കോവിഡ് വ്യാപനം ഏറ്റവും കൂടുതൽ ബാധിച്ച വ്യവസായ മേഖലയാണ് സിനിമാ തിയറ്ററുകൾ. തിയറ്ററുകൾ അടഞ്ഞുകിടക്കുന്ന സാഹചര്യം ഉണ്ടായപ്പോഴാണ് നിർമ്മാതാക്കൾ ഒടിടി പ്ലാറ്റ്‌ഫോമുകളെ ആശ്രയിക്കുവാൻ ആരംഭിച്ചത്. ഇത് തിയറ്റർ ഉടമകളെ കൂടുതൽ പ്രതിസന്ധിയിലാക്കിയിരുന്നു. എന്നാൽ സിംഗിൾ സ്ക്രീൻ തിയറ്ററുകളിൽ അനധികൃതമായി സിനിമ പ്രദർശിപ്പിക്കുന്നതായുള്ള റിപ്പോര്‍ട്ടുകളാണ്‌ ഇപ്പോൾ പുറത്തു വരുന്നത്. അക്ഷയ് കുമാറിന്റെ ലക്ഷ്മിയെന്ന സിനിമ സിംഗിൾ സ്‌ക്രീൻ തിയറ്റുറുകളിൽ പ്രദർശിപ്പിച്ചതായി ഫിലിം ട്രേഡ് അനലിസ്റ്റായ കോമൽ കെഹ്ത ഫിലിം ഇൻഫർമേഷൻ എന്ന ഓൺലൈൻ മാഗസിന് നൽകിയ അഭിമുഖത്തിൽ പറഞ്ഞു.

ഡിജിറ്റൽ പ്ലാറ്റ്‌ഫോമില്‍ നിന്നും സിനിമ ഡൗൺലോഡ് ചെയ്ത് പെൻഡ്രൈവിലാക്കിയാണ് തിയറ്ററിൽ പ്രദർശിപ്പിക്കുന്നത്. സാധാരണ ടിക്കറ്റ് നിരക്കും ആളുകളിൽ നിന്നും ഈടാക്കുന്നുണ്ട്. നഗരത്തിന് പുറത്തുള്ള സിംഗിൾ സ്ക്രീൻ തിയറ്ററുകളിലാണ് ഈ പ്രവണത നടക്കുന്നത്. നിയമവിരുദ്ധമായ പ്രദർശനമാണെന്ന് അറിയാതെയാണ് പലരും തിയറ്ററുകളിൽ ടിക്കറ്റ് എടുത്ത് സിനിമ കാണുവാൻ എത്തുന്നത്. ഡിജിറ്റൽ പ്രൊജക്ഷൻ സിസ്റ്റമായതിനാൽ പെൻഡ്രൈവ് കണക്ട് ചെയ്ത് സിനിമ പ്രദർശിപ്പിക്കുവാനും സാധിക്കും.

ലക്ഷ്മിയുടെ നിർമ്മാതാക്കളായായ ഫോക് സ്റ്റാർ സ്റ്റുഡിയോസും കേപ്പ് ഓഫ് ഗുഡ് ഫിലിംസും വിതരണക്കാർക്ക് ഇതുവരെയും തിയറ്ററിക്കൽ റൈറ്റ്‌സ് നൽകിയിട്ടില്ല. ഡിസ്‌നി ഹോറസ്റ്റാറിനായി സിനിമ പ്രദർശിപ്പിക്കുവാനുള്ള അവകാശം ഉള്ളത്. അനധികൃതമായി സിനിമ പ്രദർശിപ്പിച്ച്‌ കിട്ടുന്ന ലാഭത്തിന്റെ വിഹിതം നിർമ്മാതാക്കൾക്ക് ലഭിക്കുന്നുമില്ല. ഇത് ഡിസ്നി ഹോട്ട്സ്റ്റാറിന്റെ കച്ചവടത്തെയും ബാധിക്കുന്നുണ്ടെന്ന് കോമൽ കെഹ്ത പറഞ്ഞു.

ചികിത്സയ്ക്ക് പണമില്ലാതെ സഹായാഭ്യര്‍ത്ഥനയുമായി രംഗത്തെത്തിയ തമിഴ് നടൻ തവസിക്ക് സഹായവുമായി നടൻ വിജയ് സേതുപതി. കാന്‍സര്‍ ബാധിതനായ തവസിയുടെ ചിക്തിസയ്ക്കായി വിജയ് സേതുപതി ഒരു ലക്ഷം രൂപ സംഭാവന നൽകി.

കടുത്ത സാമ്പത്തിക പ്രശ്നങ്ങള്‍ മൂലം ചികിത്സ തുടരാനാകാത്ത അവസ്ഥയിലാണ് സഹായിക്കണമെന്ന അഭ്യര്‍ത്ഥനയുമായി തവാസി രംഗത്തെത്തിയത്.

“ഞാൻ കിഴക്കു ചീമയിലെ (1993) മുതൽ രജനീകാന്തിന്റെ ഏറ്റവും പുതിയ അണ്ണാത്തെ വരെയുള്ള സിനിമകളിൽ അഭിനയിച്ചിട്ടുണ്ട്. എനിക്ക് ഇത്തരമൊരു രോഗം വരുമെന്ന് ഞാൻ ഒരിക്കലും കരുതിയിരുന്നില്ല,” സിനിമയിലെ സുഹൃത്തുക്കളുടെയും സഹപ്രവത്തകരുടേയും സഹായം തേടുന്നതിനിടെ വീഡിയോയിൽ തവസി പറഞ്ഞു.

അഭ്യര്‍ത്ഥിക്കുന്ന തവാസിയുടെ വീഡിയോ സാമൂഹ്യമാധ്യമങ്ങളില്‍ പ്രചരിക്കുകയാണ് ഇപ്പോള്‍. തവാസിയുടെ പ്രശ്നത്തില്‍ നടികര്‍ സംഘം ഇടപെടണമെന്നും ചികിത്സ ലഭ്യമാക്കണമെന്നും സമൂഹ മാധ്യമങ്ങളിലൂടെ നിരവധിയാളുകള്‍ അഭ്യർത്ഥിച്ചിരുന്നു.

നടൻ ശിവകാർത്തികേയൻ തവസിയുടെ മെഡിക്കൽ ബില്ലുകൾ അടയ്ക്കാമെന്ന് വാഗ്ദാനം ചെയ്തതായും റിപ്പോര്‍ട്ടുകള്‍ പുറത്ത് വരുന്നുണ്ട്.