മലയാള സിനിമയിലെ തന്നെ ശ്രദ്ധേയരായ താരദമ്ബതിലകളാണ് ഇന്ദ്രജിത്തും പൂർണിമയും. ഇരുവരും 2002 ലായിരുന്നു ഏറെ നാളത്തെ പ്രണയത്തിന് ശേഷം വിവാഹിതരായത്. ഈ താരദമ്ബതികൾ സോഷ്യൽ മീഡിയയിലും സജീവമാണ്. പ്രേക്ഷകർക്ക് പ്രിയപ്പെട്ടവരാണ് ഇവരുടെ മക്കളായ പ്രാർതനയും നക്ഷത്രയും. എന്നാൽ ഇപ്പോൾ ഇന്ദ്രജിത്ത് ഇൻസ്റ്റഗ്രാമിൽ മക്കൾക്കൊപ്പമുള്ള തന്റെ ഒരു പുതിയ ചിത്രം പോസ്റ്റ് ചെയ്തിരിക്കുകയാണ്.

പ്രാർഥനയ്ക്കും നക്ഷത്രയ്ക്കും ഒപ്പമുള്ള ചിത്രം after some good food എന്ന കുറിപ്പോടെയാണ് താരം പങ്കുവച്ചിരിക്കുന്നത്. ചിത്രം ഇതിനോടകം തന്നെ സോഷ്യൽ മീഡിയ ഏറ്റെടുക്കുകയും ചെയ്‌തു. നിരവധിപ്പേർ ആരാധകരും സഹപ്രവർത്തകരുമടക്കം ചിത്രത്തിന് കമന്റുമായെത്തിയിരിക്കുകയാണ്.

പാട്ടിലാണ് പ്രാർത്ഥനയെന്ന പാത്തു താൽപര്യം പ്രകടിപ്പിച്ചത്. അച്ഛന് വേണ്ടി മോഹൻലാൽ എന്ന ചിത്രത്തിൽ ഗാനം ആലപിച്ചിരുന്നു. കേരളക്കര ഹൃദയത്തിലേക്ക് ലാലേട്ടാ എന്ന് തുടങ്ങുന്ന ഗാനത്തെ സ്വീകരിക്കുകയായിരുന്നു. എന്നാൽ നച്ചുവെന്ന നക്ഷത്ര അഭിനയത്തിലായിരുന്നു കഴിവ് തെളിയിച്ചത്. നച്ചു തുടക്കം കുറിച്ചത് ഇന്ദ്രജിത്തും പൃഥ്വിരാജും പ്രധാന വേഷത്തിലെത്തിയ ടിയാനിലൂടെയായിരുന്നു. അഭിനയവും പാട്ടും പുറമെ സോഷ്യൽ മീഡിയയിലും സജീവമായ കുടുംബം തങ്ങളുടെ വിശേഷങ്ങൾ എല്ലാം തന്നെ പങ്കുവച്ച്‌ എത്താറുണ്ട്.

മലയാളികളുടെ പ്രിയപ്പെട്ട നടിയാണ് ശാന്തി കൃഷ്ണ.ദീർഘ നാളത്തെ ഇടവേളയ്ക്ക് ശേഷം മലയാള സിനിമയിലേക്ക് തിരികെ എത്തിയ നടിയുടെ കൈ നിറയെ ചിത്രങ്ങളാണ്.നിവിൻ പോളി നായകനായ ഞണ്ടുകളുടെ നാട്ടിൽ ഒരു ഇടവേള എന്ന ചിത്രത്തിലൂടെയായിരുന്നു നടിയുടെ രണ്ടാം വരവ്.മലയാളത്തിന് പുറമെ തമിഴിലും നടി തിളങ്ങിയിരുന്നു.മികച്ച ഒരു നർത്തകി കൂടിയാണ് നടി.1981ൽ ഭരതൻ സംവിധാനം ചെയ്ത നിദ്ര എന്ന ചിത്രത്തിലൂടെ ചെറു പ്രായത്തിൽ തന്നെ ശാന്തി കൃഷ്ണ ശ്രദ്ധിക്കപ്പെട്ടിരുന്നു.നടൻ ശ്രീനാഥുമായിട്ടായിരുന്നു നടിയുടെ ആദ്യ വിവാഹം.1984ൽ ആണ് വിവാഹം നടന്നത്.1995ൽ ബന്ധം വേർപെടുത്തി.തുടർന്ന് 1998ൽ സദാശിവൻ ബജോറിനെ വിവാഹം ചെയ്തു.ഈ ബന്ധം 2016ൽ അവസാനിച്ചു.

