സിനിമയില്‍ തന്റെതായ സ്ഥാനം നേടിയെടുക്കാന്‍ സാധിച്ച ചുരുക്കം ചില നടിമാരില്‍ ഒരാളാണ് പാര്‍വ്വതി. ഏറെ വിമര്‍ശനങ്ങള്‍ ഏറ്റുവാങ്ങിയിട്ടുണ്ടെങ്കിലും അഭിനയം കൊണ്ട് എല്ലാവരുടെയും പ്രശംസ താരം പിടിച്ചുപറ്റിയിട്ടുണ്ട്. 2006-ല്‍ പുറത്തിറങ്ങിയ ഔട്ട് ഓഫ് എന്ന ചലച്ചിത്രത്തിലൂടെയാണു പാര്‍വ്വതി അഭിനയരംഗത്തെത്തുന്നത്. തുടര്‍ന്ന് കൈനിറയെ അവസരങ്ങളായിരുന്നു പാര്‍വതിയെ തേടി സിനിമ ലോകത്ത് നിന്നും എത്തിയത്. എന്നാല്‍ ഇപ്പോള്‍ സോഷ്യല്‍ മീഡിയയില്‍ സജീവമായ താരം ഫില്‍ട്ടറും മേക്കപ്പും ഇല്ലാതെ തന്റെ യഥാര്‍ത്ഥ മുഖം ഉള്ള വീഡിയോയാണ് പങ്കുവച്ചിരിക്കുന്നത്.

പാര്‍വതി വീഡിയോ ഇന്‍സ്റ്റാഗ്രാമില്‍ പോസ്റ്റ് ചെയ്തിരിക്കുന്നത് ഇതാണ് എന്റെ യഥാര്‍ത്ഥ സൗന്ദര്യം എന്ന് ക്യാപ്ഷ്യനോടെയാണ്. ഫില്‍റ്റര്‍ ഇട്ടുകൊണ്ടും തുടര്‍ന്ന് ഫില്‍റ്റെര്‍മാറ്റിയുള്ള ലുക്കും ആണ് വീഡിയോയിലൂടെ താരം പങ്കുവച്ചിരിക്കുന്നത്. മേക്കപ്പ് ഇല്ലാതെ സോഷ്യല്‍ മീഡിയയില്‍ എത്തുന്ന രീതി ആദ്യം തുടങ്ങിയത് സമീറ റെഡ്ഡി ആയിരുന്നു.സാധാരണ ഗതിയില്‍ മുഖത്ത് കാണാറുള്ള ആ വലിയ കണ്ണട പോലും ഇത്തവണ പാര്‍വതി ഉപയോഗിച്ചിട്ടില്ല. മുഖത്തെ പാടുകള്‍ ക്ലോസ്‌അപ്പില്‍ കാട്ടി, താന്‍ എങ്ങനെയാണോ അതുപോലെ തന്നെ ക്യാമറയുടെ മുന്നില്‍ നില്‍ക്കുകയാണ് പാര്‍വതി. ഇതാണ് എന്റെ യഥാര്‍ത്ഥ സൗന്ദര്യം എന്ന് പാര്‍വതി ക്യാപ്‌ഷനില്‍ പറയുന്നു.

നടി മേഘ്‌ന രാജിനും കുടുംബത്തിനും കോവിഡ് സ്ഥിരീകരിച്ചു. ഒന്നരമാസമുള്ള കുഞ്ഞിനും കോവിഡ് പോസിറ്റീവാണ്. ഇന്റ്റഗ്രാമിലൂടെ താരം തന്നെയാണ് വിവരം ആരാധകരെ അറിയിച്ചത്. കുഞ്ഞ് സുഖമായി ഇരിക്കുന്നതായും താരം കുറിച്ചു.

