന്‍ ഫെയ്‌സ്ബുക്കില്‍ കുറിച്ചു. മലയാളത്തിലും ഹിന്ദിയിലും അടക്കം നിരവധി ചിത്രങ്ങള്‍ സംഗീത് സംവിധാനം ചെയ്തിട്ടുണ്ട്.

സംഗീത് ശിവന്‍ ആദ്യമായി സംവിധാനം ചെയ്ത ചിത്രം വ്യൂഹം ആണ്. യോദ്ധാ, ഗാന്ധര്‍വം, നിര്‍ണയം എന്നിവയാണ് പ്രധാന സിനിമകള്‍.

മോഹന്‍ലാലിന്റെ സന്തതസഹചാരിയായ ആന്റണി പെരുമ്പാവൂരിന്റെ സന്തോഷ നിമിഷങ്ങളില്‍ താരരാജാവും പങ്കാളിയാണ്. കഴിഞ്ഞ ദിവസം ആന്റണി പെരുമ്പാവൂരിന്റെ മകള്‍ അനീഷയുടെ വിവാഹമായിരുന്നു കഴിഞ്ഞ ദിവസം. ഡോക്ടര്‍ എമില്‍ വിന്‍സെന്റാണ് അനീഷയെ വിവാഹം ചെയ്തത്. കുടുംബസുഹൃത്തുക്കളായിരുന്നു ഇരുവരും. വിവാഹനിശ്ചയത്തില്‍ മാത്രമല്ല വിവാഹ ചടങ്ങിലും മോഹന്‍ലാല്‍ കുടുംബസമേതമായി എത്തിയിരുന്നു. പ്രണവവും വിസ്മയയും ചടങ്ങില്‍ പങ്കെടുത്തു.

വിവാഹ ചടങ്ങിന്റെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലാവുകയാണ്. നാളുകള്‍ക്ക് ശേഷമാണ് വിസ്മയയെ കുടുംബത്തിനൊപ്പം കാണുന്നത്. പ്രണവിന്റെ കൈ പിടിച്ചാണ് വിസ്മയ ചടങ്ങിനെത്തിയത്. ഇവരുടെ പിന്നാലെയാണ് മോഹന്‍ലാലും സുചിത്രയും എത്തിയത്. സ്റ്റൈലിഷ് വസ്ത്രങ്ങള്‍ അണിഞ്ഞാണ് താരകുടുംബം എത്തിയത്.

അപൂര്‍വ്വമായി മാത്രമാണ് പ്രണവും വിസ്മയയും പൊതുചടങ്ങുകളില്‍ പ്രത്യക്ഷപ്പെടാറുള്ളത്. നേരത്തെ ശരീരഭാരം കുറച്ചതിനെ കുറിച്ച് വിസ്മയ പറഞ്ഞ വാക്കുകള്‍ ശ്രദ്ധേയമായിരുന്നു. പ്രണവിന് പിന്നാലെയായി വിസ്മയയും അഭിനയ രംഗത്തേക്ക് എത്തുമോയെന്ന തരത്തിലുള്ള ചര്‍ച്ചകള്‍ ഇടക്കാലത്ത് സജീവമായിരുന്നു. മോഹന്‍ലാല്‍ ആദ്യമായി സംവിധാനം ചെയ്യുന്ന ബറോസില്‍ സംവിധാന സഹായിയായി വിസ്മയയും പ്രവര്‍ത്തിക്കുന്നുണ്ടെന്നുള്ള റിപ്പോര്‍ട്ടുകള്‍ ഇടയ്ക്ക് പ്രചരിച്ചിരുന്നു.

അങ്കമാലി ഡയറീസ് എന്ന ഹിറ്റ് ചിത്രത്തിന് ശേഷം നടന്‍ ചെമ്ബന്‍ വിനോദ് തിരക്കഥയൊരുക്കുന്ന ചിത്രമാണ് ‘ഭീമന്റെ വഴി’.ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. അഷ്‌റഫ് ഹംസ സംവിധാനം ചെയ്യുന്ന ചിത്രത്തിന്റെ ഇന്നാരംഭിച്ചു.

‘തമാശ’ എന്ന ചിത്രത്തിന് ശേഷം അഷ്റഫ് ഒരുക്കുന്ന ചിത്രമാണിത്. കുഞ്ചാക്കോ ബോബന്‍, ചെമ്ബന്‍ വിനോദ്, ചിന്നു ചാന്ദ്നി, ജിനു ജോസഫ് എന്നിവരാണ് ചിത്രത്തില്‍ പ്രധാനവേഷത്തിലെത്തുന്നത്. ചെമ്ബന്‍ വിനോദ്, റിമ കല്ലിങ്കല്‍, ആഷിഖ് അബു എന്നിവര്‍ ചേര്‍ന്നാണ് നിര്‍മാണം.

കൊവിഡ് ബാധിച്ച്‌ ചികിത്സയില്‍ കഴിയുന്ന സംവിധായകന്‍ സംഗീത് ശിവന്‍ സുഖം പ്രാപിക്കുന്നുവെന്ന് സഹോദരനും സംവിധായകനുമായ സന്തോഷ് ശിവന്‍. എല്ലാവരുടെയും പ്രാര്‍ഥനകള്‍ക്ക് നന്ദി അറിയിക്കുന്നുവെന്നും സന്തോഷ് ശിവന്‍ ഫേസ്ബുക്കിലൂടെ അറിയിച്ചു.