ഇപ്പോളിതാ സിനിമയും സീരിയലും തമ്മിലുള്ള വിത്യാസത്തെക്കുറിച്ച് തുറന്ന് പറയുകയാണ് താരം.സിനിമയിൽ സജീവമായിരിക്കുമ്പോഴായിരുന്നു ഞാൻ ചാപല്യം എന്ന സീരിയൽ ചെയ്തത്.അതിലെ കൃഷ്ണ പ്രഭയുടെ റോൾ പ്രേക്ഷകർക്ക് ഒരുപാട് ഇഷ്ടമായി.സിനിമയിൽ സജീവമായി നിൽക്കുന്ന ഒരു നായിക നടി സീരിയൽ രംഗത്തേക്ക് വന്നു ഒരു പ്രധാന റോൾ ഏറ്റെടുക്കുന്നതിന്റെ തുടക്കം ചിലപ്പോൾ എന്നിൽ നിന്ന് ആകാമെന്ന് തോന്നുന്നു. സീരിയലിൽ അഭിനയിക്കുന്നത് കുറച്ചിലാണെന്ന് എനിക്ക് തോന്നിയിരുന്നില്ല.

നല്ല ഒരു കഥാപാത്രം വന്നപ്പോൾ ചെയ്തു.സിനിമയും സീരിയലും തമ്മിൽ എനിക്ക് വലിയ വ്യത്യാസം തോന്നിയിട്ടില്ല.ക്യാമറയുടെ വ്യത്യാസം മാത്രമേയുള്ളൂ.അഭിനേതാക്കൾക്ക്‌ അതില്ല.എന്നെ സംബന്ധിച്ച് രണ്ടും കഥാപാത്രങ്ങളാണ്.അഭിനയിക്കുക എന്നതാണ് പ്രധാനം ശാന്തി കൃഷ്ണ പറയുന്നു

നടൻ കൃഷ്ണ കുമാറിനെ അറിയാത്ത ഒരു മലയാളി സിനിമാ ആരാധകരും ഉണ്ടാകില്ല.ഭാര്യ സിന്ധു കൃഷ്ണ കുമാർ ഉൾപ്പെടെ അഞ്ച് സുന്ദരിമാർ ഉള്ള ഒരു കുടുംബത്തിലെ ഏക ആൺതരി ആണ് കൃഷ്ണകുമാർ.കാശ്മീരം എന്ന സിനിമയിലൂടെയാണ് കൃഷ്ണകുമാർ അഭിനയത്തിലേക്കെത്തുന്നത്.1994ലാണ് കൃഷണ കുമാർ കാമുകിയായ സിന്ധുവിനെ വിവാഹം ചെയ്തത്.4മക്കളാണ് ഇരുവർക്കും ഉള്ളത്.മൂത്തമകൾ അഹാന കൃഷ്ണകുമാർ ഇതിനോടകം സിനിമയിൽ നായികയായി അഭിനയിച്ചു കഴിഞ്ഞു.വേറെ രണ്ട് പേർ സിനിമയിൽ ചെറിയ വേഷങ്ങൾ അഭിനയിക്കുകയും ചെയ്തു.ഇവരുടെ വീഡിയോസ് സോഷ്യൽ മീഡിയയിൽ എപ്പോഴും വൈറലാകാറുണ്ട്.ദിയ,ഇഷാനി,ഹൻസിക എന്നിവരാണ് മറ്റു മൂന്ന് മക്കൾ

ഇപ്പോളിതാ സിന്ധു കൃഷ്ണ പെൺമക്കളെ വളർത്തുന്നതെങ്ങനെയാണെന്ന് വ്യക്തമാക്കുകയാണ്.പെൺകുട്ടി കഠിനാധ്വാനം ചെയ്ത് ഒരു പൊസിഷനിൽ എത്തണമെന്നാണ് ഞാനെന്റെ കുട്ടികളോട് എപ്പോഴും പറയാറുള്ളത്. ജീവിതത്തിൽ ഇൻഡിപെഡന്റ് ആയിരിക്കണം,സാമ്പത്തികപരമായും സ്വതന്ത്രയായിരിക്കണം.ഒരു പെൺകുട്ടിക്ക് സമൂഹത്തിലൊരു വില കിട്ടണമെങ്കിൽ ഒരു നല്ല ജോലി വേണം,അവൾ സ്വയം സമ്പാദിക്കണമെന്നും സിന്ധു പറഞ്ഞു.കൂടാതെ എനിക്കൊരു ചുരിദാർ വാങ്ങി തരാമോ ചേട്ടാ എന്ന് ഭർത്താവിനോട് ചോദിക്കുന്ന അവസ്ഥ ഉണ്ടാകരുത്.ആവശ്യമുള്ള കാര്യങ്ങൾ സ്വയം വാങ്ങാൻ കഴിയണം പെൺകുട്ടികൾ ബുദ്ധിപൂർവ്വം പെരുമാറണം.മധുരവാക്കുകൾ ആളുകൾ പറഞ്ഞാൽ അതിൽ വീണുപോകരുത്.