എന്റെ അച്ഛനും അമ്മയ്ക്കും എനിക്കും കുഞ്ഞിനും കോവിഡ് പോസിറ്റീവായി. കഴിഞ്ഞ കുറച്ച്‌ ആഴ്ചകളില്‍ ഞങ്ങളുമായി സമ്ബര്‍ക്കത്തില്‍ വന്ന എല്ലാവരെയും വിവരം അറിയിച്ചിട്ടുണ്ട്. പേടിക്കാനൊന്നുമില്ലെന്നും ഞങ്ങള്‍ സുഖമായി ഇരിക്കുകയാണെന്നും ചീരുവിന്റേയും എന്റെയും ആരാധകരെ അറിയിക്കുകയാണ്. ഇപ്പോള്‍ ട്രീറ്റ്‌മെന്റിലാണ്. ജൂനിയര്‍ സി സുഖമായിരിക്കുന്നു. ഞങ്ങള്‍ കുടുംബം ഒന്നിച്ച്‌ ഈ യുദ്ധത്തില്‍ പോരാടും വിജയികളായി തിരിച്ചുവരും- മേഘ്‌ന കുറിച്ചു.

സെലിബ്രിറ്റികളും ആരാധകരും ഉള്‍പ്പടെ നിരവധി പേരാണ് താരത്തിന് ആശംസകള്‍ അറിയിക്കുന്നത്. ഒക്ടോബറിലാണ് മേഘ്‌ന തന്റെ മകന് ജന്മം നല്‍കിയത്. ഭര്‍ത്താവ് ചിരഞ്ജീവി സര്‍ജയുടെ അപ്രതീക്ഷിത മരണത്തിന് പിന്നാലെയാണ് കുഞ്ഞ് ചീരു പിറന്നത്. ജൂണ്‍ ഏഴിനായിരുന്നു കാര്‍ഡിയക് അറസ്റ്റിനെ തുടര്‍ന്ന് ചിരഞ്ജീവി മരിക്കുന്നത്.

ബാലയുടേതും ഗായിക അമൃതയുടെതും ഏറെ ചർച്ചയായ വിവാഹവും വേർപിരിയലുമാണ്. തെന്നിന്ത്യൻ സിനിമയിൽ ശ്രദ്ധേയ വേഷങ്ങളിലൂടെ ബാല സുപരിചിതനായപ്പോൾ ഐഡിയ സ്റ്റാർ സിംഗർ വേദിയിലൂടെയാണ് അമൃത ആരാധകർക്ക് സുപരിചിതയായി മാറിയത്. ഏകദേശം അഞ്ചു വർഷത്തോളമായി ബലാ അമൃത വിഷയം സോഷ്യൽ മീഡിയ ചർച്ച ചെയ്യാൻ തുടങ്ങിയിട്ട്.

ബാലയുടെ തുറന്നു പറച്ചിലിന് പിന്നാലെ, ഞങ്ങൾക്കിടയിൽ പറഞ്ഞു തീർക്കാനുള്ള പ്രശ്‌നങ്ങൾ മാത്രമേയുള്ളൂ എന്ന് അമൃതയും പറഞ്ഞതോടെ ഇരുവരും തമ്മിലുള്ള വിവാഹ മോചനത്തിന് പ്രോത്സാഹനവുമായി സോഷ്യൽ മീഡിയയും രംഗത്ത് എത്തിയിരുന്നു. ഇരു കൂട്ടരുടെയും ഭാഗം പിടിച്ചുകൊണ്ട് ചർച്ചകളും നടന്നു. കഴിഞ്ഞ വർഷത്തോടെ ഇരുവരും വിവാഹ മോചിതർ ആയെങ്കിലും ഇപ്പോഴും ഇവരെക്കുറിച്ചുളള ചർച്ചകൾ സോഷ്യൽ മീഡിയ അവസാനിപ്പിച്ചിട്ടില്ല.