നാല് ദിവസം മുന്‍പ് തുരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ച സംഗീത് ശിവനെ വെന്‍റിലേറ്ററിലേക്ക് മാറ്റിയിരുന്നു. എന്നാല്‍ സഹോദരനെ വെന്‍റിലേറ്ററില്‍ നിന്നും മാറ്റിയെന്നും സുഖം പ്രാപിച്ചുവരികയാണെന്നും സന്തോഷ് ശിവന്‍ വ്യക്തമാക്കി.

പ്രേമം എന്ന ചിത്രത്തിലൂടെ മലയാള സിനിമാ പ്രേക്ഷകരുടെ മനസില്‍ ഇടം നേടിയ നടിയാണ് അനുപമ പരമേശ്വരന്‍. മറ്റ് ഭാഷകളിലെ ചിത്രങ്ങളിലേക്ക് ചേക്കേറിയെങ്കിലും മലയാളികള്‍ക്ക് അനുപമ ഇപ്പോഴും പ്രിയപ്പെട്ടവള്‍ തന്നെയാണ്.

പ്രേമം എന്ന ചിത്രത്തിലെ മേരി എന്ന് കേൾക്കുമ്പോൾത്തന്നെ ആളുകളുടെ മനസില്‍ ആദ്യം ഓടിയെത്തുക അനുപമയുടെ ചുരുണ്ട മുടിയാണ്. ഒരു മാദ്ധ്യമത്തിന് നല്‍കിയ അഭിമുഖത്തില്‍ തന്റെ മുടി എങ്ങനെ സംരക്ഷിക്കുന്നുവെന്ന് വെളിപ്പെടുത്തിയിരിക്കുകയാണ് നടിയിപ്പോള്‍.

ചുരുണ്ട മുടി സംരക്ഷിക്കുന്നത് എളുപ്പമുള്ള കാര്യമല്ലെന്നും, അതിനുവേണ്ടി പ്രത്യേകം സമയം കണ്ടെത്താറുണ്ടെന്നും നടി പറയുന്നു. കഴിഞ്ഞ ഡിസംബറിന് ശേഷം മുടിയില്‍ ചീപ്പുപയോഗിച്ചിട്ടില്ല. ചുരുണ്ടമുടി അങ്ങനെതന്നെ നിലനിര്‍ത്താനാണിതെന്നും അനുപമ പറയുന്നു.

അതുപോലെതന്നെ താന്‍ പൊതുവേ ബ്യൂട്ടി പാര്‍ലറില്‍ പോകാറില്ലെന്നും അനുപമ പറയുന്നു. വാക്‌സിങും, ത്രെഡിങുമൊക്കെ ചെയ്യുന്നത് സ്വന്തമായാണെന്നും നടി വ്യക്തമാക്കി. ‘ചുരുക്കം അവസരങ്ങളില്‍ മാത്രമാണ് പാര്‍ലറുകളില്‍ പോകേണ്ടി വന്നിട്ടുള്ളത്. പുരികങ്ങള്‍ ത്രെഡ് ചെയ്യുന്നത് കുറവാണ്. അവയെ വളരാന്‍ അനുവദിക്കും. എക്‌സ്ട്രാ വരുന്നവ പ്ലക് ചെയ്യാറാണ് പതിവ്’-അനുപമ പറഞ്ഞു.

രജനികാന്തിന്റെ ആരോഗ്യസ്ഥിതി മെച്ചപ്പെട്ടു. ഇന്ന് വൈകുന്നേരത്തോടെ ആശുപത്രി വിടാനാകുമെന്ന് ആശുപത്രി അധികൃതര്‍ അറിയിച്ചതായി സഹോദരന്‍ സത്യനാരായണ പറഞ്ഞു. രജനികാന്തിന്റെ ഇതുവരെയുള്ള പരിശോധന ഫലങ്ങളിലൊന്നും ആശങ്കപ്പെടാനില്ല. ഉച്ചയ്ക്ക് ശേഷം ഡോക്ടര്‍മാരുടെ സംഘം വീണ്ടും പരിശോധന നടത്തും. അതിന് ശേഷമായിരിക്കും തീരുമാനമെടുക്കുക എന്ന് അപ്പോള ആശുപത്രി അധീകൃതര്‍ പുറത്ത് വിട്ട റിപ്പോര്‍ട്ടില്‍ പറയുന്നു.

ഹൈദരാബാദ് അപ്പോളോ ആശുപത്രിയിലാണ് രജിനികാന്ത് ഇപ്പോഴുള്ളത്. പുുതിയ സിനിമ ‘അണ്ണാത്തെ’യുടെ ലൊക്കേഷനില്‍ നാല് പേര്‍ക്ക് കൊവിഡ് സ്ഥിരീകരിച്ചതോടെ രജനി സ്വയം നിരീക്ഷണത്തിലായിരുന്നു. എന്നാല്‍ താരത്തിന്റെ രക്തസമ്മര്‍ദ്ദത്തിലെ ഏറ്റക്കുറച്ചിലുകള്‍ ശ്രദ്ധയില്‍പ്പെട്ടതോടെ ആശുപത്രിയില്‍ ചികിത്സ തേടുകയായിരുന്നു. ആശുപത്രി വിട്ടാലും പൂര്‍ണ വിശ്രമമാണ് താരത്തിന് നിര്‍ദ്ദേശിച്ചിട്ടുള്ളത്. നിലവിലെ സാഹചര്യത്തില്‍ ആരെയും സന്ദര്‍ശിക്കാന്‍ അനുവദിക്കുന്നതായിരിക്കില്ല.