ആളുകളെ ജഡ്ജ് ചെയ്യാൻ അറിയണം.അപകടകരമായൊരു ലോകമാണ്. ആരാണ് നമ്മുടെ ശത്രു,മിത്രം എന്നറിയാൻ പറ്റില്ല.അതൊക്കെ മനസ്സിലാക്കി,ശ്രദ്ധയോടെ മുന്നോട്ടു പോവണമെന്ന് ഞാനവരോട് പറയാറുണ്ട്.ഇതെല്ലാം ഞാൻ കുട്ടികളോട് പാട്ട് പാടുന്നതുപോലെ പറഞ്ഞുകൊണ്ടിരിക്കും.എന്റെ അനുഭവങ്ങൾ,കൂട്ടുകാരുടെ അനുഭവങ്ങൾ,അബദ്ധങ്ങൾ ഒക്കെ പറയും.പത്തും പന്ത്രണ്ടും തവണയൊക്കെയാവും ചിലപ്പോൾ ആ കാര്യം പറയുക.അവർക്കത് അസ്വസ്ഥതയുണ്ടാക്കിയേക്കാം,പക്ഷേ എപ്പോഴെങ്കിലും അതവരുടെ മനസിൽ കയറിയാൽ ഉണ്ടല്ലോ,ജീവിതത്തിൽ എന്നെങ്കിലും സഹായകരമാവുമെന്നും സിന്ധു കൃഷ്ണ പറയുന്നു.

മീനയും മോഹൻലാലും നിരവധി ചിത്രങ്ങളിൽ ഒന്നിച്ചഭിനയിച്ചിട്ടുണ്ടെങ്കിലും അതിൽ ഏറ്റവും ശ്രദ്ധേയം ദൃശ്യം ആയിരുന്നു. ജീത്തു ജോസഫിൻറെ സംവിധാനത്തിൽ 2013ൽ പുറത്തെത്തിയ ത്രില്ലർ ചിത്രത്തിൽ മോഹൻലാൽ അവതരിപ്പിച്ച ജോർജ്‍കുട്ടിയുടെ ഭാര്യ റാണി എന്ന കഥാപാത്രത്തെയാണ് മീന അവതരിപ്പിച്ചത്. ഇപ്പോഴിതാ മീനയുടെ പിറന്നാൾ ദിനത്തിൽ ആശംസകൾ നേർന്നിരിക്കുകയാണ് മോഹൻലാൽ. ഒപ്പം ഉടൻ ചിത്രീകരണമാരംഭിക്കുന്ന ദൃശ്യം 2ലേക്ക് മീനയെ സ്വാഗതം ചെയ്യുകയുമാണ് മോഹൻലാൽ. ഫേസ്ബുക്കിലൂടെയാണ് മോഹൻലാൽ മീനയ്ക്ക് പിറന്നാൾ ആശംസകൾ നേർന്നത്. പിറന്നാൾ ആശംസകൾ മീന, ദൃശ്യം 2 സെറ്റിലേക്ക് താങ്കളെ സ്വാഗതം ചെയ്യുന്നു മീനയുടെ ചിത്രത്തിനൊപ്പം മോഹൻലാൽ ഫേസ്ബുക്കിൽ കുറിച്ചു.

അതേസമയം ദൃശ്യം 2ൻറെ ചിത്രീകരണം ഈ മാസം അവസാനം ആരംഭിക്കും. സിനിമയുടെ ചിത്രീകരണം പതിനാലിന് തുടങ്ങാനായിരുന്നു തീരുമാനിച്ചിരുന്നതെങ്കിലും സെറ്റ് വർക്കുകൾ പൂർത്തിയായിട്ടില്ലാത്തതിനാൽ ഷെഡ്യൂൾ നീളുകയായിരുന്നു. എല്ലാവർഷവും നടത്താറുള്ള ആയുർവേദ ചികിത്സയ്ക്കായി പാലക്കാടുള്ള ആയുർവേദ കേന്ദ്രത്തിൽ പോയിരിക്കുകയാണ് ഇപ്പോൾ മോഹൻലാൽ. അത് പൂർത്തിയാക്കിയതിനു ശേഷമാവും മോഹൻലാൽ ചിത്രത്തിൽ ജോയിൻ ചെയ്യുക.കൊവിഡ് പശ്ചാത്തലത്തിൽ സർക്കാർ മാനദണ്ഡങ്ങൾ കർശനമായി പാലിച്ചാവും ദൃശ്യം 2 ചിത്രീകരിക്കുകയെന്ന് നിർമ്മാതാവ് ആൻറണി പെരുമ്പാവൂർ നേരത്തെ വ്യക്തമാക്കിയിരുന്നു. തൊടുപുഴയും കൊച്ചിയുമാണ് പ്രധാന ലൊക്കേഷനുകൾ.