ഇവരുടെ മകൾ അവന്തിക ഇപ്പോൾ അമൃതയ്ക്ക് ഒപ്പമാണ് താമസം. മുൻപ് മകൾ അടുത്തെത്തിയപ്പോൾ ബാല സോഷ്യൽ മീഡിയയിൽ പോസ്റ്റ് ചെയ്ത ഒരു വിഡിയോയും വൈറലായിരുന്നു. ‘അവൾക്ക് വേണ്ടി എന്റെ ജീവൻ കൊടുക്കും. ഇതിൽ കൂടുതൽ എന്ത് പറയാൻ. അവളെ കൂടെ നിർത്തണം എന്നായിരുന്നു ബാല പറഞ്ഞത്. അപ്പോഴും ഇരുവരും തമ്മിൽ മകൾക്ക് വേണ്ടി ഒന്നിച്ചുകൂടെ എന്ന ചോദ്യവുമായി ആരാധകരും എത്തിയിരുന്നു

സോഷ്യൽ മീഡിയയിൽ സജീവമാണ് അമൃതയും ബാലയും. അമൃതയുടെ യൂട്യൂബ് ചാനലിന് പിന്നാലെ യൂട്യൂബ് ചാനലുമായി ബാലയും സജീവമാണ്. ഇരുവരും പങ്കുവയ്ക്കുന്ന ചിത്രങ്ങൾക്കും വീഡിയോയക്ക്ും പിന്നാലെ മകൾക്ക് വേണ്ടി നിങ്ങൾ ഒന്നിക്കണം എന്ന ആവശ്യവുമായാണ് ആരാധകർ എത്താറുളളത്. വിവാഹം കഴിഞ്ഞ സമയത്ത് ഇരുവരും നൽകിയ അഭിമുഖം ഏറ്റെടുത്തുകൊണ്ടാണ് ഇരുവരെയും യോജിപ്പിക്കുവാൻ ആരാധകർ ശ്രമിക്കുന്നത്. മകളെ കുറിച്ചു ചിന്തിക്കണം എന്നും, അവൾക്ക് വേണ്ടി ഒരുമിച്ചു പോകണം എന്നൊക്കെയാണ് സോഷ്യൽ മീഡിയ ഇരുവരോടും ആവശ്യപെടുന്നത്

ഇനിയും സമയംപോയിട്ടില്ല അമൃത. തെറ്റും ശരിയും ഇരുഭാഗത്തും ഉണ്ടാകും നമ്മൾ മനുഷ്യരല്ലേ. ഒന്നുകണ്ണടച്ചാൽ കിട്ടുന്നത് നല്ലൊരുകുടുംബമാണ്. മറക്കാൻ കഴിയാത്തതായ് ഒന്നും ഉണ്ടാവരുത്. ഒരുകുഞ്ഞിന്റെ ദുഃഖം അത് അമൃത മനസ്സിലാക്കുക. ഉപദേശിച്ചു തരുവാൻ ഞാൻ മോളുടെ ആരുമല്ല.എനിക്കും ഒരു മോളുള്ളതാണ്.നല്ലതുമാത്രം വരട്ടെ എന്ന് പ്രാർത്ഥിച്ചു കൊള്ളുന്നു.എന്നൊരാൾ പങ്ക് വച്ച കമന്റിന് പൂർണ്ണ പിന്തുണയാണ് മറ്റുള്ളവർ നൽകുന്നത്.

മലയാളികളുടെ പ്രിയപ്പെട്ട താരമാണ് മീര കൃഷ്ണ. രണ്ട് മലയാള സിനിമകളില്‍ അഭിനയിച്ചെങ്കിലും കൂടുതല്‍ നാള്‍ സിനിമ ലോകത്ത് ശ്രദ്ധിക്കപ്പെടാന്‍ നടിക്കായില്ല. എന്നാല്‍ സ്ത്രീഹൃദയം എന്ന ഒറ്റ് സീരയലിലൂടെ കുടുംബ പ്രേക്ഷകരുടെ പ്രിയ താരമായി മാറാന്‍ മീര കൃഷ്ണയ്ക്ക് സാധിച്ചു. മലയാള സിനിനയില്‍ വീണ്ടും സജീവമാകാന്‍ തനിക്ക് മോഹമുണ്ടെന്ന് നടി പറഞ്ഞിട്ടുണ്ട്. ഇപ്പോള്‍ താന്‍ ഒപ്പം വര്‍ക്ക് ചെയ്ത ലെജന്റ്ായ താരങ്ങളെ കുറിച്ച് തുറന്ന് പറയുകയാണ് നടി. ഒരു മാധ്യമത്തിന് അനുവദിച്ച അഭിമുഖത്തിലാണ് ശ്രീവിദ്യയെ കുറിച്ച് നടി പറഞ്ഞത്.

‘ശ്രീവിദ്യാമ്മ അവസാന കാലത്ത് ചെയ്ത സീരിയലുകളിലൊന്നായിരുന്നു ‘സ്ത്രീഹൃദയം’. അവശതയുണ്ടായിരുന്നു അവര്‍ക്ക്. നടി രാധയുടെ വീട്ടിലായിരുന്നു ഷൂട്ടിങ്. എന്റെ അമ്മയായിട്ടാണ് വിദ്യാമ്മ അഭിനയിക്കുന്നത്. ഇന്റിമേറ്റ് സീനുകള്‍ ധാരളമുണ്ടായിരുന്നു. വീടിന്റെ മുകളില്‍ ഒരു പ്രത്യേക മുറിയിലാണ് വിദ്യാമ്മയുടെ രംഗങ്ങള്‍ ചിത്രീകരിച്ചത്. ഫുഡ് അവരുടെ വീട്ടില്‍ നിന്നാ കൊണ്ടുവരിക. ഷൂട്ടിങ് തീരുമ്പോള്‍ മാത്രമാണ് താഴേക്ക് ഇറങ്ങിവരിക. ശ്വാസം വലിക്കുമ്പോള്‍ വല്ലാത്ത സ്‌ട്രെസ്സും സ്‌ട്രെയിനും വിദ്യാമ്മ അനുഭവിച്ചിരുന്നു.

എനിക്ക് ഡസ്റ്റ് അലര്‍ജിയാണ് മോളേ എന്ന് വിദ്യാമ്മ എപ്പോഴും പറയുമായിരുന്നു. ഇന്ന രോഗമാണ് എന്ന് വിദ്യാമ്മ പറഞ്ഞിരുന്നെങ്കിലും തീരെ സുഖമില്ലെന്ന് ഞങ്ങള്‍ക്കറിയാമായിരുന്നു. ജഗതിച്ചേട്ടനൊപ്പം ദേവീ മഹാത്മ്യത്തില്‍ ഒരു സീനില്‍ അഭിനയിക്കാന്‍ കഴിഞ്ഞതും ഭാഗ്യമാണ്. എന്റെ മൂന്നാമത്തെ സീരിയല്‍ ‘കൂടും തേടി’ തിലകന്‍ ചേട്ടന്റെ കൂടെയായിരുന്നു. സ്‌ക്രിപ്റ്റ് ഒരു തവണ വായിച്ചു നോക്കിയതിനു ശേഷം തന്റേതായ ശൈലിയില്‍ പറയുന്നതാണ് അദ്ദേഹത്തിന്റെ രീതി. ഇന്ന രീതിയില്‍ അഭിനയിച്ചാല്‍ അഭിനയം കൂടുതല്‍ മെച്ചപ്പെടുത്താം എന്നെല്ലാം എനിക്ക് പറഞ്ഞു തരുമായിരുന്നു’.

കോവിഡ് പോസിറ്റീവായ ആരാധകന് സഹായവുമായി നടൻ പൃഥ്വിരാജ്. ഫാൻസ് അസോസിയേഷൻ പ്രവർത്തകനായ സൂരജിനാണ് കോവിഡ് പോസിറ്റീവായത്. സൂരജിനെ നേരിട്ട് ഫോൺ വിളിക്കുന്നതിന്റെയും വിശേഷങ്ങൾ തിരക്കുന്നതിന്റെയും ഓഡിയോ സന്ദേശം വൈറലായിട്ടുണ്ട്.
അസുഖത്തെക്കുറിച്ച്‌ തിരക്കിയ താരം സാമ്പത്തിക സഹായവും വാ​ഗ്ദാനം ചെയ്യുന്നുണ്ട്.