മലയാളത്തില്‍ നല്ല കഥകളും സംവിധായകരുമുണ്ട്, പക്ഷേ സ്ത്രീകള്‍ക്ക് പ്രാധാന്യമുളള സിനിമകള്‍ക്ക് ക്ഷാമമുണ്ടെന്ന് നടി മാളവിക മോഹനന്‍ . ഷീലാമ്മ, ശോഭന, മഞ്ജു വാര്യര്‍ എന്നിവര്‍ക്ക് കിട്ടിയത് പോലുളള അവസരങ്ങള്‍ ഇപ്പോഴില്ലെന്നും മാളവിക പറയുന്നു . ​ഗൃഹലക്ഷ്മിക്ക് നല്‍കിയ അഭിമുഖത്തില്‍ മാളവിക ഇക്കാര്യം വ്യക്തമാക്കുന്നു . സിനിമയിലെത്തിയ ശേഷം തനിക്ക് മോശം അനുഭവങ്ങളൊന്നും ഉണ്ടായിട്ടില്ല . എന്നാല്‍ മറ്റുളളവര്‍ക്ക് സംഭവിച്ചിട്ടില്ല എന്ന് താന്‍ പറയില്ല . ഇത്തരം അനുഭവങ്ങള്‍ നേരിട്ട സുഹൃത്തുക്കളുണ്ട് . ഇതുവരെ ആരെയും തല്ലേണ്ടി വന്നിട്ടില്ല . പക്ഷേ ആരെങ്കിലും എന്നെ ശല്യം ചെയ്യാന്‍ വന്നാല്‍ അടങ്ങിയിരിക്കില്ല . മാര്‍ഷ്യല്‍ ആര്‍ട്സ് പഠിച്ചതാണ്, നല്ല നൈസ് കിക്ക് കൊടുക്കുമെന്നും മാളവിക പറഞ്ഞു .

മാളവികയുടെ വാക്കുകള്‍ ഇങ്ങനെ;

മമ്മൂക്കയാണ് എന്നെ മലയാള സിനിമയിലേക്ക് ക്ഷണിക്കുന്നത് . 2013ല്‍ അച്ഛനൊപ്പം ഒരു പരസ്യം ചെയ്യാന്‍ കേരളത്തില്‍ വന്നപ്പോള്‍ മമ്മൂക്ക ചോദിച്ചു , അഭിനയിക്കാന്‍ താത്പര്യമുണ്ടോ എന്ന് . അങ്ങനെയാണ് പട്ടംപോലെയില്‍ ദുല്‍ഖറിന്റെ നായികയാവുന്നത്. പിന്നീട് നിര്‍ണായകത്തിലും ​ഗ്രേറ്റ് ഫാ​ദറിലും അഭിനയിച്ചു . അതിനുശേഷം മലയാള സിനിമ ചെയ്തിട്ടില്ല. ഇവിടെ ഇപ്പോഴും സ്ത്രീകള്‍ക്ക് പ്രാധാന്യമുളള സിനിമകള്‍ക്ക് ക്ഷാമമുണ്ട്. ഷീലാമ്മ, ശോഭന, മഞ്ജു വാര്യര്‍ എന്നിവര്‍ക്ക് കിട്ടിയത് പോലുളള അവസരങ്ങള്‍ ഇപ്പോഴില്ല.

മലയാളത്തില്‍ നല്ല കഥകള്‍ ഉണ്ടാവുന്നുണ്ട് . മഹേഷിന്റെ പ്രതികാരം, തൊണ്ടിമുതലും ദൃക്സാക്ഷിയും, കുമ്ബളങ്ങി നൈറ്റ്സ് ഇതൊക്കെ നല്ല സിനിമകളാണ് . ദിലീഷ് പോത്തനെയും ലിജോ ജോസ് പെല്ലിശേരിയെയും പോലെ നല്ല സംവിധായകരുമുണ്ട് മലയാളത്തില്‍ . പക്ഷേ സ്ത്രീകള്‍ക്ക് റോളുകളില്ല . പാര്‍വതി തിരുവോത്ത് അഭിനയിച്ച ഉയരെ എന്ന സിനിമയ്ക്ക് ശേഷം അത്രയും നല്ല സ്ത്രീ പ്രാധാന്യം ഉള്ള സിനിമകള്‍ വേറെ വന്നിട്ടില്ലെന്നാണ് എനിക്ക് തോന്നിയിട്ടുളളത് . നല്ല അവസരങ്ങള്‍ കിട്ടിയാല്‍ ഇനിയും മലയാളത്തില്‍ അഭിനയിക്കും.