സൂരജ്, പൃഥ്വിരാജ് ആണ് എന്ന് പറഞ്ഞുകൊണ്ടാണ് കോള്‍ ആരംഭിക്കുന്നത്. ഇപ്പോള്‍ എങ്ങനെയുണ്ടെന്ന് ചോദിച്ചു. ഒരാഴ്ചയായി ലക്ഷണങ്ങള്‍ ഉണ്ടായിരുന്നുവെന്നും ഹോം ക്വാറന്‍റൈനില്‍ ആയിരുന്നെന്നും സൂരജ് മറുപടി നൽകി. കോവിഡ് പോസിറ്റീവായതിന് പേടിക്കേണ്ടതില്ലെന്ന് പൃഥിരാജ് പറഞ്ഞു. സാമ്പ ത്തികമായി സഹായം ആവശ്യമുണ്ടോ എന്നും താരം തിരക്കി. ഇപ്പോള്‍ ആവശ്യമില്ലെന്ന് പറഞ്ഞപ്പോള്‍ തന്നെയോ ഫാന്‍സ് അസോസിയേഷനിലെ മറ്റുള്ളവരെയോ വിളിക്കണമെന്ന് പറഞ്ഞാണ് പൃഥ്വി കോള്‍ അവസാനിപ്പിക്കുന്നത്. ന്നും താരം ആരാധകനോട് പറയുന്നുണ്ട്.

ഒക്ടോബര്‍ മാസത്തില്‍ പൃഥ്വിരാജും കൊവിഡ് പോസിറ്റീവ് ആയിരുന്നു. ‘ജന ഗണ മന’ എന്ന സിനിമയുടെ ചിത്രീകരണത്തിനിടെയാണ് താരം കോവിഡ് ബാധിതനായത്. ചിത്രത്തിന്റെ സംവിധായകന്‍ ഡിജോ ജോസ് ആന്‍റണിയും കൊവിഡ് പോസിറ്റീവായി. രോ​ഗമുക്തി നേടിയതിന് ശേഷം വീണ്ടും ഷൂട്ടിങ് തിരക്കിലേക്ക് കടന്നിരിക്കുകയാണ് താരം. ‘കോള്‍ഡ് കേസ്’ എന്ന ഇന്‍വെസ്റ്റി​ഗേറ്റീവ് ത്രില്ലറിലാണ് താരം ഇപ്പോള്‍ അഭിനയിക്കുന്നത്.

കൊറോണയെ പൊരുതി തോല്‍പ്പിച്ചതിനുശേഷം ഇനി തമന്നയ്ക്ക് തിരിച്ചുവരവിന്റെ കാലം കൂടിയാണ്. ഡോക്ടര്‍മാരുടെ നിര്‍ദ്ദേശത്തിന് ശേഷമാണ് സിനിമ തിരക്കുകളിലേക്ക് നടി തിരിച്ചെത്തുന്നത്. ഹൈദരാബാദ് വിമാനത്താവളത്തില്‍നിന്നും താരം പുറത്തേക്ക് വരുന്ന ചിത്രങ്ങള്‍ ഇതിനകം വൈറലാണ്. സീട്ടിമാര്‍ എന്ന തെലുങ്ക് ചിത്രത്തില്‍ അഭിനയിക്കാനായി ആണ് തമന്ന എത്തിയത്. വിദേശത്ത് ആകും സിനിമയുടെ ചിത്രീകരണം. തമന്നയുടെ മൂന്നോളം തെലുങ്ക് ചിത്രങ്ങള്‍ നിര്‍മ്മാണത്തിന്റെ വിവിധ ഘട്ടങ്ങളിലാണ്.

നടിയ്ക്ക് കോവിഡ് ബാധിച്ചതിനാല്‍ ഷെഡ്യൂളുകളില്‍ ചില മാറ്റങ്ങള്‍ വന്നിട്ടുണ്ട്. മാത്രമല്ല നടി പ്രതിഫലം കുറച്ചു എന്നും റിപ്പോര്‍ട്ടുകളുണ്ട്.